Oops! This image does not follow our content guidelines. To continue publishing, please remove it or upload a different image.
#unicode
ညနေစောင်းဖြစ်နေမို့ အပြာရောင်ကောင်းကင်ကြီးက နီညိုရောင်သို့ ပြောင်းလဲခဲ့လေပြီ!
မြို့ထဲဘက်မှာတော့ ဒီအချိန် ရုံးပြန်တဲ့သူတွေ ၊ လမ်းဘေးဆိုင်တွေနဲ့ လူစည်ကားနေရောပေါ့ ! ဘတ်စကားတွေနဲ့ ကားကြပ်သည်မို့ ပိုပီး မွန်းကြပ်သလို ခံစားရလို့ မြို့ပြင်ဘက်ကို စွမ်းရည်မောင်းလာခဲ့လေသည်။
ဘေးက လွန်းကတော့ ကားပြတင်းပေါက်ပေါ် မေးစေ့လေး တင်ပီး အပြင်ကို ငေးကာ လိုက်နေတော့သည်။ ညနေခင်းရဲ့ လတ်ဆတ်တဲ့ လေကို ခံစားကြည့်ချင်တာမို့ ပြတင်းပေါက်ဖွင့်မောင်းခဲ့သည်။ အမှတ် ၃ လမ်းမကြီးပေါ် လတ်ဆတ်တဲ့လေတွေ တစ်ဝကြီး နဲ့ ကားမောင်းရတာ စိတ်ချမ်းသာစရာပင်။
လွန်း နဲ့ စွမ်းရည် ဘာစကားမှ မပြော!
လွန်းဆံပင်လေးတွေ လွင့်ပီး အပြင်သို့ ငေးကြည့်နေတာ မသိရင် ခွေးပေါက်လေး တစ်ကောင်ကဲ့သို့ပင်။
စွမ်းရည် ကားမောင်းရင်း လွန်းရဲ့ လက်ကို လှမ်းကိုင်လိုက်သည်။ စွမ်းရည် သူ့လက်ကိုင် လာကိုင်မှ အသိတစ်ချက်ဝင်ကာ လွန်း စွမ်းရည် မျက်နှာကို ငေးကြည့်လိုက်သည်။
" ဘာလို့ အဲလောက် ငေးနေရတာလဲ လွန်းရ"
" လွန်းရဲ့ ကိုကိုက အရမ်းချောလို့ပေါ့"
စွမ်းရည် ကျေနပ်ပီး တစ်ချက်ပြုံးလိုက်တာ လွန်းနဲ့ ပထမဆုံး တွေ့ရတဲ့ ရက်ကို ပြန်တွေးမိလိုက်သည်။
............................
လွန်ခဲ့သော သုံးနှစ်ခန့်က
အဲနေ့က စွမ်းရည် အလုပ်ကိစ္စတွေ အဆင်မပြေလို့ မထင်မှတ်ပဲ နီးစပ်ရာ အရက်ဆိုင်တစ်ခုကို ဝင်ခဲ့လေသည်။
