دموع أبليس ✨ الجزء التاني من ملاك الألياس ✨ "للكاتبة زوزة"

الفصل ١١

بقلمى ( زوزه )
°°°°°°°

فى امريكا
.....

فايز بصدمة::: ازاى مراتك انت اكيد بتكدب بنتى لسه انسة و مش متجوزه

أبليس بصله ببرود و جبروت و ضحك ضحكة استهزاء و اتكلم::: فعلاً هى لسه مش مراتى بس ده اللى هيحصل دلوقتي

فايز بقوة مصطنعة::: انا مش موافق بنتى هتيجي معايا وهتتجوز الراجل اللي اخترتهولها

أبليس بستهزاء::: و ياترى الباشا اخترلها ايه

فايز بخوف حاول يداريه::: اااا انا اختارتلها المناسب ليها وانا اكتر واحد عارف مصلحتها

أبليس بصله شويه و بعدين اتحرك بدموع اللى مش حاسه بالدنيا حواليها ودخل أوضته وحطها فيها

أبليس بصلها بهدوء وحرك ايده على شعرها و حركها بحنيه و حب وقال::: انا دلوقتي مش عارف اللى حاسس بيه من نحيتك ههه حبيتك ممكن بس اتمنى انه ميكونش حصل بس اللى اعرفه انى عمرك ماهتخرجى من هنا ولا هتبعدى عنى وللاسف انتى هتواجهى بنى ادم معندوش احساس بس اللي انتى متعرفهوش انك استحالة هتطلعى من سجنى خلاص اتكتبتى على اسمى و بقيتى ملكى حتى لو مكنتش بحبك بس انا مش عايزك بعيد عنى وانتى مضطرة تسمعى كلامى غصبن عنك

شويه و بدأت دموع تصحى و تتحرك بهدوء أبليس بصلها بهدوء وهى بصتله بدموع و وجع

أبليس بهدوء::: والدك عايز ياخدك عشان يجوزك

دموع اتنفضت من مكانها برعب و اتحركت بهستيرية و جنون و صوت شهقاتها على أبليس بصلها بصدمه و سرعة من رد فعلها اللى صدمه هو اصلا مكنش هيخليها تطلع من بيته بس متوقعش انها هتنفعل كده

أبليس قرب منها بسرعه وحاول يسيطر عليها وهى بتتحرك بعنف و عصبية ومش راضيه تهدى أبليس بسرعه نتشها فى حضنه و طبطب عليها بحنان أول مره يطلع منه

أبليس بهدوء::: اهدي اهدي متخفيش انا مش هخليه ياخدك من هنا بس انتي اهدي

دموع أول لما سمعت كلامه بدأت تهدى بالتدريج وبصتله بسرعه و لهفة وكأنها مستنياه يأكدلها كلامه

أبليس حرك راسه بهدوء وهو بيأكدلها كلامه بس كان عاوز يعرف ليه هى رافضة الموضوع بالطريقة الغريبة دى أبليس اتكلم

أبليس بهدوء::: انا همنعه انه ياخدك بس انا عاوز اعرف ليه مش عاوزه تتجوزي الشاب اللى ابوكى اختاره

دموع بصتله و ضحكت بستهزاء واتكلمت بشفايفها بوجع بان فى عيونها::: شاب هه قصدك صاحبه اللى اكبر منه بعشر سنين

أبليس كان بيقرا شفايفها بس بصلها بسرعه لما قالت كده وهو كمان ضحك بستهزاء واتكلم::: تمام اووى كده انتى عاوزه تخلصى من الجواز دى صح

دموع هزت راسها بسرعه و لهفة و أبليس ضحك يخبث و اتكلم::: مفيش قدامك غير حل واحد بس عشان تخلصي من الموضوع ده مستعده تعمليه مهما كان