الـسـلامُ عـلـيـكـم 🌼🌻
نوائب الدهر
الكاتبه_العباديه
الــبــارت _5_
alabadyia_09
ماذ لو تنازلتِ عن كبريائكِ
وأقبـلـتِ عـلـيّ وقبلتـنـي ؟
~~~~~~~~~~~~~~~~~~~~~~~~~~~~~~~~
أمنيات _ حطيت ايدي على خدي مصدومه وفاكه حلكي ودموعي مغرغره تريد تنزل رفع ايده خلاهه على فكي وعصره بكبر ايده بكل ماعنده قوه ركز بعيوني وعيونه صايرات حمر من العصبيه همس :-
- ايدج اذا تنمد عليه اكسسرررهه
فكي انعقد وظل يرجف حتى صوت اسناني صار مسموع من الرجفه الي سرت بجسمي حطيت ايدي على ايده حاولت اوخرهه خزر ايدي اللزمته بيهه ونتر
- ايدددجج حقييررة
باوعتله مثل الطفل المسوي شي وخايف يبجي .. من غلط عليه متحملت انفجرت بجي وعيوني ظلت تزخ واشهك هوَ تفاجئ عافني ورجع لوره صافن عليه عفته ومشيت اشهك وابجي وصوت شهكاتي مسموع لان تطلع بحرگة ومن كل گلبي هوَ ظل وراي يمشي وميحجي بس مراقبني خاف احد يتعرضلي والدنيا المغرب همزين محد بالشارع بهيج وقت يكون فارغ . وصلت لبيت اهلي دفعت الباب ودخلت منهاره واصيح
- بااااابااااا
اجت امي تركض على صوت صراخي متفاجئه منظري اجت عليه ووجهه مليان ملامح خوف وقلق
- شبيجج
ظليت بس ابجي ومحتاره منو اگولهه اول الطرده لو الضربه حجيت بصوت متجرح
- عيال بنتج طردونه
شهكت ولطمت على خدهه
- عزززه عيال سمانة؟
- لعد منوو
- شنو طردوكم احجي عدل ولج
- شحجي عدل همه طردونه اجتي بنت عمهم وكفت بنص النسوان وكالت يله اطلعن بره
- صخام بعيني تفشلنه وي الناس زين ام حسام وين
- تاء تأنيث ساكنه لامحل لها من الاعراب واكفه وتتفرج
- كومي كومي امشينه خل نروح نجيب بتنه
- عززه صدكك تحجين شتجيبين بنتج ؟ تره البنت عروس
- اي وشنو يعني لعد مااستحو همه من طردو معازيمنه احترام بتنه من احترامهم غير خالاتهه وعماتهه لو لا
- روحي افضحي بنتج روحي اني مااجي هسه الناس شيكولون شبيهه ورجعت لااهلهه بالليلة العرس
- عود احنه نگللهم طردونه
- اي ويحجون كدامج همه
وكفت وضربتني بخفه على راسي
- كومي كومي جيبيلي جواريبي وعباتي
- صدكك تحجييين
- دكووومي. صاحت
