Virus
මේ කොල්ලාව නම් වැඩිය ගණන් ගන්න හොඳ නැහැ. එයා ගාණට වැඩියි වගේ. මට ඔය ගාණට වැඩි අයව පේන්නම බැහැ නේ. හැබැයි ඉතිං එයත් මං වගේ වෙනස් කෙනෙක්. එයාගේ ඇස් පොඩියි. එයාත් අපේ අනික් කට්ටිය වගේ නෙවේ. අනික් දේ තමයි එයාගේ ඉංග්‍රීසිත් මං වගේම නුහුරු අමුතු වෙනසක් තියෙනවා. ඒත් මෙයාගේ නම් ඒ ගතිය වැඩියි මට වඩා. මට පේන්නේ එයා නම් ඉංග්‍රීසි විතරක් නෙවේ වගේ පාවිච්චි කරන්නේ.
කෝමහරි අර කොල්ලා මං කලින් වාඩිවෙලා හිටිය තැනට ගියා. "ඕහ්.. ඔයාට මේක අමතකවෙලා" එකපාරටම මං ලගට ආව ඒ කොල්ලා එයාගේ අතේ තිබ්බ පැන්සලක් මට දුන්නා. ආ... හරි ඔය කරගත්තේ වැඩක්. අර ඉස්සෙල්ලා වට්ටපු පැන්සල අහුලගෙන නැහැ නේ ඉතිං මම. මෝඩයා!! "තැන්ක් යු!" මම ලොකූ ඇයි හොදැයියක් නැතුව එයාගේ අතේ තිබ්බ පැන්සල අරගත්තා. එයා එයාගේ තොල් අතර ලස්සන හිනාවක් දාගෙන එතනින් යන්න ගියා. එයා නම්.. පොඩ්ඩක් වැඩියි වගේ.. මහ කරදරකාරයෙක් ද කොහෙද..!!
එයා එයාගේ පුටුවට ගිහිනුත් මං දිහාම බලාගෙන ඉන්නවා මට දැනුනා. "ඉතිං හැන්ඩ්සම්! කියන්නකෝ ඔයාගේ විස්තර! කැමති නැද්ද අපි එක්ක ටිකක් කතා කරන්න?" ඇන්ජෙලීනා එයාගේ තිබ්බ හැට හතර මායාවල් ඔක්කොම ටික දාලා කතා කලා. "ආ... මම ආවා විතරයි නේ අපි පස්සේ කතා කරමුකෝ" මම හිතුවේ නැහැ එයා එහෙම කියයි කියලා.. එයා ඉතිං අපේ මිස්වත් අල්ලගත්තා, අනික් මිනිස්සු ටිකවත් අල්ලගන්න ආසයි කියලා මම හිතුවේ. ඒත් මෙන්න මෙයා ඇන්ජෙලීනාව මගාරිනවා? ඇන්ජෙලීනා ජොලීව? අපේ කොලනියේ ඉන්න ලස්සනම කෙල්ලව? හරි අමුතුයි නේ!
මෙන්න මේකා ආයේත් මං දිහා බලනවා? ආයිශ්.... මේක නම් මහවදයක්. මම ඉක්මනටම මගේ පොත බලාගත්තා. "ලමායි මේ සතියේ අපේ පැවරුම කණ්ඩායම් එකක්. ඔයාලාට තියෙන්නේ දෙන්නා දෙන්නා කණ්ඩායම් බෙදිලා තමන්ගේ අනික් ටීම් මේට්ව අදින්න. හරියටම වැඩේ කරන්න ඕනේ.. ඒ හැටි දෙයක් නෙවේනේ ඉතිං මේක. නේ?" මිස් ස්ටෙලා එහෙම කියද්දී මම නම් රත්වුණා. මේ කට්ටියගෙන් කවුරු මගේ ටීම් මේට් වුණත් ඒක ලොකු අවුලක්. එපා වෙනවා!! "ඒත් ඉතිං මිස් ස්ටෙලා අපිට මේ සතියේ දවස් දෙකයිනේ වැඩ තියෙන්නේ.. මේ සතියේ අපේ කෑම්ප් එක තියෙනවා!!!" මිෂෙල් කන් කෙදිරිගාන්න ගත්තේ එයා කෑම්ප් එක වෙනුවෙන් ගොඩක් කල් බලන් හිටිය නිසා. "එහෙනම් ඉතිං ඇයි ඔයා තවත් වෙලාව අපතේ යවන්නේ? දැන් ම වැඩ පටන්ගන්න මිෂෙල්!" මිස් ස්ටෙලා එහෙම කිව්වේ එයාගෙන් ප්‍රශ්න අහපු නිසා අකැමැත්තෙන් වගේ.
