နှစ်ပေါင်း၄၀ကျော်ခန့်ကြာပြီးနောက်
ခမ်းနားလှသည့်အိမ်ကြီးတစ်လုံး။ဆိုဖာပေါ်တွင်ထိုင်ကာ ဓာတ်ပုံအယ်ဘမ်များကိုကြည့်ရှုနေပါသောအဖိုးအိုတစ်ယောက်က သူနှင့်အတူပါးရေအနည်းငယ် တွန့်နေပြီဖြစ်သောအမျိုးသားတစ်ယောက်၏လက်တို့ကိုဆုပ်ကိုင်ထားသည်။အရေပြားတို့ကတင်းရင်းမနေပဲအရေးအကြောင်းတို့ထင်နေသည့်တိုင် အမြဲဆုပ်ကိုင်ထားတတ်သော နွေးထွေးသန်မာသည့်လက်တစ်စုံဟာမပြောင်းမလဲမေတ္တာတရားတို့ဖြင့်အစဥ်အမြဲစီးဝင်နေဆဲ။
"စိုင်းဒီမှာကြည့်ပါဦး မော်ကွန်းငိုနေတာရုပ်မဆိုးဘူးလား"
ထိုစဥ်ဆိုဖာပေါ်မှကူရှင်ကသူ့ထံဝဲပျံလာသောကြောင့်လက်နဲ့ကာပြီးရှောင်လိုက်ရသည်။
"မင်းလဲငိုနေတာပဲလေ မမြင်ဘူးလားမမြင်ရင်ငါပြမယ်အယ်ဘမ်ငါ့ကိုပေး"
"ဟား မပေးဘူး မင်းwedding မှာနှပ်ချေးတွဲလောင်းနဲ့ငိုနေတဲ့ပုံကိုမီဒီယာတွေကိုပြရမယ်"
"ဗညား မင်းကတော့ပိုပြီ ပြကြည့်လိုက်လေ အသက်ကြီးမှcelebrity ဖြစ်ကံပါတော့လည်းဘယ်တတ်နိုင်မလဲ"
'ဘာလို့စကားများနေကြပြန်တာလဲ ငယ်တော့တာလဲမဟုတ်ပဲနဲ့ ကိုကိုကဆေးသောက်ပြီးပြီလား"
ခွန်းကရေတစ်ခွက်နဲ့ဆေးတွေကိုယူလာပြီးသူ့နားကိုလာထိုင်သည်။သူအမြဲကိုယ့်ဘာသာသတိတရ ဆေးမသောက်တာကို ဒီကောင်လေးကလာမေးနေသေး၏။
"ကိုယ်မသောက်ရသေးတာသိလို့ယူလာတာမလား ဒီကိုပေး"
ကိုကိုကကွာ ဆိုသည့်စကားတစ်ခွန်းကိုသာအမြဲပြောပြီးသူ့ကိုသည်းခံပေးတဲ့ကောင်လေးက ကောင်လေးငယ်လေးတစ်ယောက်မဟုတ်တော့ပြီ။သူနဲ့အတူဖြတ်သန်းလာ တဲ့နှစ်တွေမှာ ငယ်ရွယ်မှုတွေမရှိတော့သည့်တိုင်ဒီကောင်လေးကသူ့ရင်ကိုနွေးထွေးစေတုန်း။
"အခုကြတော့ချစ်ကြည်နူးတစ်တီတူးနေကြလိုက်တာ wedding album တွေကြည့်တိုင်းမင်္ဂလာဦးညတုန်းကမင်းငါ့အခန်းကိုရောက်လာပြီးနှိပ်စက်တာအခုထိစဥ်းစားမိတိုင်းတနုံ့နုံ့ဖြစ်တုန်းပဲ "
YOU ARE READING
ID-entity (Completed)
RomanceA romantic love story with no drama! မယုံကြည်ဘူးလို့ပြောတဲ့အခါမြှားနတ်မောင်ကရယ်တယ် ရူးမိုက်ရတာမကြိုက်တဲ့သူကိုမှ အငြှိုးနဲ့ပေးတဲ့သင်ခန်းစာဟာ ရူးရူးမိုက်မိုက်ပါပဲ အမည်နာမတစ်ခုက ကိုယ့်ကမ္ဘာဖြစ်လာတဲ့အခါ နေခြည်တွေဟာသူပြုံးမှနွေးတဲ့အကြောင်း.. Publish dat...