السلام عليكم 💞
اعتذر عله التأخير صار عندي ضرف
دخلت سرور عيونه مدمعه وخشمه احمر
شفته متت قهر حصلت رزاله من اهلي
لان ماكلتلهم على الي صار
انقهرت عليه وزيدت همي هيه تصبرني مدري اني اواسيهه ماعرف شلون كضت هاي الليله علينه ثنينه مانزلنه
صعدت امي كالبه علينه وتحجي ويانه بزعل
يله نزلن تعشن مو مسوياتهه مناحه فوك ماردنه ننزل بس جبرتنه
نزلن وحنه رجل طك برجل من ابوي اني خو ماكدر ارفع عيني بعينه
خلينه العشه عالميز بالمطبخ واجه ابويه ضايج وميباعلنه اكلنه بددون صوت
وبلا نفس بسرعه ابويه كام وكل لأمي جاي
امي باوعت علينه كالت والله عاشت ايدي عالهله تربيه صرت اخر من يعلم بناتي
ليش هيج مامه هم مره خوافنكم منه هم فديوم شفتونه منتفاهم قابل احنه همج حته تخافون تحجونه يعني بتصرفكم هذا حسستونه احنه لاشء
لا مامه لتكولين هيج حشاكم والله مو قصدي ماعبالنه يكبر الموضوع كلت بس ارده وكلش ينتهي ليش أوجع راسكم بهالموضوع
اي وماقصرتي ماوجعتي راسنه عفيه عفيه نور بنتي الجبيره العاقله تتصرف وحده ولا كنو عدهه اهل يوكفون الي يتعرضله عن حده
دموعي تنكط واني اشوف الخذلان بعين اهلي
ثاني يوم ومنسمع اله العيطه
أبويه يصيح بالطارمه ركضنه
شفنه مؤيد وابويه لازمين مهند ودخلوا كوه للبيت هو يصيح ويريد يهد وقميصه متبهذل
وجهه احمر ويصيح
عززه العزاني لطمت على صدري وامي لبست عباته وطلعت للطارمه هابطه واني وسرور جنه بزازين لازكات بالشباك نباوع وميتات خوف
ابوي كام يصيح عالمهند وسكته ومؤيد طب للمطبخ
وصاح إريد مي بسرعه اكل لسرور روحي تكلي انت روحي اني وين وهيه شارده من مؤيد متريد يشوفه عاد دفعتهه لان كلب المطبخ يصيح وينكم
رجعت تضرب بيه وكالت
انت تسوين المشاكل واني ابتلى
خير شبيج مو اني ناقصتج بعد بس انت عليه
اي لعد اني شكو وكعت بالنص كله ترزل بيه نوب عليه مؤيد أفندي يصيح عليه ويخوزر بيه عبالك كاتله ابو شكد مكروهه
بله هاي شكله الدنيا كابه وهيه تتنعوص
صدك لو كالوا كلمن عددوه كبال عينه
طلعوا الولد ودخل ابوي عيونه براسه وماخله بيه طلع كل قهر صاح بيه
كله من وراج لو من البدايه جايتني جان مصار الي صار
امي تكله شسوه مهند شبي كله
كولي شماسوه كوه وخرنا من الولد جان مات بيده شبعه بوكسيات دمه بطوله صار
نكسر خشمه مدري شبي
ياصخام هسه نبتلي نوب بالولد بس خلي يأدبه بعد ايدي حته يعرف الله حك
ليش كلشي ينحل بالضرب واني وين رحت اذا مهند يأدبه
أنت تقرأ
أحببت روحك
General Fictionما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
