"ف قانون النساء ، إذا كنت تحبها فعليك ان تكره جميع نساء الأرض "
" يمكن بعد مقابلتي مع سلمي قدرت احدد جزء من اللي انا عايزاه ، دا لو مكنش كله..الفكرة أن الخوف مسيطر عليا ف كل خطوة ... يمكن مليش تجارب سابقة ف الحوار دا... بس كل مشكله سمعتها من صحابي تخليني أبعد، مجرد ما احس اني هتعلق بحد بختفي ع طول، الوجع اللي بيبقي ف ملامحهم وصوتهم وهم بيحكوا ع جرحهم تخليني متمناش حتي اني اعيش قصه حب ولو لمره وحده ... عَجزت ع اني اعرف السبب اللي بيوصلهم لكدا، مش هو دا الحب اللي بيطيرنا من السعادة ، مش هي دي البداية اللي بتبين قد ايه النهاية هتبقي سعيده وان الطريق مليان ورد، بس هم وردتين (الاهتمام_الانجذاب) بعدهم بيبقي كل الطريق شوك(إهمال_ تعود_ تَملك_حتي الانجذاب بيصبح عادي ) هي دي حياتنا مع أي شخص حبناه، ليه محدش بيكمل للنهاية بنفس الانبهار اللي ف الاول"
» خلاص وصلت البيت نظرات ماما ليا وكأنها متاكدة اني هوافق المرة دي ، دي حتي مقالتليش اتاخرتي ليه مع صحبتك ولا هزقتني وسابتني ادخل اوضتي ف سلام عادي .... أوضتي شريكتي ف كل حاجه حزني ودموعي قبل فرحي ... انا اوقات بمشي اكلم نفسي فيها بصوت عالي ، بس ف الغالب أن ف شريك تاني هيشاركني غيرها ، هو نفسه اللي بفكر فيه دلوقتي "عمار" هو ازاي قدر يشغلني كدا انا محدش كان يشغلني غير قهوتي ومزيكتي وبس ، يا تري هو فعلا بيحبني زي ما بيقول ولا هو انجذاب ، فوقي ي سچي انجذاب سنتين انتي عبيطه ، فعلا ماهو حتي لو انجذاب هو ماأقربش مني عشان ينطفي الانجذاب والنبي لو قرب كان شتم نفسه أنه فكر فيا اصلا ...
"الفون بيرن" دي اكيد سلمي ماهو انا حكيتلها عشان تدوشني مش كفايه ماما ...
_ اي دا ، دا هو .. معقول يكون كان عاملي تخاطر وبيشوف انا هفكر فيه ولا لا ..... ايه اللي انا بقوله دا لو كدا كنت أنا اللي هروح أكلمه... خلاص هرد
_ الو
° ايه ي بنتي كل دا كنتي فين ، دا انتي سايبه صحبتك من ساعتين ، قلقتيني عليكي ..
_ امممم ، سايبه صحبتي ... هو انت بتراقبني!!!!
° انا!!! إطلااااقا دا بتوقع بس
_تؤ .. انت بتقول وكأنك متأكد
° بصراحه اه ... مش دي صحبتك الانتيم اللي اي مشكله بتكلميها، بس المره دي المشكلة كبيرة ف كان لازم تتقابلوا
_ وانت عرفت منين أن المشكله كبيره .. وايه المشكله اصلا
°أنا
_ نعم
° اه والله زي ما بقولك انا المشكله
_ مالك ي بني واخد مقلب ف نفسك كده .. انت مين اصلا
° انا العاشق الولهان ولا هو مش باين عليا !!
" غصب عني ضحكت وكأني بضحك مبسوطه بوجوده مش من كلامه خااالص"
°بعشق ضحكتك اووي بتلمس قلبي .. اضحكي كدا تاني
_ نعم!!!
° لا ولا حاجه بقولك هتخرجي تاني!!؛
_ لا هخرج ليه !!
