أحببت روحك

البارت الثاني

سلام الله عليكم 💞

مرت الايام والاشهر والوضع ماتحسن بده يصير للأسوء وضع اختي
وضع السوك الي وكف وابوي متورط خاف تخلص مده الرهن وقطع الأراضي مانباعن صارت الأمور بنسبه النه
ابوي كام يشتغل وره الدوام ويه إخوانه حته يكدر يامن المصاريف والعلاج

امي حايره بسرور واني اقره جان عندي صعوبه بالمواد فاروح لبيت عمي اقره ويه هديل جان مهند يقريهه هو صار سادس اعدادي وهم ملتهي يقره بكلوريه هاي ثاني سنه اله عاد السادس
جنت اروح كل فتره لغرفته ويه هديل من تنظفه واستغل الوضع بدون متدري اشوف شمشتري كتب جدد لو اكتب عنوانهن حته اشتريهن لو اخذ الكتاب اقره وارجعه ماعرف ليش واثقه لإختياره للكتب احس هو ديختارلي الكتب الي احبهن
احب شخصيته بدون ماادري
ماعرف لان يشبهه شخصية بابا او قريب عله شخصيتي ماعرف اهتم باليسوي واتابع واعرف كلشي عنه   هو شكله كلش عادي اسمراني وطويل وضعيف وخاصتا بعمر المراهقه اجلح املح عيونه سود يعني كأي ولد مااكلكم مثل ابطال القصص حلو وسيم وعيون ملونه وعضلات لا عادي جان
من اكثر المواقف الي اذكر
مره اجيت من المدرسه اني وهديل وصديقاتي طلعنه وجان الجو حار رحنه شترينه موطه وجان ازدحام عالمحل فتأخرنه بالرجعه والشوارع فرغت تقريبا دخانه بفرعنه فارغ والشمس حاره وسايحين  كوه نمشي قبل امتحانات نهايه السنه
جان يجون ولد بالباسكلات هم وهوستهم
من شافون وحدنه ضل يذبحونه حجي ويضحكون بناتهم باصواتهم المزعجه ها هي ها من هالكلمات مال المراهقين التعبانه وطبكوا باسكلاتهم ونص ويفترون دائرة علينه وحنه مثل الفارات صرنه والدموع بعينه وجان يجي عزام ابو الشدايد بكل سرعته ولك اليوم انعل والديكم ياهو الي يلزم يركع بوكس وجلاق الي لحك ينهزم احك والي وكع بأيد اخذ حقه احنه وكفات عالجهه وهو يسب ويلعن نوب لتفت علينه يببو شراح يخلصنه
وأنتن ليش لسه من يمته حلوا المدارس يله كدامي وحنه رجل دك برجل ركض كدامه للبيت
ومره جنت كاعده بالمرجوحه بيت جدي واقره العصريه وخاله الحجاب عالراسي طب عادل ابن عمي علي لبيت وجان مستعجل راح لأمه
يسالهه عالشي اني داقره وجان يجي يصيح عليه نور وين طيارتي جانن بالسطح هنه والخيوط الشيشه
كتله مادري ماشفتهن كام يصيح هو  بالمتوسطه وراسب سنه ويموت عاللعب ضل يصيح عليه كال امي كالت اسال نور شفته صعدت هيه والبنات فوك وينههن احجي اله شويه يريد يضربني
جان اسمع صوت مهند هي يول شنو هال صياح كله نور ضيعت طيارات والخيوط حاطهن بالبيتونه
اني فتحت عيني والله معليه اني شسوي بيهن
مهند ولك شنو تصيح عليهه قابل هيه طير متستحي يله امشي منا
مشه عادل وهو يدردم اني ابوع على مهند طب للمطبخ افرح من يدافعلي
ومانسه من ركض ورانه الجلب
هههههههه
جنت واكفه بالباب منتضره احد يجي حته اشتري من المكتبه ان نهايه العصريه قبل المغرب منتضرتهم يحلون من الساحه مال الطوبه اجو وترابهم وراهم عادل وعدي ومهند لازمين الطوبه ويمشون كالوا شعندج هم طلبات كتلهم اريد اشتري
عادل _ اههو اني جاي تعبان اريد اطب اغسل
عدي _لتباعيلي اني ماصخر بعد ميت مره دزون
و طبوا  جوه ضليت اتوسل هذا الحجي مهند يريد يطب لبيتهم مقابيل بيت جدي
كل لعادل اخذه خل تشتري
عادل _والله تعبان مشوف رجلي شصار بيهه من الوكاعت اني كتله غير متكعدون راح بس تلعبون
عادل _دولي لاركعج بكله اطيرج
مهند _امشي يبلوه طلباتج متخلص
باوعته بستنكار وضوجه كلي يله امشي فضيهه فوكه تضوج
طلعنه نمشي هو يمشي سريع واني اركض ورى وصلنه المكتبه مالكيت كل الي اريد كتله عد مكتبت حازم كلشي بيه الي يم المدرسه
مهند _ شيودينه الذيج اخذي اي شي فضيهه
ضليت الح عليه حباب مو المدرسه تريد اله نفسه امشي يبلوه تضوجين من اكلج خلفتج ونسيتج طبعا دائما يكلي يبلوه ههههههه
رحنه صار الليل والجو بده يبرد اخذنه الغراض والشوارع فرغت وجان نسمع صوت جلاب تركض من جهتنه واني راسن صحت يمه وازمت من قميصه هو بوعلي اركضي ولزم ايدي ويركض بي وكلي بسرعه  ركضي نركض كل سرعتنه هو طويل واني بعدني صغيره واصلا ناعمه هو يركض وجر بي يله ركضي اسرع طبينه فرع وختلنه وره دنكه مال باب كدامه أشجار جلاب طلعن كبل جان تلاثه اني الهث كوه كاتمه نفسي من الخوف شلت راسي باوعلته هم يلهث ويباوع عااجهت الجلاب ومختلني ورى ولازم ايدي وكوه ياخذ نفس وحاط ايده على خاصرته اني بذيج اللحضه مدري شصار بيه حسيته هو الأمان هو السند كلبي يدك مادري من الخوف مادري عليه ضليت صافنه عليه العرك يصب من كصته وتعبان بوعلي كلي راحوا الحمد لله اني راسن هديت ايده لان حسيت بشعور غريب لتكلولي صغيره مثل ماهو جان يشوفني بس هذا جان احساسي مو بيدي
كلي يله امشي خلي نرجع رجعنه امشي ويا وكلسى ابوعله هو ولا يمي بس يريد يرجع
وأني عيني طول الطريق عليه ماحس بي

