دموع أبليس ✨ الجزء التاني من ملاك الألياس ✨ "للكاتبة زوزة"

الفصل ١٣

دموع أبليس الفصل ١٣

بقلمي (زوزه )
°°°°°°°°°°°°°
••••••••••••
فى جامعة عاصم و فجر
...........

كان عمار و عاصم بيبصوا لبعض بتوتر و قلق و بيبصوا للاتنين اللى واقعين على الأرض وهما شايفين جوز عيون بيبصولهم بغل و حقد

عاصم لسه هيتكلم لاقه مدفع بيزعق::: هو انتوا مش شايفين قدامكم يا بهايم

عمار بغيظ::: ماتحترمى نفسك يا بتاعة انتى

هى بغل و حقد::: و كمان ليك عين تتكلم بعد ما وقعتونا على الأرض و واقفين زى البيبان ولا اتحركتوا

عمار بستفزاز::: نعملك ايه مانتى اللى شبر و نص مش باينة من الارض

هي بجنون::: وعليا النعمه مانا سيباك

و فجأه جريت و نطت عليه و مسكته من شعره بغل و غيظ و عمار كمان مسكها من شعرها و الاتنين نزلوا فى بعض ضرب كل ده و عاصم و البنت التانيه بيبصولهم بصدمة من جنون الاتنين

عاصم بص للبنت التانيه اللي لسه فى الارض و مصدومة قرب عليها بهدوء و مدلها ايده البنت رفعت وشها و بصتله ببسمة صغيره و مدت ايدها و عاصم شدها وهو بيبصلها بضحة خفية

عاصم بصدمة وهو بيكلم البنت::: مين دول

البنت بصدمة هى كمان::: ولا عمري شوفتهم قبل كده

عاصم ضحك و بصلها::: أنا عاصم صاحب المجنون اللى بيضرب الهبلة

البنت بضحك هى كمان::: أنا تقى صاحبة الهبلة اللى بتضرب المجنون

الاتنين بصوا لبعض و جريوا على عمار والبنت اللى نازلين ضرب فى بعض و كل واحد فيهم مسك واحد منهم و حاولوا يحشوهم عن بعض

عاصم وهو بيشد عمار::: خلاص يا عمار استهدى بالله كده و سيب البت

عمار بأصرار وهو بيشدها من شعرها::: أبدا لازم اربيها شبر و اقطع دى

البنت وهى بتحاول تفلت من تقى ولسه ماسكة عمار من شعره::: هى مين دى اللى شبر و اقطع يا عمود النور انت سيبونى عليه

تقى وهى بتشدها::: خلاص يا حبيبتي سبيه حصل خير

البنت بغل::: عليا النعمة مانا سيباه ميبقاش اسمى ضحى لو مربتهوش ابن ال استغفر الله العظيم يارب بلاش غلط في الاهل مش ذنبهم ان ابنهم طلع لطخ كده

عمار بغيظ و غل شدها من شعرها جامد وهى صرخت بوجع و شدته هى كمان

عمار بغيظ::: هو مين ده اللي لطخ يا بايرة

ضحى بغيظ وهى بتضربه::: هى مين دى اللى بايرة يالا انت احترم نفسك يا حيوان دا انا الولاد هتموت عليا بس انا اللى رافضة علشان مستقبلى العلمى

تقى بتلقائية خلت عاصم انفجر في الضحك::: مستقبلك العلمى ايه بس يا ضحى دا انتى بتعدى السنه بالعافية و بعدين مين اللي هيموتوا نفسهم عليكى هو انتي فى حد بيقرب منك بسبب جنانك ده