နန်းကျအရှင်ရဲ့ အခြေအနေ အရပ်ရပ်ပေါင်းများစွာ : Myanmar translation (Unicode)

Part - {5}

ပတ်ဝန်းကျင် အခြေအနေ အရပ်ရပ်ကို စစ်ဆေးကြည့်ဖို့ မြေပုံကို လူလ်စန်ဖြန့်ကြည့်လိုက်တယ်။ သစ်တောအုပ်ကို ဝင်ဖို့ နေရာက ရဲတိုက်ရဲ့ မြောက်ဖက် ဂိတ်ပေါက်ဝကနေဆို အကွာအဝေးက တိုတောင်းတယ်။ အဲ့ဒီ့စမှတ်ကနေ လမ်းကြောင်းတစ်လျှောက် လက်ညိုးနဲ့ ဆွဲလိုက်တယ်။

"ဒီနားက ဘယ်ဖက်လမ်းကြောင်းကလေ ဒဗ်ဗလပ်စ်ကို သွားတာလား?"

"ဟုတ်ကဲ့ မှန်ပါတယ်"

‌သစ်တော်အုပ်ရဲ့ ‌ညာဖက်၊ ဒဗ်ဗလပ်စ်ရဲ့ ဆန့်ကျင်ဖက်ဖြစ်တဲ့ တောင်ကမူအချို့ကို လူလ်စန်ညွှန်ပြလိုက်တယ်။

"ပြီးတော့ ဒီလမ်းက ကာလ်တန်ရဲ့ စစ်တန်းလျားရှိတဲ့ နေရာမလား?"

"ဟုတ်ပါတယ်။ အဲ့ဒါက တိုက်ပွဲရဲ့ အရှေ့ဖက်ဂိတ်ပါ။ အဲ့လမ်းက ကျွန်တော်တို့ သွားမဲ့လမ်းကြောင်းရဲ့ ဆန့်ကျင်ဖက်ပဲ။ ကျွန်တော်တို့ တိုက်ခိုက်စရာ မလိုပဲ လုံလုံခြုံခြုံနဲ့ ထွက်ပြေးလို့ရတယ်။"

"ဒါဆို မင်းပြောတာက ညာဖက်မှာ ရှိနေတာပေါ့..."

"မဟုတ်ဘူး မဟုတ်ဘူးလေ။ ဘယ်ဖက်မှာ ရှိတာ။ ကျွန်တော်တို့ ဘယ်ဖက်ကို ဦးတည်ပြီး သွားရမှာ မလား?"

ရူဂျာက သူနားမလည်တော့ဘူးဆိုတဲ့ သနားစရာ မျက်လုံးလေးတွေနဲ့ လူလ်စန်ကို ကြည့်လိုက်တယ်။

'သခင်ကြီးက ငါ့ကို အရူးလို့ ထင်နေတာလား?!'

မျက်ရည်တွေ ကျချင်လာပေမဲ့ သူ တိတ်တိတ်လေးပဲ နေလိုက်တယ်။ လောလောဆည် အဲ့ဒါထက် အရေးကြီးတာ ရှိသေးတယ်။ အခုတော့ ရူဂျာအနေနဲ့ အထင်လွှဲနေတာကို ခဏလောက် သိမ်းထားတာ ကောင်းမယ်။

"သွားမယ်။ ငါတို့ ထွက်ခွာရအောင်"

"ဟုတ်ကဲ့! သခင်ကြီးက မှန်ကန်တဲ့ ရွေးချယ်မှု လုပ်ခဲ့တာပဲ! အရမ်းကောင်းတဲ့ ဆုံးဖြတ်ချက်ပဲ! ကျွန်တော့်ရဲ့ မြို့စားအရှင်ဆိုတဲ့အတိုင်းပဲ ရဲရင့်ပြီး တိကျ ပြတ်သားတယ်!"

ရူဂျာ့ မျက်နှာကြီးက ပျော်မြူးနေတယ်။ သူက အသုံးမဝင်တဲ့ ချီးကျူးစကားတွေ ပြောနေရင်း လူလ်စန်ကို အားရဝမ်းသာနဲ့ အနက်ရောင် ခြုံထည်ကိုတောင် ကမ်းလိုက်သေးတယ်။ လူလ်စန်ကတော့ မျက်မှောင်ကြုံ့လိုက်တယ်။ အတိတ်တုန်းကတော့ အဲ့လို ချီးကျူးခံရတာတွေ သဘောကျပေမဲ့ အခုတော့ စိတ်မလုံသလိုပဲ။