»
"يذهب الألم تلقائيا عندما تجد من يهتم بك ، الاهتمام دواء لا يباع و لا يشترى "
من اول ما روحت وانا مش ع بعضي ، انا ايه اللي عملته دا ، مكنش ينفع اقعد معاه اصلا ، يوووه مكنش ينفع اروح من الاول ، اوووف كفايه بقا تأنيب انا زهقت من نفسي هروح انام وافصل عن كل دا "
******
الساعة 11 مساءاً، ف منزل عمار ....
"هو انا ازاي سيبتها تمشي من غير ما اخلص كلامي ... ليه معرفتش اقولها "بحبك" صريحه كدا ، مش دا اللي فضلت احلم بيه سنتين ، ليه لما قعدنا لوحدنا نسيت كل حاجه، كان ليها تأثير جامد عليا ومازال، طب هو انا مستنتش ليه منها رد ، وكأننا اتنين مرتبطين وطالعين يتفسحوا بس ، ااوف بقا ، يا تري هترفض !! لا طب هو ازاي يعني ، طب هو اصلا في مجال للرفض، فوووق ي عمار بقا انت بتحبها ، هي مش بتحبك ، انت تعتبر غريب عنها ولسه متعرفش حاجه عنك... امممم طب وماله اعرفها ارن عليها ادوشها وارخم عليها بس يارب منلبسش ف بلوك بعد كدا "
_ "جرس" يارب ما ترد بقا ... انا اصلا مكنش عندي عقل لما فكرت اتكلم تاني...
= الوو
" اوووف دا كانت مستنياني بقا"
_ اتاخرت عليكي !!؟
= مين معايا !!
_ يعني مش عارفه !!؟
= لا مش عارفه... ولو مقولتش هقفل
_ طب فكري شويه ... مش عارفه صوتي !!!
= حضرتك هتقول مين ولا اقفل مش ناقصه ع المسا...
_ امممم عيب والله لما نبقي كُنا قاعدين مع بعض ساعتين وكل دا محفظتيش صوتي!!!
= انت جاي تهزر بقا ... انا مبقعدش مع حد ولاااا
_ طب وحياه القهوه اللي طفحتها لوحدي مبتقعديش!!!
= هههههههه .. عمار !!؟
" الجُملتين خلوني تنحت ... ضحكتها اللي ثبتتني ونسيت انا كنت بكلمها ليه و اسمي هو اسمي حلو كدا ... ايه اللي انا بقوله كدا أثبت ي عمار هو ف ايه "
_ اه عمار ، انتي كنتي مستنية حد تاني !!
= ومين قالك اني كنت مستنية حد اصلا !!
_ ازاي دا !!! امال فتحتي بسرعه ليه!!
= عادي .. انا اصلا كنت نايمه
_ مكنتش اعرف ان صوتك حلو اوي كدا وانتي صاحيه من النوم
= وانا مكنتش اعرف انك بكاش اوي كدا
_اناااا!!! وربنا ابدا انا اصلا مش عارف اقول كلمتين ع بعض ...
= امممم لا ماهو واضح
= المهم عايز ايه!!!
_ امممم احنا مخلصناش كلامنا !!
= كلام ايه !! اصلا مفيش بينا كلام
_ ازاي امال الساعتين بتوع المغرب دول كانوا ايه !!!
= ابدا انت مش لاقي حد تخرج معاه وجيت شقطني من البيت .... وانا جيت وسمعت هبلك وجنان وموضوع وخلص
_ بجد !!! انتي فسرتيها كدا
= طبعا هي ملهاش تفسير تاني ...
_ سچي انا بحبك...
" صمت تام ... حسيت انها لمستها ووصلتها بالضبط زي ماهي طالعه من قلبي .... ي خسارة الهندسة والبرستيج اللي اتمرمط ي عمار ... بقا اخرتها تمشي ورا قلبك ملطشة القلوب داا"
_ احم احم هو انتي روحتي فين !!
= معاك مستنياك تخلص الجنان دا !!!
_امممم طيب خلاص اعتبريني مقولتش حاجه بعد إذنك!!
= استني ... هو انت بجد بتحبني !!!
_ واضح اني مش لوحدي اللي مجنون ... هكون بشقطك تاني مثلا...
= لا بجد ... واصلا تحبني ليه !! وازاي !! هو انا اتحب اصلا !!
_ طب وهو مين غيرك يتحب ... انا تعبت لحد ما وصلتلك ... وكل يوم اقول لنفسي اكيد إعجاب وهيروح حب اي وكلام فاضي ايه دا ... لحد ما لقيتني ماشي ورا قلبي وهو اللي جابني عندك...
= الكلام دا كبير اوووي كلمة "بحبك" جواها معاني كتير جداااا لو مش عارفهم يبقي بلاش تقولها
_ "الاهتمام.. الاحتواء ... السند ... الامان "... هم دول الحب بالنسبالك ... هم دول اللي انتي محتاجهم أو خليني اقول ب شكل أوضح بتدوري عليهم!!!
= وانت بقا درستني لحد ما عرفت كل حاجه عني!!!
_ تؤ ... انا أدمنتك ... وعارف انك كمان هتحبيني...
= ايه الثقة اللي بتتكلم بيها دي !!
_ نظرتِك ليا واحنا مع بعض كانت مفضوحه اووي .. لما قابلتك اتاكدت من نظراتك انك وفرتي عليا مشوار طويل اوووي كُنا هنتعب فيه جامد عشان نوصل للنقطة دي ...
= نقطة ايه!!!
_ النقطه اللي احنا فيها دي ... اننا بنتكلم وكأننا نعرف بعض من زمان اوووي ... وانتي بالرغم من عِنادك بتسمعيني وتتناقشي عادي
= طيب , بصراحه ي عمار .....
_ يا ايه!!!
= ف ايه ي بني مالك!!
_ قولي اسمي كدا تاني !!
= والله!!
_ والله ، اسمي عاجبني منك اووي وحبيته جدا ..
= ودا من اي ان شاء الله!!
_ ولا حاجه خلاص كملي كنتي هتقولي ايه !!
= كنت بقولك اني مش هنكر إني حسيت ب حاجه جوايا ناحيتك .. بس خليني اخد وقتي ومستعجلش ممكن !!
_ ممكن !!! دا انتي تاخدي العمر كله بس نبقي ل بعض ..
"ثم إنك حلَلتْ محل روحي وأستوطنت قلبي."
