#ضحايـا_شـرف (بين الواقع والخيال)✨
الــــحـــــــلقــــــــه الـــعــاشـــــره✨
الگـاتبــه هٖنــــــوَ ۦَٰ ٱڵبــــــرغثــــــي ۦَٰ ✨
……………………………………………………………
لايك+ تعليق ❤️
طلعوا جمان ايهم للمحلات وقعدو يشروا في دبش الها ونور اللي خلوها عند جدتها
مسكت جمان في يد ايهم زين وقعدت تلكلك احمد خويا جاي جيهتنا 😨
ايهم بهدوء مسك يدها زين.:وباه خليه يجي في نهايه انتِ مراتي
جمان دموع ع خدودها وتشوف احمد كيف يبحت فيهم زين ويبتسم ...
وفات من جنبهم وهو مجموعة شباب كانوا معاه ...لتفت عليهم ودرالهم حركة لايك بيده وكمل باقي طريقه وهوا يبتسم
جمان حطت يديها ع خدها وتبكي:حي عليا حي ...
ايهم:تي اسكتي فضحتي بروحك..وبعدين كنك تعيطي طول ماانتِ في حميتي ماتخفايش
جمان:انت مش فهم حاجه احمد خويا واعر..ولوحط حاجه في باله حيديرها والله
ايهم:غير اسكتي وماتركبيش ع روحك ..والله ماهو صيرتلك حاجه
جمان فتحت باب المحل متاع اطفال وخشت: ربي يعطيني برودك
ايهم: مانيش بارد..غير انت مكبره المواضيع بس
جمان تنهدت:ان شاء الله نطلع مكبرتهن..ومسكت توته بنتيه كانت حمرا ومرسوم عليها فروالة وكانت بارزه
حلوه هذي؟
ايهم خذها من يدها وابتسم.:حلوه وتجي عليها
جمان:اها وتعكس خصوصا انها بيضه
ايهم:خلاص حطيها في سله..
وكملوا باقي شري دبش لنور...وطلعوا عشان جمان تشري
...
رغد:حسبي الله ونعم الوكيل توا انا كيف ندير بيها الخاربه هذي..وكان نمشي بيها للورشه نشوف مضيقات وتعطيب حال
مبروكه طبق في دبش وتحكي مع رغد:انا قتلك..رني عليه اقل شيئ عشان يشيلها لك ..وفلوس ادفعيهن انتِ..
رغد:اوووف زعما
مبروكه:اها بدون زعما..كيف حتمشي للورشه بروحك
رغد:اصلا كان عندي خو ولا بات مش هذا حالنا..وحتى الخوال خوال اروحهم
مبروكه:الله غالب هذا قسمنا
رغد:باهي انتِ شن صار في ورثك..مش من قبل قلتيلي نتحشم نحكي معاهم
مبروكه توترت:اااه مازال ماصار شيئ ولا باعو اقطع ولا حركوا فيهن
رغد حطت يدها ع خدها: وفيش يراجو
مبروكه:عاد وين نندري عليهم..وانت غابيه في امي ..ماتحمل في ذكوره شيئ..هذا عليش مانقدروش نحكوا
رغد:نقولك حاجه وماتزعليش مني ...
مبروكه بضحكه:ومن امتى تسألي انت تقجي فيها فالوجه.
رغد:اشرت ع رقبتها...تصرفت جدتي وحركتها وعقليتها..عمرهن مانزلن من زوري
مبروكه بحتت فيها وبلوية بوز:اختصري ع روحك وقولي مانحبهش عليش هذا كله
رغد:نزلت لمستوى امها وضحكت..كيف ياكوكا زعلتي
مبروكه:وعليش بنزعل..بيني وبينك..حتى نا تصرفتها ماعمري قبلتهن غير الله غالب هذي امي ومتحملتها
رغد بضحكه:كيف ماتمحملتك انا
مبروكه:وايش ديرتلك نا ياحنه لين تقولي هكي
رغد بصدمه:تي غير كلامك ع زواج هذا بروحه خنقه
مبروكه:شوفي انا مش حندوملك..ولٱ حنقعدلك العمر كله وكيف ماتشوفي باتك من اول ماطلقني ماعاد فكر فيك ولا دورك..حاجه الوحيده اللي دارها عقبالنا هشقه ..ولا خوالك مدورينا ولا عمامك مفتكرينا ..فا طبيعي نبيك تزوجي ونتريح عليك ...والوقت توا يارغد مش كيف وقت زمان..بنت بدون زواج وبروحها وماعندهش سند حيطمعوا فيها
رغد تنهدت:بس الامور هذينا قسم ونصيب..ومش اي حد ناخذه..كيف مادرتي مع السلفي 😂😂😂
مبروكه:عاد كنت نبصر وصبت خذت دبش باهي انا نرد دبش في مكانه
رغد باهي وردت قمعزت ع كنبه وتفرج ع تلفزيون
اما مبروكه طلعت دموع ع خدها ...كانت وكانها هذي اول مرا تحكي فيها مع رغد...
مبروكه من كثر ماهي متكتمه ع سر وخوفها انه يطلع وتخسر رغد..كانت حريصه معاها في دوه ..يعني كلمتين وقص
أنت تقرأ
ضحايا شرف 🔥❤️
Ficción Generalرواية ما بين الواقع والخيال ❤️ للكاتبة المبدعة / هنـــو البــرغثــــي ❤️ القروب الاصلي للكاتبة :- https://www.facebook.com/groups/359109965062618/?ref=share
