"أوقات ممكن تجبرنا قلوبنا ع اننا نعمل حاجات عكس مبادئنا خاالص أو يمكن احنا حطينا المبادئ دي عشان نلاقي عكسها"
» معرفتش ليه من بعد ما استفزني كنت مصممه اني اروح .. طب هروح ليه مش عارفه ... انا ليه بحضر نفسي وبتهيأ عشان أعجبه ولا كأنه خطيبي فعلا فووووقي ي سچى دي كلها اوهام ماهو الا شخص استفزك وعصبك وبس ...
بردو مشيت ورا فضولي لحد ما لقيت نفسي ف الكافيه وف نفس المعاد بالضبط ولا كأني برتبله بقالي شهور ايه اللي انا بعمله داا ... لاااا انا همشي بلاش جنان
° لو سمحتي!!!
_ اوووف ياربي دا ايه الحظ دا
° مش قولتلك انك هتيجي!!
_ لا ع فكره انا جيت بس عشان اوضحلك أن الأسلوب اللي عملته معايا ف البيت كان قليل الادب ومستفز ف حد يروح يشقط وحده من بيتها... انت مجنون!!!
"كان بيبصلي بنظرة غريبة اوووي ... كنت حاسه ب حنين ف عنيه ولا كأننا كُنا عشاق والزمن فرقنا ورجعنا من تاني "
° بقولك ايه متسرحيش كتير انتي اصلا فضولك اللي جابك هنا مش اي حاجه تاني...
_ فضولي !!!! انت متعرفنيش كويس عشان تعرف اذا كان عندي فضول ولا لا ...
° بالضبط دا موضوعنا معرفكيش كويس.. بس الحقيقه ان محدش ف الكون دا يعرفك زيي ... مش هاخد من وقتك غير ساعه وحده بس هوضحلك فيها كل حاجه...
_ كتير اوي الساعه انت هتصاحبني هم خمس دقايق بس وانجزني..
° خمس دقايق هحكي حكايتي معاكي ف خمس دقايق !!! انتي اكيد بتهزري
"بصراحه ف حاجه جوايا مخلياني مش قادرة اقاومة أو اني اسيبه وامشي ... شخص منسق جدااا ف طريقه لبسه وكلامه نظراته اللي تقدر تثبتك ف مكانك ف ثانيه .. جواه بحر مليان يثير فضول اي حد انه يعرفه وكنت منجذبة ليه ولا كإني اعرفه من سنين "
_ مش معاك غير نص ساعه بس وياريت تنجز
° هههههههه طيب خلاص نقعد الاول بدل ما الكافيه كله اتفرج علينا كدا
" ازاي انا مكنتش ملاحظة وجود الناس بالشكل كدا وكأن نظري كان مقتصر ع وجوده بس "
» فضل يبص ع المكان حواليه وكأنه بيدور ع حاجه معينه وكان مركز اوووي ...
_ احم هو ف حاجه ولا انت غيرت رائيك وهنمشي ... الحمدلله انا اصلا مكنتش حابه الجو دا يلا بينا ...
° اهدي ...انا كنت بختار مكان هنا يليق بيكي بس اتفضلي ....
" تربيزه ف ركن هادي اوووي ... ركن يشجع ع اني اخلص رواية كامله ف ساعه .... شعور مريح من اول ما قعدنا وكأنه قاصد يهيألي كل الاسباب عشان اتقبله أو اسمعه ...قعدت وانا عيني منزلتش من عليه ...كنت مفضوحه اوووي .. والفضول قاتلني اعرف انا بعمل ايه هنا وايه اللي بيحصل دا كله "
° هو انتي بتسرحي كتير ليه !!هو ف حاجه مش عجباكي !! لو مش مرتاحه نغير المكان عادي
_ انا مسرحتش .. مستنياك تتكلم وتخلصني
° طيب ... هحكيلك
انا اعرفك من اول مره شوفتك فيها من سنتين لسه فاكر اليوم دا كإنه كان امبارح ... كنتِ انتي وصحبتك ف نفس الكافيه دا بس كنتِ ع التربيزة التانيه اللي هي تربيزتي المفضلة ويومها اتخانقت مع صحبتك بس هي رخمت جامد وبصيت عليكي انتي كنتِ شاردة اوووي ودا اللي خلاني انسحب بهدوء
_ اااااه افتكرت حاجه زي كدا ... طب ليه مقعدتش عليها النهارده !!!
