جنت كاعده بساحه المدرسه نتمشه اني والبنات والجو بادد خليت اديه بجيوب الستره
وشلت راسي الجو مغيم بي مطر أوييلي شلون حاله بهل برد وبهل وضع جماله حرب
كلبي ينعصر عليه كلما اذكر واشوف بالفيس المقاطع لجنود وهم عالساتر وبنص المعركه واكو صور لشهداء وحته اكو وكت اصابتهم الله يصبر اهلهم شوكت نخلص من هالوضع
دخيلك ياربي
هييي نور وين صافنه
ماكو شي حبي يله خلي ندخل راح يدك الجرص
كضت يومين سكته لا اجتي اخته ولا شفتهه والوضع هدوء رجعت للبيت تغديت وسرور راحت لدوام عكس دوامي امي كالت اني رايحه لسوك اني وابوج اقفلي الباب وكعدي اقري
كعدت قيريت كملت رحت للموبايل ماتصل ولا رساله ضل بالي دزيت رساله ماكو متوصل يمكن شبكه ماكو خابرت هديل ضلينه نسولف كتله تعالي يمي كالت امي سايكه عليه دنلف كبه معصبه ومطلعه حركته بينه وكامت طلع شغل تريد تلههي روحه
ليش خير شكو
بالهه على مهند تتصل وماكو مغلق وحييل خايفه عليه وصايره نار وعصبيه ومتعرف شسوي
ياستار إنشاء الله خير الله يحرسهم
سديته منه واني شتغل القلق دخيلك ياربي لتفجعنه بي رجعلنيا سالم غانم
ضليت كل ساعتين اباوع بالموبايل ماكو رد ولا واصل الرساله
لليليل هم ماكو ضليت اسولف اني وسرور
وشافتني متوتره وقلقه سولفتله وهم كام تدعيله وسألته على هدى شافته شكالت
تكول اني كتله الكلام نفسه وسألته على السوار هم بس كال ماعندي ماشايفه
متت قهر لعد وين وكعته معقوله بالسفره بس اني اذكر اخر مره من نزلت من السياره شفته
شلون ضاع ومنا ماكو خبر عالمهند كمت اربط بالموضوع ومن الخوف كمت اوهوس
المهم هذا سكت ومافتح موضوع ولا دز اخته بلكي فك مني ياخه
ومرن يومين هم ماكو خبر من مهند عشنه بقلق هديل تكول امي منهاره بس تبجي
عادل اتصل بمقرهم كلوله عدهم مداهمه شرسه ومواجهه ويه داعش بس ادعوا
دخيلك ربي ادعي بس كلبي يكلي هو بخير بس خايفين عليه
ابويه كال خلي نروح لبيت عمكم ونمر على بيت جدكم رحنه وكلهه قلقه بس عادل يطمنه رجعنه المغرب اول ماطبينه للبيت اتصل عمي على ابوي وكله الحمد لله وصل لمقرهم وهو بخير
فرحنه وتصلت بهديل كالت اي تصل والحمد لله زين حمد الله ورحت دزيت كومه رسايل يوصل بس ميجاوب متت ليش ميجاوب عود
امي صاحتلي على العشه ولا اشتهي كلت لكمتين وكلسى اشوف ماكو رد سرور كالت
شبيج مو كالوا زين الحمد لله بعد شكو
ليش ميجاوني
المهم بخير عوفي الرجال يجوز تعبان جاي من الموت تره
مو خابر اهله
اي هاي اهله طبعا يطمنهم
اووف هم صدك اني بيش الحكه بكلبي افتر بالبيت ختنكت صعدت فوك الهوه بارد ضليت اكلب بالموبايل وبالي مو يم الفديوات بس اكلب جان تجي رساله اووف رحت رأسا
كتبتله
أنت تقرأ
أحببت روحك
General Fictionما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
