قبل العرس بيومين كان عقد القران وعرس الرجال
بعد عقد القران صار الهيثم زوج سارا وصارت سارا حرم الهيثم
كان يوم حافل كانوا مسوين احتفال هبوت وبرعة ( رقصات الرجال الشعبية) والشعرا يلقون الشعر
للعريس وللقبلية فخر ومدح وكانت في فرقة مو سيقة وفرقة راقصة عمانية وجابو فرقة اردنية
كانت سهرة الكل كان فرحان بزواج اول حفيدين للعيلة
البنات والحريم الكل مجتمع عند ام محمد البيت وسارا ظلت بالبيت كانت تبكي على يوم موتها طالعت بشكلها والحنة الي عليها وحست ان الموضوع صار حقيقة ولا مفر منها جواالبنات عندها بما ان البيت ملازقة ويطيحون عليها تعليقات وضحك في البداية كانت نفسيتها زفت بعدين حاولت تغير نفسيتها لانها لاحقة للعذاب ليش ماتنبسط مع البنات وكانت تضحك على تعليقاتهم وتعلق عليهم وجابوا المسجل ويرقصون عندها وبعدين جروها عند الحريم عشان تسلم على ام محمد الي ناداتها خلص اليوم وكان طويل
اليوم المنتظر يـــــــــــــــــــوم العرس ( الــهــيـثم & ســــــــارا )
كان عرس من الف ليلة وللية الفخامة عنوانه
كانوا مسوينة في خيام الخليج للرجال والحريم وجايبين مطربين
خيمة الحريم كانت رهيبة مزينة بالكرستال الابيض والذهبي والورود الطبيعية البيضاء والاف وايت
والمفارش وكل شيء ذهبي على اف وايت والثريات كانت مرة فخمة ومسوين مثل المعلقات بالكرستال وعليها ورود ملفوفة وكانوا يوزوعون هدايا على الحاضرين عبارة عن صناديق صغيرة مطلية بالذهب ومكتوب اسم الهيثم وسارا وفيها مختلف الهدايا بعضها عودي فاخر وبعضها سبيايك ذهب وبعضها فلوس مع باتشي وانواع من الشوكلاه الفاخرة
الكل كان فرحان وكاشخ البنات كل وحدة تقول الزين عندي والكل منهبل عليهم ويسأل عنهم
دخلت شيماء على سارا الي توها واصلة وكانت متوترة واول ماشافت شيماء حست بالغصة
شيماء تجننت على سارا وصارت تسمي عليها : ماشالله راح تذبحين الشعب ياويل حال اخوي
سارا هنا توترت اكثر وبخاطرها مالت ياشيمو بدل ماتخفف عني زيدة علي " سارا كانت ملاك بفستانها الاف وايت على الذهبي وفيه كرستال ذهبي كانت جوهرة ومكياجها مرة روعـــــــــــة "
ابتسمت سارا لشيماء
شيماء: سمي بالله ولاتخافي كلنا جنبش والحين امي وخالتي جاين وماكملت جملتها الا وهم داخلين ومعاهم ام محمد واول مادخلوا وشافوا سارا انبهروا وصاروا يبلبلون من الفرحة ويسمون عليها ام محمد وام خالد دمعة عيونهم على شكل سارا بفستان الفرح وام الهيثم مو مصدقة ان ولدها تزوج سارا بنتها الثانية وقمر العيلة
أنت تقرأ
أسرار العيون
Adventureهذي اول روايتي نسجتها من الواقع والعادات وتقاليدنا المنسوجة بالخيالان شالله تنال على اعجابكم ترددت اطرحها بس كثير شجعوني اني انزلهافحبيت اطرحها لكم ومتقبلة كل انتقاداتكم الي ممكن تساعدني اتمنى اشوف ردودكم الحلوة الي ممكن تشجعني وان شالله انزل في كل ...
