مر وقت العمل و الجامعة و عاد الجميع للمنزل ليجدوا ان الحان قد جهزت الطعام الذي يحبه كل واحد لاكن كان يبدوا عليها الحزن و التغير ...
مالك : مالك يا ماما
نظرت له الحان و كانت عينها مليئة بالحزن : مفيش يا قلبي
ليث : انتي متأكدة
الحان : أيوه ، مالك؟
مالك : نعم يا ماما
الحان : هو انت عايز تنزل مصر
شعر مالك بالتوتر ليقول : احمم ليه السؤال
الحان: عادي سؤال
مالك : اكيد فخلاني و خلاتي و اعمامي و جدو و تيتا وحشوني
الحان : و انت يا انسه
ماريز : صراحة لأ ، أنا معرفش حد في مصر ده غير اننا داخلين على رأس السنه و غير كده عيد ميلادي و غير الفيلا الي المفروض اجهزها مع عمر و تجهيزات الفرح
الحان : الفرح لسه في الصيف
ماريز : عارفة بس احنا داخلين خلاص على واحد و الفرح في خمسه يعني مش البعيد اوي
ليث : ايه كل الأسئلة دي يا لولو
الحان : انا عايزة ننزل مصر
ماريز بالفرنسية : هذا جنون مستحيل
ليث : ماريز اسكتي ، ايه سبب انك عايزه تنزلي يا الحان
الحان بكذب : مفيش انا الكس و مريم و فرح و رحمة و الكل وحشوني غير ان آخر مره نزلنا من خمس سنين و ماريز منزلتش ولا مره على طول كانت ترفض و تفضل مع انجليكا (مربيتها) و انا مش عايزة الولاد ينسوا مصر
ليث بعدم اقتناع : ماشي يا الحان يبقى هننزل
ماريز : وات انا مش هينفع انا عيد ميلادي يوم رأس السنه و معنديش استعداد اقضيها في مصر شكرا
الحان : ليه بقا
ماريز : ليه بجد بتسألي ليه
الحان بضجر : انا مش عايزة اتخانق على العموم هنرجع قبل رأس السنه
ماريز : كده اوكي بس اسيل هتيجي معايا
الحان : انا كده كده كنت هاخد اسيل
ماريز : و هشوف مونيكا
الحان بغضب : لأ ده مستحيل
ماريز ؛ انا عايزة اعرف ايه الفرق بينهم
الحان : أولا اسيل تركيه يعني عادتها قريبة منا ثانيا والدة و والد اسيل ماتوا و هي صغيره و انا الي ربتها و لولا أن في شاب في البيت كان زمنها عايشة معانا هنا بس مينفعش علشان كده انا اجرتلها الشقة الي قدامي و كفايه اني نجحت معاها في اللي فشلت فيه معاكي و خلتها تتحجب و مسكتها في الاسلام لدرجة ان هي الي قالت ان مينفعش تعيش مع مالك حتى لو هي متأكده انه زي أخوها انما مونيكا دي مسلمة اه بس بتشرب سجاير و بتشرب خمره و لبسها العريان و غيره و غيره
ماريز : خلاص خلاص كفايه مش هخدها ، بالهناء و الشفا
لتنهض تدخل لغرفه و تتصل على اسيل التي ردت عليها سريعا ...
اسيل : أهلا اكيد عرفتي
ماريز بالفرنسية : هل كنتي تعرفين ان امي تنوي السفر
اسيل ؛ نعم فقد تحدثت معي لتعرف ان كان هناك مشكلة بالنسبه لي ام لا
ماريز : و ماذا قلتي
اسيل : قلت ان لا مشكلة ففي النهاية هي تعتبر مثل امي
ماريز : لكنها ترفض قدوم مونيكا
اسيل : أعلم أعلم و في الحقيقة انا معها فأنا لا ارتاح لمونيكا و طريقة حياتها
ماريز : حسنا حسنا هيا اغلقي فيجب أن أقول لمونيكا و عمر
اسيل : حسنا هيا إلى اللقاء
ماريز : إلى اللقاء
لتغلق ماريز و تقوم بالاتصال على مونيكا التي لا تجيب ثم على عمر الذي هو الآخر لا يجيب لتنفخ بخنق و تغلق الهاتف ثم تنام
🥀🥀🥀🥀
بالإسكندرية في منزل مصطفى كان الجميع يجلس حول المائده و يضحكون و يمزحون ...
حازم : و الله القاعده دي مش ناقصها غير ليث و الحان
منى : اه والله مين سمعك
فارس : ايه يا منمن مش ده ليث الي معرفتيش تربيه
ليضحك الجميع على مزاحه لاكن كان بأحد أركان الطاولة يجلس رعد هذا الحزين الذي يقلب بطبقه الذي لم يبتسم منذ ان عاد من فرنسا من سنتان
مريم : ايه يا يوسف يا حبيبي هو انت بتدرس الاكتئاب ولا بتمرض بيه
يوسف : ليه بتقولي كده يا خالتو
مريم ؛ انت من ساعة ما قعدت و انت ساكت مقولتش كلمه
يوسف و هو ينهض : معلش تعبان بس من الجامعه عن اذنكم ، ماما انا هبات انهارده عند جدو و تيتا
رحمه : ماشي يا حبيبي
ليخرج يوسف من غرفة الطعام متجه لغرفته ....
فرح : انتوا لسه معرفتوش ايه اللي حصل في فرنسا؟
رحمه : و الله بحاول بس ساكت ولا كأنه اخرس
مريم : إن شاء الله ربنا يصلح حاله و يرجعه زي مكان
رحمه : إن شاء الله
ظلوا هكذا يتحدثون إلى أن مرت الليلة و ذهب كل شخص لمنزله ....
كده البارت خلص قراءة ممتعة
أنت تقرأ
عودة الماضي
Разноеقررت ترك الماضي لاكن ماذا سوف يحدث عندما تلعب الحياه لعبتها و يعود الماضي مره أخرى هل سوف تقدر على محاربته و حماية من تحب منه أم لأ ، هل سوف يعمل السحر مرتين يا ترى ؟؟؟
