နန်းကျအရှင်ရဲ့ အခြေအနေ အရပ်ရပ်ပေါင်းများစွာ : Myanmar translation (Unicode)

Part - {26}

T/N : ဒီအပိုင်းကစပြီး စစ်သည်တော်ချုပ်ကို ကိုယ်ရံတော်ချုပ်လို့ ပြောင်းလိုက်ပ့ါမယ်ဗျ။ ရှေ့အပိုင်းတွေ အချိန်ရရင် ရသလိုပြင်သွားပါ့မယ်ဗျာ။

------------------------

'ဒီမှာ ငါလုပ်ပေးနိုင်တာ ဘာမှ မရှိတော့ဘူး။' လူလ်စန်က လက်ပိုက်လိုက်ပြီး သူ့ရဲ့အရာရှိတွေကြားက စိတ်အားထက်သန်နေတဲ့ စကားဝိုင်းကို လေ့လာနေလိုက်တယ်။ သူတ‌လေးတစားနဲ့ အလိုက်သင့်ပြောနိုင်ဖို့ ကြိုးစားနေပေမဲ့ ငြင်းခုံမှုတွေက သူ့ကိုခေါင်းကိုက်စေတယ်။ 'စစ်ရေးအရာရှိကြီးက သေချာဦးဆောင် ကြိုးစားမယ်ဆိုတာ ယုံ‌တယ်။'

လူလ်စန်က သူ့ထက်ပိုပြီး ဦးဆောင်နိုင်စွမ်းနဲ့ စီမံခန့်ခွဲနိုင်စွမ်း ပိုရှိတဲ့လူကို ကိစ္စတွေ အပ်နှံဖို့ ဆုံးဖြတ်လိုက်တယ်။ မြို့စားအနေနဲ့ကတော့ ဒီမတော်တဆမှုနဲ့ နောင်ဖြစ်လာမဲ့ဖြစ်ရပ်တွေကို အသုံးပြုပြီး သူ့နယ်မြေကတာဝန်တွေကို ဖြည်းဖြည်းချင်း သင်ယူသွားဖို့ ဆုံးဖြတ်ထားတယ်။

ငယ်ရွယ်တဲ့ မြို့စားမင်းလေးက အကြည့်ချင်းဆုံပြီးနောက် ခေါင်းငြိမ့်ပြလာတဲ့ စစ်ရေးအရာရှိကြီးကို ကြည့်နေလိုက်တယ်။ ဒီအပြုအမူလေးက သေးငယ်ပြီး မထင်ရှားပေမဲ့ ဖော်ရွေတဲ့အကြည့်နဲ့ ယဉ်ကျေးတဲ့ အသိအမှတ်ပြုမှုတွေထဲမှာ သူ့လူလေးအပေါ် ဂုဏ်ယူမှုကို ထင်ထင်ရှားရှားကြီး ခံစားလို့ရတယ်။ ကြည့်ရတာ သူ(စစ်ရေးအရာရှိ) သူ့(လူလ်စန်)ကို မတွေ့ရတဲ့ အတောအတွင်း အောင်မြင်မှုတွေ ရှိခဲ့ပုံပဲ၊ လူလ်စန်က နောက်ဆုံးတော့ အရွယ်ရောက်ပြီး ရင့်ကျက်လာခဲ့ပြီ။ ချီးကျူးစကား တစ်ခွန်းမှ ထုတ်မပြောလိုက်ပေမဲ့ လူလ်စန်ကတော့ သွယ်ဝိုက် ချီးကျူးမှုကို တွေ့လိုက်ရတယ်။

စစ်ရေးအရာရှိကြီးက လူလ်စန်ရဲ့ ပိုကောင်းမွန်တဲ့ မြို့စားတစ်ပါး ဖြစ်လာဖို့ ကြိုးစားအားထုတ်မှုနဲ့ ကြံစည်ဆောင်ရွက်မှုတွေကို အသိအမှတ်ပြုခဲ့တယ်။ ပထမဆုံးအကြိမ်အနေနဲ့ လူလ်စန်က သူ့ရဲ့ အမြဲအတူရှိပြီး အရင်းနှီးဆုံးဖြစ်တဲ့ အမတ်အရာရှိ‌ကို ကြည့်လိုက်ရင်း စိတ်အေးသွားမှုကို ခံစားလိုက်ရတယ်။