دموع أبليس ✨ الجزء التاني من ملاك الألياس ✨ "للكاتبة زوزة"

الفصل ١٠

صباح الخير والسعادة عليكم عارفه اني اتأخرت جدا عليكم بس والله مش بأيدى النت عندي فصل و كان فيه شويه مشاكل و متحلتش و انا بصراحه كان عندي ظروف كده منعتنى انى اكتب حاجه انشاء الله هحاول اخلصها قبل تالتة ثانوي بس ياريت تعذرونى
يلا نبدأ الفصل

......................

          بقلمى (زوزه )

""""""""""
فى قصر العامرى
.......

ألياس بترحيب::: اهلا وسهلا بيك يا وحش انت من دلوقتي بقيت واحد من ولادى

ليل بصراحه::: طبعا ده انقذ روحنا ولا ايه يا مالك

مالك برجولة::: طبعا ولو رجع بيا الزمن أكيد هعمل كده

ملاك بحب و امتنان::: ربنا يحميك لشبابك يا حبيبي و يحرسك لأهلك يارب

مالك بصلها و اتصدم لما شاف ملامحها اللى شبه الاطفال و شكلها الجميل و الهادي اللى باين عليه البراءة و قال بسرعه::: مين القمر دي

ألياس بغيرة و جنون::: ولاااااااااا اظبط كده الا دى يالا

مالك اتنفض من مكانه برعب من الخضة و ليل و ريس و رعد و أسد غمضوا عنيهم بأسى على اللى هيحصل فى مالك اما ملاك خدودها احمرت بكسوف خلاها احلى بكتير

أسد بأسى::: الله يرحمك يابني واللهي انبسط بالكام دقيقة اللى اتعرفت عليك فيهم

حازم اللى ضحك بأسى::: هههههه يعينى عليك يابنى ملقتش غير دي يلا بقا ربنا معاك

مالك وهو مسحور بجمال ملاك::: اعذرني يا ألياس باشا بس هى شبه الملايكة و عسل خالص ااااااااه

مالك مكنش لسه خلص كلامه ولاقه بوكس جامد فى وشه طبعا عارفين ده مين

ليل و ريس و رعد و أسد بغيرة و شماته::: احسن تستاهل عشان تحترم نفسك

حازم بأسى::: ياحبيب امك يا غلبان جات فيك يابنى

ملاك جريت بسرعه على مالك و جات تساعده وهى بتكلمه بحنان و حب زى عادتها::: انت كويس يا حبيبى

مالك بسرحان::: حبيبك انا

ألياس بغيرة قرب من ملاك وشدها فى حضنه وبص لمالك بشر و غيرة خلوووه اتكلم بسرعه::: اهدى ياوحش مالك في ايه انا عارف انك بتغير على اللى منك بس افرض انا عاوز اناسبك هااا ايه

حازم لطم وشه وقال بصريخ::: يختااااااااااااااااااى ماكنش يومك يابني

ألياس و ليل و ريس و رعد و أسد بغيرة::: نعم يا روح امك     

ملاك بسرعه وخوف على مالك::: اهدى يا حبيبى هو اكيد ميقصدنيش انا

مالك بسرحان::: ليه ياقمر بس هو انا مش عاجبك

ملاك هزت راسها بيأس من غباء مالك وهى بتحاول تسكته وهو بردو غبى و حازم لطم وشه بزهق منه و ليل و ريس و رعد و أسد ولعوا من الغيره