كعدت ثاني يوم لكيت ماما تحضر بالغده والمطبغ مكلوب اكيد دولمه ههههه
وكفت وياهه علمود اتعلم لان ماما تسويهه تخبل ورحيتهه اوووف عذاب
عاشت ايدج يوم من ريحته تخبل
بالعافيه حبيبي
حته تدوين ماعون لبيت جدج
إنشاء الله
اكول ماما شوكت نروح البستان كلش مشتاقين نروح مو كال بابه شو سكت
كال عالجمعه إنشاء الله
اي الحمد لله واخيرا يله اني راح كلبه
ديري بالج
اني كده لتخافين ابببا اممم تخبل شوفي هاي لان ساعتج بيه طلعت عدله تخبل
ههههههه وين موبايلج اطكلهه صوره
لا ماما اضوج من هاي السوالف
يله لعد سوي ماعون خلي اودي لبيت جدي
رحت لبست جبتي وحجابي وصلت قريب الباب جان كاعد بابهم
شفته وكملت مشي دا اجر السيم كال
هوب هوب بوعتله اووف يابه دولمه ريحته سابقته جيبيه بسرعه
كتله بتحدي وشقه
مو الك هاي شنو جيبيه
طفر وكف كدامي راد يمد ايده وخرت الماعون على جهه ورايه جان يخزرني ويمد ايد عالماعون وتقرب عليه اني شهكت جمدت وحبست نفسي جان ياخذ قطعه وعينه عليه بتحدي ورفع حاجبه واكلهه كدامي وكال
اممممم طيبه اكيد مو انت مسويتيه واني بعدني مصدومه من قربه
بتسم وراح
اخذت نفس وطبيت مثوله منه تصرفه
وديته لجدي وكعدت يم بيبي شويه وطلعت مجان بالباب رجعت للبيت واني كلسى اذكر قربه وافكر بي وبعدين ابعده عن تفكيري
تفقوا عمامي عالروحتنه للبستان وتحضرنه
لبست ثوب حلو صيفي كلوش والردن عريض بي بزمه مطرزه من المعصم وكسرات ومن فوك عالجسم وأخذت وييايه شفقه ونظارات ضميتهن بالجنطه خاف احتاجهن هناك
وطلعنه جانوا بالباب يتحضرون ويخلون غراضهم سلمت عليهم شفته طلع بينه بس نظرات ماكو سلام من دون الكل
وهو هم يسلم عله الكل حته عله سرور بس اني
صعدنه كلمن سيارته واحله شي بالطريق المسابقات الي تصير وصلنه فرشنه وبدينه نحضر معدات الشوي والولد وعمامي همه الي يهتمون بالشوي و البنات تضل تصخر واني كل عاده اتيهه روحي بين الخضار والأشجار والنخيل واروح عالشط اموت عالهل أجواء
اتمنه اعيش حياة القريه ماحب المدينه
رحت اتمشه ولازم اشوف صديقاتي بنات الفلاح وجيرانهم مالكيتهم بتسمت عود كبرن بعد ميطلعن بس اكو جهال صغار يلعبون يم الشط ضليت اتمشه كعدت عالجهه واخذ نفس اترس رءتي من الهوه الطيب
اشمر حجار واشوف الجهال شلون تعبر المعبر الي عالنهر مال جذع النخل واذكر كبل من جنت اعبر وافكر هسه اكوم اجرب كنوا جاي اختبر روحي اكدر لو لا
كمت نكثت ثوبي وتوجهت لجذع بعدني ماحاطه رجلي عالمعبر واسمع صوت ورايه
أنت تقرأ
أحببت روحك
General Fictionما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
