الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_36_
alabadyia_09
"عندمـا أخبرني أحدهـم
أنه مـُعـجـب بـصـلابـتـي
شـعـرتُ برغـبـة بالبـكـاء".
امنيات _ وكف مفزوع وتصلب جسمه كأنه انصاب بتيار كهربائي ورجفة سرت بأنحاء جسمه اني اباوع عليه وعيوني تسأله بحيره ظل يصرخ على بهاء وذاك هم يصرخ وصارت لخه كلشي ممفهوم حديد طاح على حديد صاح رن.
جمال شمر الموبايل وركض على الكنتور طلع ملابسه واني وياه اركض جبت حذائه بسرعه حطيتهه اله دنگ يلبسهه واني امشط بشعره وادگم قميصه كلساع بمكان انخبصنه خبص حطيتله موبايله بجيبه وطلع للباب واني وراه كال
- امنيات مااوصيج ديربالج تفتحين الباب لاأحد والجهال عينج منهم
- لتوصيني اعرف
باسني بگصتي ع السريع وطلع قفلت الباب وراه ودخلت لغرفة الجهال تمددت يمهم وعيني مشافت نوم ظل بالي قلق عليه وعلى الحجيه واعرف سبب المصيبه ختام اكيد الحجيه مقبلت.
ظليت للعصر متحملت كمت خابرته اتطمن على الحجيه اجاني اجاني صوته تعبان ويرد گوه سألته على حال عمتي كال :- تعبانه كلش
- خير يارب شبيهه
- لو ممتلاحگيها جان صايبتهه جلطه من وره بهاء ومصايبه
- ليش مصايبه؟؟
حس على نفسه وتذكر ختام تصير بنت عمتي غير الصيغه وگال :- مو شي مهم كعدو الجهال
- لا بعدهم
- لتخليهم نايمين خاف بالليل يبقون سهرانين
- هسه اگعدهم
- بالليل نطلع الحجيه حضري نفسج نروح وياهم الليله
- انبات؟؟
- اي
- لا جمال عفيه مااگدر انام بغير مكاني
- لعد شنسوي الحجيه محتاجتنه اخذيلج جنطه خاف نبقى كم يوم
- تمام حنحضر نفسنه
سديته من عنده ونزلت جنطه خليت بيهه ملابس للجهال وملابسنه اني وجمال انتظرته لما يجي بالليل عشيت الجهال ومكدرت آكل لگمه تعودت آكل وياه اجه الساعه بالـ10 ع السريع دخل للبيت لكاني مبدله الي وللجهال أشرلي بسرعه كال :- همزين متحضرين يله امشينه
اخذ من عندي الجنطه ومشه كدامنه رحنه للسياره وتوجهنه لبيتهم دخلت مستغربه ممتعوده ازورهم بكثره استقبلنه اخوه الجبير ابو احمد ودخلنه للصاله لكينه الحجيه نايمه ع الچربايه وكلهم ملتمين عليهه يبچون زلم ونسوان المحنه الي عدهم كارثه.
بهاء واگف بعيد مكتف إيديه ويراقب بصمت ودمعته بطرف عينه دخلت سلمت كلهم ردو السلام رحت ع الحجيه بوستهه وتحمدتلهه ع السلامه باستني من راسي وجمال كاللهم :- يله اطلعو مو زين عليهه خنگتوهه
