THE SOURCE OF LOVE [ COMPLETE ]

[ 4.9 ] Don't leave me ..

☆ Unicode version ☆

   
   
" ရီပေါ်ရဲ့ အဖေအရင်းက အသတ်ခံရပြီး အမေက နောက်အိမ်ထောင်ပြုသွားတာ၊ ရီပေါ် အဖေရဲ့ အုတ်ဂူကို ကိုယ်သိတယ် "

ကော်ဖီခွက်ဘေးက လက်ဖြူဖြူလေးတွေက လက်သီးအသွင်ပြောင်းသွားပြီး အလိုမကျမှုတွေ ဖြစ်ထွန်း​နေတဲ့ ကောင်လေးရဲ့မျက်နှာက ဝမ်းနည်းရိပ်တစ်စိုးတစ်စပါဝင်နေပြီး ဟယ်ရီ့ကို စူးစူးရဲရဲကြည့်နေတယ်။

ဒါဟာ အမှန်တရားဘဲ။ ရီပေါ်ရဲ့ အမေက ဆင်းရဲသူတစ်ယောက်ဖြစ်ပြီး အသက် ၂၀ အရွယ်မှာ အိမ်ထောင်ကျကာ ရှေးဆန်တဲ့ ဝမ်အိမ်တော်ရဲ့ အငယ်ဆုံးချွေးမဖြစ်လာတဲ့သူ။

အသက် ၂၂ မှာ ကိုယ်ဝန်ရလာပြီး အခက်မသင့်ဘဲ ခြေချော်ရင်း လှေကားပေါ်က လှိမ့်ကျလို့ ကိုယ်ဝန်ပျက်ကျသွားတယ်။ သူမရဲ့ ပေါ့ဆမှုကြောင့် ရီပေါ်ရဲ့အဖေက သူမကို ဒေါသနဲ့ အငြိုးထားတယ်ဆိုပြီး စွပ်စွဲတယ်

အဲ့လိုနဲ့ အသက် ၂၅ ပြည့်နှစ်မှာ ကလေးထပ်ရလာရင်း ဝမ်အိမ်တော်မီးလောင်ပြီး တစ်မျိုးလုံးမီးထဲပါတယ်ဆိုတဲ့ သတင်းနောက်မှာ သူမက ပျောက်ကွယ်သွားပြီး စပိန်မှာ ပြန်ပေါ်လာတယ်။

Leo ပြောဖူးတာတော့ သူမက ကလေးမွေးပြီးတဲ့ နောက်ပိုင်းမှာ လူကုန်ကူးခံရပြီး စပိန်နယ်စပ်မှာ သော့ဒ်နဲ့ စတွေ့ခဲ့သည်တဲ့။ အစေခံ အပေးခံ ဘဝကနေ စပြီး ငွေမက် ဂုဏ်မက်လာခဲ့တဲ့ ဝမ်ရီက သော့ဒ်ယုံကြည်တဲ့လူတစ်ယောက်ဘဲ ဖြစ်တယ်။

သော့ဒ်ရဲ့ အရင်အိမ်ထောင်နဲ့ ရတဲ့ ချင်းယီဆိုတဲ့ တရုတ်ကပြားတစ်ယောက်နဲ့ ထိုအမျိုးသမီးနဲ့ သော့ဒ်တို့မိသားစုက အတူတူနေထိုင်တယ်။ ကလေးယူမယ်လို့လည်း သတင်းကြားတယ်။ ဒါ ရီပေါ်ရဲ့မိဘအကြောင်း ဟယ်ရီသိတာ အကုန်ပါဘဲ...

ထိုအကြောင်း ရီပေါ်ကို ပြောပြမိ​တော့ ကောင်လေးက တော်တော်စိတ်ခုသွားသည် ထင်၏။ မျက်ရည်စတွေက ပြည့်အိုင်လာပြီး ပါးပြင်ပေါ်ကို ဖိတ်ယိုလာတာကြောင့် တစ်ရှူးယူပြီး သုတ်ပေးမိတယ်။

အဖေအရင်းက စွပ်စွဲချက်တွေနဲ့ အမေအရင်းကို နှိပ်စက်ခဲ့လို့ ဝမ်ရီ ထိုအိမ်က ထွက်ပြေးခဲ့တာလား။