حب مفاجئ (لعبة قدر ) بقلم/ساره احمد

الحلقه الثانيه والعشرون

اللهم صلّ صلاة كاملة وسلّم سلاماً تاماً على سيدنا محمد النبي الأميّ الذي تنحل به العقد
💗💗💗💗💗💗💗💗💗💗💗
___________________________________
كانت تجمع اشيائهاا وتهم للرحيل فا انتهى وقت عملها ثم لمت شتات نفسهاا حتى تدلف لذلك السمج بنظرهاا حتى تخبره برحيلهاا

دقت على باب المكتب ثم سمعت صوته يسمح لها بالدخول

رحيم وهو ينظر للاوراق بيده..:في حاجه

الاء بجديه..:حضرتك وقت شغلي انتهى انا همشي

رحيم..:استنى هوصلك انا كده كده مروح

الاء..:لا حضرتك انا هروح لوحدي مش عايزه اتعبك معاياا قالت هذه الجمله بأستهزاء

قام من مكتبه واتجه الى باب المكتب وعندما وصل لخارج المكتب التفت لهذه التي تبحلق به بأستغراب

....:متنحه ليه تعالي وراياا .....ثم اكمل سيره

اما الاء فا نظرت في أثره بغضب

في السياره

رحيم بخبث و مرح..:مش بشوف يعني انك بتكلمي حد وتقعدي زي الافلام كده السكرتيره سوسن اليوم كله بتكلم خطشيبهاا وتسيب الناس ساعه علشان بتتخانق معاه بسبب امه

الاء ابتسمت بسخريه..:لا ما هو انا مش جايه علشان اتكلم في الفون واسيب شغلي او اتخانق مع امه

رحيم بتفكير فا لم يفهم اذا كانت مرتبطه ام لا...:امممم معنى كده انك بتتخانقي معاه في البيت يعني

الاء بضيق..:اللهم طولك يا روح...لا حضرتك انا مش مرتبطه اساسا علشان اتخانق معاه او اشد في شعور امه

رحيم بمرح..:ازاي يا بنتي مش مرتبطه الشباب اتعمت ولا اي ده انتي حتى قمر

الاء ردت بلامبالاه..:عاارفه....بس انا الي مش عايزه ارتبط انا عايزه اهتم بشغلي وانجح وبس

رحيم وقد اعجب بشخصيتها...:بس برضو مايمنعش ان لما تحبي واحد هيقويكي لان الحب بيقوي

الاء بنفي..:بالعكس الحب بيضعف...وانا مش حابه ان ابقى ضعيفه...وعلى جنب لو سمحت علشان وصلناا

رحيم نظر لها بأستغراب من ردهاا...ثم نزلت الاء دون النظر اليه او حتى ان تشكره...قام برفع احد حاجبيه بأستهجان من تصرفهاا ثم اكمل طريقه ولم يعطي لها انتباه
_______________________________
...:في اي...ازاي ده حصل وانت مقولتليش من بدري ليه اصلا يا مروان
قالهاا ميدو بضيق مما يحدث

مروان بتهدئه..:اهدى بس وخليناا نعرف نفكر ازاي هنطلع ادم من المصيبه دي

ميدو بعصبية..:انا لو عرفت مين الي عمل كده مش هرحمه

مروان...:ياابني اهدى بقى واسمعني...

ميدو وهو يحاول الهدوء..:اتفضل