الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_8_
alabadyia_09
"إياك أن تظن أنك خسرت شيئًا . .
حين تغافلت عن زلــة أحـدهــم . .
أو قابلت إساءته بالصمت والإحسان،
إنما هي خيرات ستعود إليك يومًا ما،
والحـيــاة تعـيد لـكـل ذي حقٍ حـقـه."
~~~~~~~~~~~~~~~~~~~~~~~~~~~~~~~~
سمانه . . .
صار صوت العياط بفلس عمتي معصبه وتصيح وحسام ساعه صوته يعلى ساعه ينصى يسايسها اسمعهه تگله بعصبيه
- مااروح اني ولا انته هم يمه ذوله ناس همج ومو من مستوانا نروح ونتعنه الهم كل عقلك اني اني افوتلهم بعد اصلاً على عمة عيوني قبلت اروح بعرسك بس لهنا وبسسس
سمعته يهدي بيها ويحجي بصوت
ناصي يسايسها ويقنع بيهه
- عيب أمي ليش هيج تحجين لاتنسين بعد سمانه صارت زوجتي وميصير تنتقدين اهلها هيج بس نصي
صوتج خلي نطيب الخواطر وعيب الزعل يصير بين الاهل
- لو اموت مااروح تجمعنة كلنة وتخلليلنة سحر بالأكل عقد لسان وننسحر كلنا هسه شوف انته شصار بيك إتسكت بيه خايف على مشاعرها موو والله ياحسام اني بالنسبه إلي باب البيت ماخطي ولا اطلع
سمعته كاللها
- براحتج امي براحتج بس لاتحجين كلام يجرح غيرج بلا سببب
-لا والله احجي واحجي وانته ماتسكتني
ظل يعيط ويصيح
- والله اذا انتي متروحين احنه نروح
- اي اي روح هوَ انته مسحور من زمان
اخواته هم ظلن يحجن عليه ويوزوزن بقى يمهن جوه منا لما فات وكت الغده
رجعت للغرفة اتصلت باامي واعتذرت منهم سديته منهه كتلهه بعد منجي وطلعت اسمع وهمه مستمرين عياط وصياح
سمعت صوته وخطواته ع الدرج اجه يصعد وخواته ظلن يلعلن عليه ويحجن كلام بذيئ بحقي رجعت للغرفة اركض ما اريده يعرف اني اتصنت عليهم
حسيت كلامهن سجاجين ونبتن بكلبي صدگ قهرني ششافتنا ليل ونهار مكابلين السحارين ونسحرلهه عجوز البين
التزمت الصمت عرفت نسوان عمامي مفهماتها بالحنة بدون مندري على انو احنه سحارين.. تذكرت بحنتي سألتني امنيات شعدهه ام غدير ويه عمتج ساعة كاملة واكفات بالكراج يحجن بس مجنت اعرف شيحجن طلعت تحجي علينة هاي السوالف مرت عمي الحقيرة.
كعدت ع الجرباية وظليت ابجي صدك كلامها جرحني فات هوَ للغرفة من شافني ابجي ثنه ركبه
كدامي ونزل ايدي من عيوني
- سوسه حبيبي لتبجين عادي تصير
سحبت ايدي منه ونترت
- لا موعادي تقبل احجي هيج على اهلك واتهمهم
بهذا كلامها الجارح تقبل؟ امداني نزلت روحي الكم وتزوجت واحد شايب مثلك وفوكاها متكدر حتى تروح لعزيمة اهلي
