الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_27_
alabadyia_09
مثل مـنـخـل يـجـر بيه الـدهـر صوبـين
مدري بيا چتـف ارتاح مرة وما يمر ليلي
وهــذا انــه
مثل عاگــول
مامش عاشگ يشمني
ولا فــلاح يـحـويـنــي
~~~~~~~~~~~~~~~~~~~~~~~~~~~~~~~~~~~~
سمانه _ بلشت بشروطي واول شرط حطيته باوعت بعينه وحجيت :
- اني حرجع بس متفوت للشقه ابدد
باوعتلي بعتب وصفن كال :- لوين نبقى هيج ؟
- ماادري لحد مااسامحك ومن تجي بنت عمك تهج من البيت لو تصعد فوك
- سهله، مادام انتي موجوده مرايد شي ثاني
- ضرب ماكو، بس تضربني بعد ثق بالله ماابقى يمك لحظه
- بدون متكملين. متنعاد والله بس لتتجاوزين
- وعمتي واخواتك معليهن بيه ولا يتدخلن بحياتي
- اعتبريه تم
- بس يحسام اذا وصلت للشقه واني بيهه...
قاطعني :- مااوصلج كتلج. هسه هاهيه
- تمام هاهيه
- يله بدلي خل نرجع
- مو هسه بالليل تعال اخذني ممحضره نفسي
ابتسم بفرح وراح واني رحت اجهز بملابسي ووجهي ماادري شبي مفرحانه برجوعي ورة شويه خابرتني ضي فرحانه وتحجي بفرح :
- صدك حترجعين
- اي شعرفج
- اجه حسام طاير من الفرح كال لعمتي وانطاهه مصرف حتى تسكت عنج ومتضوجج من تجون
- ههه رشاوي
ضحكت وكالت :- حسوي كيكه بهالمناسبه وانتظرج
- تمام
راحت واني كملت تحضير نفسي للّيل اجه هوَ اخذني وسلم على ابويه قبل لنطلع كالّه :- والله اذا تتكرر ماارجعهه الك
- متتكرر عمي غلطه جانت
هز راسه وراح فتحلي باب السيارة صعدت وطلعنه لبيت اهله اول موصلنه لكيت ضي منتظرتني بره دخلت حضنتني وهبه جانت واكفه يمهه هم حضنتني رحت سلمت على عمتي وهيه كالت
- شدعوه عليج عمه شسويتي بإبني بهذلتي حالة يوميه جايب ناس وانتي متقبلين ترجعين شسوالج وهيج محملة عليه
- كولي شنو المسواة.. بدل متكليلي شسويتي بيه كوليلة انته شسويت بمرتك ميصير هيج شو بالمكلوبي
- غير من لسانج والمرادد وتنترين بيه نتر هوَ المنطيج عين
دخل حسام وكف وصاح :- ها ها شنو ناوية على مشكلة جديدة تره هسه رجعتهه والدنيا طالعه من عيني استهدي بالرحمن وعوفن عركجن تره اني الواكع بيهه اشش دخيل الله
