أسرار العيون

٣١

لميس : منال والله خايفة مادري ايش الي صار فجأة قلب علي وماصار يكلمني

منال: لميسوه تعتقدين عرف ان سارا بنت عمك تزوجت وعلى باله انتي وزعل

لميس : ما اعتقد لانه انقلب وانا بدبي قبل كل شيء

منال: والله غريبة خلااص خليه يولي

لميس: مدري اخر مكالمة ماكانت مريحتني وقلبي مو مطمن وخاصة اني شاكة انه شاف سارا بدبي وهذا الي مزود توتري اكثر

منال: والحل الحين

لميس: مادر مادري

منال: خلاص لاتعبين عمرش ريحي راسش مو فاضين لتفهاته وبعدين مو هذا الي حذرتش منه
وماسمعتي كلامي

لميس: منال الله يخليش موقادرة لكلامك هذا

منال: طيب مو عشان شيء عشان ان الكلام الحين ماينفع الا ماقتلك امي تريد تخطب لمحمد اخوي

لميس : والله محيميد بتزوج ومين تعيسة الحظ

منال: ههههههههههههههه انتي

لميس: أيـــــــــــــــــــــــــش

منال: هههههههههههههههههههههههه انتي هههههههههه

لميس: اتخسي الا انا اتزوج محيميد

منال: هههههه لالا تخافي اصلا شعوركم متبادل

لميس باستغراب: كيف

منال: حمود اخوي رفض قال انه مايبيك

لميس وعصبت : لا والله اصلا هو يتمنى نظرة مني على باله بموت عليه

منال: لميسووه عن الكلام الزايد وخلي اخوي بحاله زي منتي مو حاباته هو بعد وهذا الشيء
نعرفه من زمان ولا كان كله تمثيل منش

لميس: لا ياعيوني مو انا الي امثل شوفي اخوش مسوي فيها مايريدني الا هو يموت بتراب الي امشي عليه

منال: لميس اخوي مو هشام ولا غيره الي مضيعين اخوي رزه وثقل وولد متربي مو حق حركات فهمتي

لميس: ههههههههههههههههه لا ياعيوني كلهم واحد البنات تلعب بعقولهم وبتشوفين يامنووول ومحيميد بيكون منهم

منال: اوكي اوكي ماعلينا منك الله يهديش بس هذا الي اقوله ,اقول اليوم مو رايحين بيت خالك

لميس: الا والحين رهف زاعجتني تقول اقوم اتجهز عشان انروح مالت بس اقول