نحتاج دائماً ان نشعر بالحب والاهتمام ،نشعر اننا على قيد الحياه وأن اروحنا تتنفس ولم يقتلها الألم والحزن...
" مكنتش مصدقه أن هيجي عليا اليوم دا واكون مبسوطه كدا, كنت متوقعه اني هكون عافرت وتعبت وطاقتي استهلكت عشان اوصل لليوم دا ، أو انه يكون يوم عادي زي اي يوم ومضطرة اني اوافق بس عشان أكمل "
كل حاجه كانت مظبوطه زي ما كنت عايزه بالضبط .. ديكور البيت والبلالين صحابي كلهم موجودين .. كل حاجه متنسقة مع بعضها وكأنهم خلاص دي خطوبتي مش بس واحد جاي يتقدم وبس هو ف ايه !!! ( مستحيل أظهر اللي جوايا لازم أعصبهم)
_ اي ي ماما اللي انتو عاملينه دا !!! هو انا وافقت !!
_ بت انتي مش عايزه خناق النهارده ، روحي البسي فستانك واجهزي بلاش دلع
" ايه دا ماما بوظت الخناقه هو ف ايه وبعدين انا قولت هفكر موافقتش ، بصراحه لا انا موافقه ومستنياه يجي وحاسه أنه اتاخر اوووي "
_ بقولك ي مامتي فين الفستان اللي بتقوليلي إلبسيه!! انتو حضرتوا كل حاجه وانا مخترتش حتي الفستان بتعملوا معايا كدا ليه!!
" تدخلت سلمي ف الحوار"
_ بقولك ايه ي سچي ما تفكك من طنط كدا وخلي اليوم يعدي بدل ما ابوظه انا بطريقتي
° لا والنبي بلاش طريقتك ، كل طرقك بتودي ف داهيه
_ خلاص يبقي ورايا ع الاوضه اوريكي الفستان اللي دوشتينا بيه دا
° فستان ف الاوضه !! انتو هتلبسوني حاجه قديمه وتفضحوني صح !!! انا من الاول مش مرتاحلك ي سلمي انتي وماما وحاسه انكم اش بتحبوني
_ خلصتي الفيلم الهندي اللي شغلتيه دا !!! اقعدي هنا بقا واهدي ها اهددددي
" فتحت سلمي الدولاب وطلعت منه بوكس هدايا كبير ، اللي هو اي دخله ف الدولاب دااا وجات عندي وقالتلي:
_ اتفضلي بقا
° اي دا ي سلمي !! مش تستني لما اتخطب الاول وبعدها ابقي هاديني ؟!
_ أهاديكي !!! فوقي ي ماما انا اصلا هديه ف حياتك كمان هجيبلك حاجه تاني !!
° امال مين جاب دي امي !!
_ لا انا جيبتها بس ك مرسال وبس
° تقصدي ايه !!
_ بصي انتي بتتكلمي كتيير واحنا عندنا حاجات اهم نعملها البوكس عندك وهتلاقي إجابة ع كل حاجه ، عيشي بقا ..
" خرجت سلمي وسابتني ف حيرة .. يا تري مين بعتلي دا ، اممممم لا لا ي سچي اكيد مش هو .. انتو لسه مفيش اي حاجه بينكم اصلا لما افتح واشوف ايه دا بقا ، فتحت البوكس ولقيت فستان روز شيك جدااا وكأنه فستان من فساتين اميرات ديزني ، ومجموعة من الورد الجوري وكارت مكتوب عليه " انتِ الشخص الوحيد الذي لفت إنتباه قلبي ، اتمني الهديه تعجبك!! عمار"
بعد قريت المكتوب عنيا مش مصدقه اللي بيحصل ولا عارفه ولا فاهمه اي حاجه ... انا تمنيت كل حاجه كدا بالحرف حتي الورد الجوري اللي بيدل ع مدي صدق اللي بيبعته أنه هيحتويك ويكمل ف علاقته معاك ... ذكريات كتير عدت قدامي وانا بفتكر كلامي وأُمنيتي دي لما كنت بحكي عليها ل سلمي .....سلمي!!!!!! معقول طب هي تعرفه ، طب إزاي!!!
لسه هطلع من الاوضة وانادي عليها ، لقيتها واقفه قدامي
_ سلمي انا عايزه افهم ف ايه وايه ....
° ف ايه ي سچي مالك ، متعصبه ليه !!
_ متعصبة !! انتو لسه مشفتوش حاجه ،
الورد والبوكس وكل حاجه كنت بتمني أن شريك حياتي يعملها ف يوم زي دا حصلت ...
° طب ودي حاجه تزعلك !! انتي المفروض تفرحي
_ اه افرح ... افرح لما يبقي صدفه حلم واتحقق مش اترتبله طب قوليلي !!
° اقولك ايه ي بنتي ... انتي مكبرة الموضوع ليه !! وبعدين مين قالك انها مش صدفه!!
_ تبقي صدفه لما يبقي ورد وخلاص مش الورد اللي انا بحبه ...
°ههههههههه طيب بصي هنتفق هو مش باقي كتير ربع ساعه وهتفهمي كل حاجه
_ افهم !!! يعني شكي ف محله بقا
° ابسلوتلي ي ماما ... فكرك انا هتفق مع حد عليكي !! انتي هبلة ... قولنا هتفهمي ولا انادي ماما وباقي البنات ويشوفوا حل معاكي ، هتعرفي تلبسي ولا هتفضحينا!!
" خرجت سلمي بره الاوضه وهي بتتكلم كدا "
_ طيب ي سلمي طيب حسابك معايا بعدين بتهربي مني كدا طيييييب...
ايه اليوم دا المفروض انا اهم وحده هنا وبالرغم من كدا محدش معبرني وكلهم بيستغفلوني كدا .. هبدأ اتقفل كدا ليه بس ياربي ... مضطرة البس وأجهز بقا أما اشوف بااقي المفاجآت ايه ف اليوم الغريب دا !!
********
" مر من الوقت ربع ساعه بالضبط وعدت عليا كأنها سنين ، وخلاص وصلنا عند بيتها،حلم عمري بيتحقق قدامي وعارف اني هتعب كتير يمكن لاني لسه مش متاكد من مشاعرها، أو يمكن هي فرحت وطارت بيا عشان عرفت اني بحبها ، لا ماهو مش معقول انا جاي اقول الكلام دا لنفسي قدام الباب ، دا بابا لو عرف انا بفكر ف ايه هينفخني"
_ ياريت تكون فكرت كويس قبل ما ناخد الخطوة دي ي عمار
= متقلقش ي بابا ، انت اللي مربيني وعارف اني مش باخد خطوة الا لو فكرت فيها كويس
_ اتمني حقيقي ، انا مش عايز غير سعادتك وبس مع اني عارف ذوقك للاسف
= للاسف اي بس ي حج ، دا انت هتطلع من هنا تندب حظك ع عمرك اللي ضاع مع ....
_ ولد عيب انت عارف اني بندب من زمان مش من دلوقتي يعني
= كويس انها مجتش معانا كانت علقتك هههههه
_ محدش هيتعلق غيرك ي بني اطلع اطلع يالا لما نشوف اللي اخترتها🙈😂
بكره نكمل الباقي بقا 😂
#شمس
