سُبْحَانَ اللَّهِ وَبِحَمْدِهِ سُبْحَانَ اللَّهِ الْعَظِيمِ
فتحت عيونها بعد ماحست باصابع تلمس خدودها بنعومة ناظرت عيونه وابتسمت وحمرن خدودها من نظراته وقربه
سارا ببحة: من متى وانت هنا .
الهيثم :صارلي نص ساعة صاحي وانتظرتك تصحين ، ها الحين احسن؟
سارا بخجل: يب الحمدلله.
الهيثم:ا وكي انا باروح اصلي الظهر وانتي قومي صلي وجهزي نفسش لاني عازمش على الغدا.
سارا بتعب: هيمو ايش رايك تخليها عشاء مو جاي على بالي اطلع.
الهيثم: ياحبيبتي اليوم غدا وعشى برا البيت حاجز لنا شاليه في الهيلتون .
سارا: اهاا ههههههه كح كح قول كذا من اول
الهيثم بابتسامة تدوخ : يب يالله بطلع انا الحين للمسجد
طلع بعد ما تجهز للمسجد
سارا قامت بكسل كانت تناظر شكلها كانت تحس بتعب ووجهها شاحب قامت تتروش تنشط روحها طلعت وصلت رجع تعبها وحست بلوعة كأنها بذلت مجهود قامت وتمددت بالفراش تحس انها دايخة مو قادرة لاي شي
الهيثم دخل الغرفة بابتسامة : ها سارا جهزتي
شافها نايمة بثياب الصلاة راح لعندها يحسها تعبانة بس تكابر جلس جنبها يمسح على شعرها بهدوء وقال بحنان :حياتي للحين تعبانة .
سارا انتبهت له ماقدرت ترد هزت راسها بلا
الهيثم: طيب ليش نايمة وماتردين
سارا سكرت عيونها بقوة وتستجمع قوتها وقالت بصوت يالله ينسمع : مدري
الهيثم قام اتصل على امه اتقول للخدامة تجاب لهم اكل جابت الشغالة الاكل حاول فيها تاكل ويالله اكلت وشربها فيتامينات ومقويات جابهم معها ومددها ترتاح وقال: حبيبتي ارتاحي انا في الصالة اذا تبيني ناديني
اكتفت بهز راسها
طلع لصالة جناحهم وقلبه معها ومقرر يخليها للمغرب لو ماتحسنت بياخذها للمستشفى وافقت ولا لا دق تيلفونه وقطع سرحانه و كانوا المستشفى عقد حواجبه هو ماخذ اجازة رد وهو مستغرب من الاتصال دقايق وسكر وهو معصب الدكتور الي مناوب مريض ولازم يجي مكانه رجع لغرفتهم ناظرها يحس بضيق قلبه مقبوض مايدري ليش تنهد من القلب مايريد يخليها جلس جنبها بهدوء وقال بحب : حبيبتي صاحية
سارا انتبهت وفتحت عيونها : امر حبيبي
الهيثم: ها كيف احسن الحين
سارا وتجلس : يب بكثير تسلم حبيبي .
الهيثم ضمها وخلا راسها على صدره ويلعب بشعرها يحس محتاج قربها مايريد يبعد عنها وقال بحنان : اممم اتصلوا المستشفى بلع ريقه وكمل يريدوني
سارا فهمت بابتسامة : اوكي حبيبي عادي روح الله يعوضنا بيوم ثاني مافرقت يوم تعودت " عضت شفايفها على جملتها الاخيرة هي تريد تخفف عليه التوتر بس شكلها عماتها"
الهيثم انقبض قلبه حس بتقصيره وظلمه لها وهيا الدلوعة "وابتسم على حركتها "باس راسها :الله يخليش لي ويزيدك عقل ياعمري بس قلبي مومطاوعني اخليش
سارا : حبيبي مافيني شي وبعدين شيمو هنا وبخلي البنات يجون بجلس معاهم وزياد وخالد اليوم يوصلون ان شالله صدقني ياقلبي موصاير شيء وبكرا نعوض عن اليوم اوكي
الهيثم يتأملها وبحب قال بابتسامة: اوكي بس انا عازمش اليوم برا البيت وعلى سهرة تحفة موافقة.
