سلام الله عليكم
باجر اهلي يسافرون علمود علاج سرور
بابه جابلي موبايل كال خاف تحتاجين شي
وتروحين بيت عمج
ماوصيج بابه ماريد مشاكسه وسمعي كلام ولتتمردين تره انت مو صغيره واي تصرف تصرفي محسوب عليه اريدج ترفعين راسي
صح همه عمامج وسندج بعدي وسترج وغطاج بس شمهمه يكون الشخص يمثل نفسه زين بابه
صار بابه ليضل بالك اني مو بس بنتك رجال بغيابك لتخاف عليه
كفو والله من بنتي وسندي إنشاء الله ترفعين راسي بشهاتج وافرح بجاهالج
هاي شنو بابه كلبته درامه واني مالي خلك ابجي ههههههه
خو متعبرين سالفه تمر بخير لازم تحششين وتطلعين منه رون ههههههه
اكول بابه هذا الموبايل شكد رقمه حته اسوي واتس وغيره
كتبتلج رقمه شوفي وسوتلج كل البرامج وارقامنه اني وامج
عاشت ايدك وراح اسوي فيس بعد
شلج بي ماكو داعي
لا احسن صديقاتي كلهن عدهن عفيه
ماشي ديري بالج ماوصيج يله كومي حضري العشه ويه امج حته تشوفين اختج شمحتاجه سويله جنطتتته
كملنه عشه ورحت على سرور سوده عليه تعابنه كتله نامي اني اكمل الجنطه كملت غراضهه وشغلاتته اني هم حضرت جنطي من يطلعون اهلي اروح لبيت عمي
كتلهم اني اطلع وراكم خو مو اروح من الصبح اني اقفل واروح
كال بابه راح اخلي السياره يم مهند
من ترحيلهم اخذي وياج السويج يمهم
كعدوا اهلي الفجر واجه عمي علي وصلهم للمطار واني كفيت البيت وقفلت وأخذت غراضي الي احتاجهن وادعي لسرور انو هاي اخر مره وتصير زينه ماريد ابقه وحدي من يسافرون اختنك
رحت لبيت عمي اول يوم جنت متقيده لان راح ابات شكد متعوده على بيت عمي بس من اتخيل راح ابات يمهم وابقه اسبوع استحي من وضعي جنت صغيره ومااهتم هسه تغير الوضع خاصتا ويا يسببلي قلق واحراج
بكلبي فرحانه انو اني قريبه عليه ونفس البيت بس عقلي دائما يحذرني ويذكرني بكلام
ابويه
أول يوم جان هادئ خليت غراضي بكنتور هديل ماجبت هوايه بس دشداشتين مستوره وتتركين لنوم وثوبين وجبتي خاف اطلع وملابس داخليه وشالات واهم شي دفتر مذكراتي ماستغني عنه بس لا الموبايل ياخذ معزته وكوم اكتب ذكرياتي بالموبايل هههه
نزلت جانت هديل بالمطبخ ويه عمه وكفت وياهم كالت عمه اني رايحه لسوك كملوا الغده
مو تحركن التمن لو تلجع المركه
هديل - لا ماما عالبختج اني شوكت ماحركه طبخه
-اي وانت الصادكه يامره وصيتج وطلعت الطبخه سالمه ههههههه
-لا عمه اني يمهه لتخافين
-هو خوفي منج انت وياهه هيه وحدهه وتلتهي نوب راح تلتهن بالسوالف نقره عالغده السلام
-هههههههه عادي ناكل اندومي
-اي عفيه بعد عليمن نسوك ونطبخ
ضلينه نصنف وعمه روحهه حلوه تحب تشاقه كلت لهديل من يكعدون اخوانج سويلهم ريوك وطلعي للطارمه غسليهه
أنت تقرأ
أحببت روحك
Narrativa generaleما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