° نتقابل مثلا
_ ي بني دا كانت غلطه ولحد دلوقتي مش مصدقه اني قابلتك وسمعت جنانك دا
° جناني!!! انتي لسه مشفتيش منه حاجه ع فكره ...
_ والله !! امال كل اللي بتعمله دا ايه ، المفروض اني أصدقك !!
° دا لو مكنتيش مصدقه يعني...
_ هو انت بتعاملني كدا ليه ... ليه محسسني انك عارفني و عارف تفكيري وكل حاجه
° عشان انا فعلا كدا
_ نعم !! دا اللي هو ازاي
° بصي انا حكيتلك قبل كدا عن كل اللي جوايا وانتي اخدتي الموضوع بهزار ، كان ممكن اخلع واعمل أنه كان بيهزار وكدا ... بس انا بحبك ومصمم عليكي ولحد دلوقتي مش راضي امشي عشان شوفتف عنيكي كلام ياما وانا محتاج اسمعه...
_ عارف ي عمار انا ايه اللي مخليني مكمله معاك وبرد عليك وكدا بسبب جملة قريتها زمان كانت بتقول"لا تقترب عندما تنبهر، بل عندما تطمئن" وانا لقيت الاتنين دول معاك والاطمئنان اكتر حاجه بجد ... كمية راحه رهيبه بحسها وانت معايا مش عارفه اوصفها ، اوعدني انك مش هتخذلني ومش هتخليني أندم للحظة اني اختارتك ... وهتستحملني وتستحمل عيوبي، وتعرف تراضيني كويس وتعرف حزني من صوتي ، تطمني بوجودك ديما معايا ، وقت ما احتاجك الاقيك ، يوم ما احبك هخنقك واغير عليك واطلع عينك وبردو مش هتشتكي ..طلباتي صعبه صح !!!
° إطلاقاً، بس بردو انا راجل ولابد أن ف حاجات هتعدي مني ومش هعرف اعملها ف انتي لازم تعذريني .... بس خليني اقولك حاجه
انتي يوم 1/3 كنتي كاتبه بوست " البدايات ديما مبهرة ، اتمني اني الاقي الشخص اللي اقدر اكسر معاه القاعده دي ويفضل ديما شايفني بجمال اول مره اتجمعنا فيها" أوعدك أني هكون الشخص دا وهحققلك ولو جزء بسيط من اللي نفسك فيه
_ انت قد الوعد دا !!!
° هنجرب ومش هخذلك ولو معرفتش يبقي تجربه حلوه كسبتي منها صديق زيي
_ مش خايفه غير من ثقتك في نفسك دي ...
° اممممم يعني ايه مش موافقه!!
_لا
° ايه!!!
_ هفكر !!!
° تفكري أي ي ماما انتي ليكي3 ايام بتفكري وكل يوم تتكلمي معايا ، احنا اصلا مش باقيلنا غير دبلتين أو مأذون ع طول يكون احسن..
_ نعم !!! مأذون ايه حيلك ... انت لسه مأثبتليش ايه حاجه تخليني اوافق اصلا
° كنت اعرف أنك هبلة ... بس مكنتش متوقع انك هبلة اوي كدا ، خلاص غيرت رائي
_ غيرت ايه !!! بكره تكون عندنا انت ووالدك ها!!
° بجد
_ اه بجد هو انا ههزر زيك !!!
° طب ما ينفعش نيجي دلوقتي!!
_ ليه يعني !!!
° اصلا انا بحب وحده مجنونة وممكن الصبح تغير رائيها
_ واضح اني مش لوحدي اللي مجنونة ... وعايزه أتقدم لحد ف نص الليل ..
° ولما هو نص الليل بتكلميني ليه !!!
_ اي دا بجد طيب متأسفه سلام
° استني بهزر معاكي ، انا فعلا محسيتش بالوقت
_ وانا كمان
" وكأن الحديث معكِ يُقبل قلبي بِلطفٍ"