سارا ماتريد ترفض عشان مايفكر انها ماتريد تجلس معه ابتسمت: اوكي راح اكون جاهزة .
الهيثم: خلاص راح اشوف متى اخلص واقولك يالله باس خدودها وقام يتجهز
نزلت سارا تحت تسولف خالتها وعمها بس كانوا نايمين اتصلت بشيمو ماترد لاهي ولا ريموو كانت تفكر تروح عندهم وندوش قالت لها بلليل بترجع شافت حلا تتفرج على ام بي سي 3 جلست اتشوف معها ماحست الابيد حانية تصحيها نامت بدون ماتحس ماتعرف وش قصتها طالعت بخالتها ام الهيثم : يمه قومي ريحي بغرفتش شكلك تعبان.
سار : لالا خالتي مافيني الا العافية
ام هيثم بحنية تعرف عناد بنت اختها : انزين روحي صلي وتعالي نسولف وشيما بعد نص ساعة واصلة ولانامي وارتاحي شوي.
سارا: اوكي بصلي وبرجع تحركت بثقل لجناحهم صلت شافت تيلفونها امكن هيثم اتصل لانه قال بيتصل ويقولها متى تجهز ماشافاته اتصل اتصلت عليه كان مغلق احيانا يكون مغلق وهو بالشغل اخذته معها التيلفون عشان تجرب مرة ثانية حست بدوخة وقفت اشوي حتى خفت وبعدين نزلت تحت جلسوا يسولفون ولما جت شيماء وريمو كملوا سوالف كان مرة غفل واتصلوا برودينا تجي وجت اهي وندى .
مر الوقت بسرعة سارا خايفة على الهيثم الي ما اتصل ومسكر تيلفونه خافت ليكون صار له شي او شاور انه يتركها تعبت من التفكير والكل لاحظ شحوبها وتعبها وسرحانها بس ماتخليهم يسالون لانها تسوي نفسها فالتها
ندى: بنااات اريد نطلع طلعة حلوة
رودينا: على يدك
ريم: هههههههه ماصدقت الاخت على طول
سارا: هذي رودي والاجر على الله هههههههه
شيماء: سوسو لاتنسينا ويالله قولي لنا امس هيموو ايش سواا
ريم: ههههههههههههه ماتنسي شيء
ندى ايش السالفة
سارا بحزن بس حاولت توضح العكس: هههههههههههههههه والله ماقولك توك صغيرة ههههههههه كح كح كح
رودينا: ايش مسوية يالملعونه خلينا نتعلم
ندى: صدق ماتستحين انا المتزوجة ماقلت شيء بنات اخر زمن
ريم: اوهوو الله يعيني الحين يالمحترمة بغيتي تسوين فيها لاتخلينا نقلب عليش بس
ندى: لالالا كله ولا انقلابكم علي
سارا: بنات اريد ايس كرييم
شيماء: اتصلي بالعاشق والله اخوي مضيع المفروض بعد امس مانشوف اشكالكم يخطفك لبعيد مووجه رومنسية
سارا تضربها بكتفها : احترمي نفسش كله ولا هيموو حبيب قلبي فديته
البنات: ههههههههههههههههههه
ندى: الله لايغير عليكم ويرزقم بالذرية الصالحة
البنات : امـــــــــــــين
سارا: اريـــد ايس كريم
البنات: هههههههههههههههههههههههههههههههه
أنت تقرأ
أسرار العيون
Adventureهذي اول روايتي نسجتها من الواقع والعادات وتقاليدنا المنسوجة بالخيالان شالله تنال على اعجابكم ترددت اطرحها بس كثير شجعوني اني انزلهافحبيت اطرحها لكم ومتقبلة كل انتقاداتكم الي ممكن تساعدني اتمنى اشوف ردودكم الحلوة الي ممكن تشجعني وان شالله انزل في كل ...
