"منذ اللحظة الأولي عُرفت أنني وجدت منزلاً مناسباً ل قلبي"
_ هو اي جنان وخلاص ي سچى !!
° اه انا مجنونة وهي خلصت ع كدا ..
_هي ايه اللي خلصت بالظبط!!!
° علاقتنا
_ لاااا انتِ مجنونة رسمي والله ، احنا مكملناش اسبوع مع بعض اصلا
° فل واصلا كتير عليك الأسبوع وكويس انها جات لحد كدا
_ طب ممكن افهم ليه كل دا, انا عملت ايه !!!؟
° كماااان ، يعني مش معترف انك غلطان ..
_ لا إله إلا الله ، غلطان ف ايه مش لما اعرف انا عملت ايه الاول!!!
° خلاص افتكر لوحدك ، انا اصلا لو فارقه معاك مكنتش عملت معايا كدا
_اناااا....
° متتكلمش ، انا اصلا كل اللي فارق معايا موقفي هيبقي قدام الناس ايه بعد الحب الافلاطونى اللي رسمته عليا ف الاول ....
_رسمته!!!
° اه ما انت مهندس شاطر وأمور ومحدش يقدر يقاومك ولا يرفضلك طلب....
_ طيب ي ستي شاطر عشان رسمت وعرفت ، لكن ايه الباقي دا جبتيه منين !!!
° هااا.. ابقي اسألها
_ أسأل مين ي سجى ما تتكلمي عدل ..
° معرفش
_ والله!! دا بجد متعرفيش ... بطلي استهبال
° اه انا بستهبل حصل .. انا شوفت كل حاجه ب عيني ع فكره
_ كل حاجه ايه طيب مفيش دماغ فيا انا للكلام دا
° اه طبعا انت هتلاحق ع ايه ولا ايه
° انا لما رنيت عليك مرديتش ليه !!؟
_ كنت مشغول !! ولما خلصت كلمتك اهو
° نعمممم ، انا كلمتك الضهر ، احنا دلوقتي بقينا نص الليل !!
_ ما انا كنت مشغول اه
° بتكدب عليا !!
_ اكدب عليكي ليه ، انا عمري كدبت عليكي !!؟
° اه كدبت ، انت حتي عرفت اني موجودة ومعربتنيش!!
_موجودة !! موجودة فين!!
° ولا حاجه خلاص
_ يووووه ، دا مش اسلوب نقاش ، عايزة تتكلمي كويس ونتناقش زي الناس العاقلة كدا ماشي ، مش عايزه هقفل ، انا جاي من بره فاصل ..
° تمام، تصبح ع خير، سلام
_ طب است....
" مقدرتش اسمع ولا كلمه تاني ، وقفلت بسرعه، غلطان وكمان مش فارق معاه وجودي ولا زعلي ، حاسه اني اتسرعت لما وافقت ... هو قال إنه بيحبني ... بس مقدمليش ولا حاجه تثبت دا ...
سهرت طول الليل لوحدي وبعيط وحاسه بنغزة غريبة ف قلبي ، وكإني كنت وسط ناس كتير ولمة حلوه وفجأة مشيوا بدون اي مقدمات"
كنت هرن ع سلمى احكيلها بس فضلت إني أفضل لوحدي ، وأقدس حزني ومش مهم ألاقي حل، بس المهم اني أهدى وانام وبس......
*********
