دموع أبليس ✨ الجزء التاني من ملاك الألياس ✨ "للكاتبة زوزة"

الفصل ٢٢

جمعة مباركة عليكم يا احلى عيلة فى الدنيا دى عاملين ايه يارب تكونوا كويسين اهو الفصل زى ما وعدتكم بس قبل اى حاجه احنا محتاجين أدمن للجروب بتاع الفيس عاوزين حوالى تلاته بحيث ينشطوا الجروب و يكبروه معانا للاسف انا مش فاضيه ليه و كمان ظروف رقية و كده فأحنا مش عاوزين نقصر معاكم و كمان مش بنفهم اووى فى الحاجات دى فاللى عندها خبرة و بتفهم فيه ياريت تكلمنى خاص فى اسرع وقت ممكن

- حاجه كمان الفصل بينزل هنا و كذلك بينزل على الجروب فى نفس الوقت تمام عشان اللى مش منزل الواتباد يقدر يدخل الجروب بتاع الفيس يالا مستنينكم هناك الجروب مش هيكبر الا بيكم يا احلى عيلة فى الدنيا دى كلها

- كمان الجروب بينزل عليه فيديوهات تروجية للروايات بتاعتنا و كمان كروميك لردود فعل الابطال الرابط بتاع الجروب على صفحتى بتاعت الواتباد عاوزاكم كلكم هناك يالا بينا على الفصل

   ** بقلمى  **
       💞 زوزه 💞
  °°°°°°°°°°°°°°°°°°°°

فى قصر العامرى الكل اتجمع على صرخة أياس اللى ملت القصر و اتفاجأوا بأياس اللى نازل بيجرى من على السلم و وراه مالك اللى بينادى عليه بس أياس كأنه مش سامع ولا شايف حد و كان بينزل على سلمتين سوا و بخطوات متشنكلة و كان هيقع كام مره

ألياس بلهفة قرب على ابنه اللى عامل زى المجنون و محدش عارف ماله = فى اى يا حبيبى مالك

أياس بصله بضياع و خوف و كأنه بيستنجد بيه و حاول يتكلم بس افتكر اللى وصله من شويه فى لحظه واحده كام أياس بيجرى لبره القصر و دموعه مغرقة وشه و وراه ابوه و اخواته كلهم و مالك

ملاك برعب بعد لما خرجوا = ربنا يسترها ايه اللي حصل خلاه بالحالة دى اكيد حاجه خطيرة اللى خلته مش عارف يتكلم كده

جورية بصتلها بتوتر و اتسحبت من وسطه برعب و خوف وهى بتدعى ان رعد ميبقاش سمعها و جريت على فونها

اما فجر فبصت لأمها بقلق = طيب احنا هنعرف ايه اللي حصل ازاى حالة ابيه كانت صعبه جدا

ملاك برعب = مش عارفه والله بس فعلا حالته مطمنش ابدا ياترى اى اللى حصل خلاك كده ياحبيبى دا انت لسه ياقلب امك مفرحتش برجوعك وسط اهلك

فجر بسرعه = ماتتصلى على بابى كده يا مامى عشان نطمن عليهم

ملاك بتعب و خوف = ابوكى استحالة يرد عليا و هو مش فاهم حاجه او و هو قلقان هو لما يبقى عايز بس هيتكلم انما لو اتشقلبنا والله ماهيرد ربنا يسترها يارب سلم يارب سلم

ملاك بصت حواليها بقلق = هى تاج فين يا فجر اختك راحت فين

فجر بهدوء = اهدى يا مامى تاج نايمه فوق متقلقيش كده

ملاك بتعب = خلاص اعصابي معدتش متحملة والله العظيم خلاص ربنا يعدى الايام الجايه على خير