°لان التربيزة دي شبهك انتي وانا حابب أن كل حاجه تبقي مظبوطه النهارده ..
_شبهي!!!
° اه متستغربيش... انا بقالي سنتين متابعك لحد ما جه اليوم اللي قررت اجيلك واتقدملك عن اقتناع .... سچي 24 سنة خريجة فنون جميله بتكرهي الكدب و الزحمه والدوشه ومش بتحبي التحوير ولا بتعرفي تحوري اصلا ... هاديه ،بتحبي الشوكولا اوي ، بتسمعي الست ،حليم ، منير ، والجديد ملكيش فيه اوي ,صحابك كتييير بس مفيش غير وحده بس اللي هي بير أسرارك ...
_حيلك حيلك انت جبت المعلومات دي كلها منين !؟؟؟
° مش هقولك ع مصادري اكيد وبعدين ي بنتي بقولك سنتين .... سنتين ..
" قبل ما اتكلم جه الويتر وانا قاعده مذهوله ومندهشه من اللي بيحصل هو ف كدا .. هو انا استاهل حد يعمل عشاني كدا !!"
» تشربوا ايه !!!
" بص عليا كتير اوي وكأنه كان سامعني انا بقول ايه وبفكر ف ايه "
° اتنين قهوة مظبوطه ،من فضلك ...
_ انت طلبت لي ليه قهوة وبعدين انا مش بشربها اصلا و ....
° مش بتشربي ايه اصلا باين ف عنيكي انك بتحوري ... دي قهوتك انت بتشربيها كل يوم الساعه 5 ع الطابع الفرنسي زي ما بتحبي ... شوفتي بقا انا مذاكر ازاي !!!!
_ انت بتراقبني بقا مش ......
° مش ايه !!! كملي كملي .. قصدك مش بحبك صح !! انتي تحكمي عليا ليه من غير ما تعرفيني !!
" حسيت أني دايقته ... كان بيقولها بنبرة حزينة اوووي ، وكأنه كان مستني مني رد فعل تاني ، ليه حاسه اني خذلته أو دايقته جامد اوي كدا "
_ طب خلاص اتفضل عرفني !!!
°عارفه انا اتعلقت بيكي جداااا ، كل يوم بتكبري جوايا وكل يوم كنت بتكلم معاكي في خيالي وكنت لما ببقي مدايق باخد رائيك ، يمكن مجنون أو يمكن حبيت !!!
_ هو في حب كدا اصلا !! انت مجنون خلاص انا قررت كدا ...
° مجنون بيكي ، انا ما صدقت اقدر اجي اواجهك كنت متوقع رد فعلك دا ، عشان انتي ع طول بتقول حاجه وعقلك اللي بيسرح كل شويه دا بيقول حاجات تاني.....
_ احم اسرح !!! ايه اسرح دي انا بفكر بس عادي
° طيب هنعديها انك بتفكري
_ بص انا مش عارفه قعدت ليه وسمعت ليه من الاول بس انا حاسه اننا صحاب اوووي ومن زمان كمان هو ف ايه ...
" ايه اللي انا هببته دا ، مكنش لازم اقوله كدا، دلوقتي هيقول اني مرتاحه معاه ولا يقول اني بقعد مع أي حد عادي "
°روحتي فين !!!
_ مفيش انا همشي، بعد إذنك!!
° استني طيب والقهوة
_ اشربها لوحدك بقا 😂
"مشيت خطوتين وحاسه اني سايبه عنده حاجات كتير اوي ،هو ف كدا ، دا اكيد مجنون ، معقول ف حد مهتم بيا ، معقول كل اللي كنت بدور عليه الاقيه متجسد قدامي بالطريقه دي ... اوبس انا نسيت أسأله اسمه ايه ، بصيت عليه كدا واتحرجت اوي اني بصيت ورايا ، وهو مركز جامد معايا وكأنه مستني ارجع"
_ انت اسمك ايه صح !!!
° والله!!! اسمي عمار ، وهستناكي تاني المره دي انتي اللي هتحددي المكان مش انا .. وهتيجي .. هبعتلك ...
" إذا وقعت في حُب أحدهم يومًا، تَعهّد بينك وبين نفسك، أنك مهما ساءت الأمور وأَتعبتك الحياة لن تجعله يشعُر بالسوء"