رجعت للبيت واني اضحك هالموقف طلعت مذكراتي وكتبته بكل تفاصيله وكتبت التاريخ وكتب جوه خواطر لسه اذكره

في عينك حنيه
في قلبك طيبه
في روحك شقاوه
في صوتك حنان
في ضحكتك حياه
في ابتسامتك أشراق
نظراتك امل   وحضنك امان   ولمساتك دافيه
وقربك يعني الوجود
ربي استودعك قلبآ نبضه بدفئ صوته وحنان لمسته 

بدت امتحانات نهايه السنه والحمدلله زينه ومكيفه راح اروح متوسطه بس وضعنه  مو تمام سمعت ابويه  يحجي ويه عمامي انو راح نسافر وهناك لكه شغل
علما تصفه أمورنا هنا بدينه رتب امورنه لطلعه خارج العراق وخاصتا علمود سرور وعلاجه فصفطنه غراضنه واليوم جان اخر يوم باجر نسافر
علمود مهند مسويله عزيمه مال نجاحه من السادس فقرروا يسوهه بالبستان وهم تغير جو كلنه لتمينه وذبحوا خروف
وجان احله يوم واسوء يوم لان راح نتركهم ونسافر ضكاتنه مامزوجه بالدموع اني ماكعددت وكنوا احفر كل الاحضات بالي اخاف ماارجع
كلما اريد ابجي اروح بعيد يم الأشجار حته محد ينتبه ضليت افتر شفت شجرت التين لزمتهه وابتسمت لكيت بسمار جبير بالكاع اخذته وكعدت احفر عالشجر ذكرى وكتبت التاريخ وكتب شعر احبه

كملت وضليت ابوع عالشجره ماكدرت الزم روحي لازم اصعد والتين يشهي مفجوعه من كد الحلا البهه تسلقت وكعدت على الغصن اكل
نوب اريد انزل جنت لابسه بنطرون وقميص طويل عليه جلب القميص بالغص ولا اني النازله ولا اني الرجعه بعدنه دا اعت بي ماحسيت غير ايدي ورايه عبالي بابا كلت اي بابه عفيه نزلني وتفاجأت ببمهند
انت شكبرج تصيرين ومتكعدين راحه نزلني متت خجل منه كتله لا مو بس اريد احوشلكم خوش تين بس اريد أفلت ضل يبوعلي ومصغر عيونه اي خطيه حايره بينه 
وين التين الحشتي؟  كله بطنج ضليت ارمش وانكث بملابسي من التراب
كتله اء ء ء هسه ردت أشلع وكعت لان مالوحه بعيد كلي دتعالي خلي اشيلج وكطعي
رجعت ليوره ها لا انت شطولك تلوح ونهزمت منه اسمع يصيح ورايه تعالي ولج من صار بيهه شغل فلتي اني اعلمج
اني بس اريد اشرد للعصر كلنه رجعنه بدينه لملم بغراضنه كلت لماما رايحه لهديل اطيه كتابهه طبعا حجه
رحت يمه وكتله راح ارجع هذا الكتاب المكتبه هسه اجيج تأكد مهند مو بالبيت دخلت جنت مشتريتله هديه وخالته بنص الكتاب قلم  حبر حلو بضرف ويا شعر بدون مااكتب اسمي ماعرف ليش ماريد يعرف مني الهديه بس مجرد يفرح بيه مناسبه تخرجه كافي عليه خليتهن على ماكتبته وطلعت بسرعه اخاف يشوفني رجعت واني اتحصر ماريد اسافر ويه اهلي ولا اكد ابقه وحدي رحت يم هديل سولفنه وكمت ابجي كتلهه راح اشتقاقلكم وهيه تصبر بيه كالت انشاء الله مطولون ونبقه عالتواصل وره شويه كمت كتله راح ارجع كالت صدك نور نتضري راحت للكنتور طلعت سوار كالت هاج لزمته كتلهه شنو هذا كالت هذا مهند شترالنه اني وياج كال هاي هدية نجاحكم من السادس اخذت وابتسمت وكلبي نشرح حسيت بشعور حلو كتله مثل مالتج كالت لا شويه يختلف ضحكت وكتله شكرا
كالت شكري اله وغمزتله ضربته على جتفهه
تره عادي مثل ماجابلج جابلي كالت واني شكلت اني هم شكرته بوستهه ورحت كتلهه  مراح أشوف  نطلع الفجر انت شكري بالنيابه عني ورجعت للبيت فرحانه ولبسته وكلسى اباوعله بس كلسى يفلت جبير عليه

ثاني يوم طلعنه لفجر

اكو بعد بارت 😊