ضحايـا_شـرف (بين الواقع والخيال)✨
الــــحـــــــلقــــــــه الـرابـعـه عشــر ✨
الگـاتبــه هٖنــــــوَ ۦَٰ ٱڵبــــــرغثــــــي ۦَٰ ✨
……………………………………………………………
لايك+ تعليق ❤️
مع ساعه 11:30 صبح
قمعزت جمان ع سرير هيا وايهم وتغير لنور ويهدرزو
جمان ايهم يابارد
ايهم..شن فيها راجل وباس مراته
جمان..مش وقتها توا
ايهم ..امالا امتي
جمان:ماتشوف فيا نغير لنور ...وسمعت باب يدق
صبي افتح الباب
خطف منها ايهم بوسه وطلع يضحك
فتح لقاها امه..
وتبكي ...ايهم بصدمه كنك كنك
امينه تبكي وتخبط ع ركبها اختك ياايهم اختك
ايهم زمط ريقه ويفنص كنها
امينه ...مخطوفه مخطوفه
ايهم بصوت عالي.. شن تقولي انت
طلعت جمان ع صوت العالي ومفجوعه ..كنكم شن في..خشت امينه ولفت ع جمان وتبكي ...يانعليا بنتي ياجمان بنتي..حي عليا
ايهم بعصبيه..تي فهميني شن تقولي ...وين فرح از..
برمت عليه امينه وهيا تشقهق من كثر البكاء...
اليوم كان عندها امتحان واحدد..وتروح ع ساعه 9:30 ..قعدت نستنا قلت بالك الحافله متأخره..وتو تجي ..معاش جت..رنيت عيت فتحي جارهم بنته تقرا مع فرح" نشوفهم..عليش تاخرت حافله..ونركبلك تجيبهن هن الاثنين..
ايهم يسمع ودمه يغلي..ومعصب..باهي كملي
كملت امينه وهيا تبكي من جدها..قلولي بنتهم روحت من بدري..شاطت فيا نار..ورنيت ع مديره متاع مدرسه ...
قلتلي من زمان مروحه
ايهم بعصبيه..دف طاوله لين تكسرت ...خذا نقاله..ونزل يجري
امينه تخبط ع كرعيها..يانا ياكينتي سوده..يانا عليا يابنتي....وين مشيتي يمي من خذك مني يافروحه..وينك يابنيتي وينك
جمان تمسع فيها وتبكي. وتخيلت شكل امها وقت هربت
ايهم ركب سيارته واتجاه شور مدرسه..لقا الغفير
تهجم عليه ومسكه من دبشه..وين الف$ بنت ال مديره وين
الغفير يرعش ويحكي بخوف..مالك ياعم انت عايز اي
ايهم رفعه فوق ولصقه ع ساس..مديرة مدرسه الخاربه وين ياولد..
الغفيره يحكي وقريب يبكي ..روحت روحت
ايهم بعصبيه..ماترفزشش امي ..حوششها وين احكي خير مانخرب خلقتك
الغفير..والله مااعرف بيتها فين..ونبي ياعم ماتعملي حاجه
ايهم...نزله لوطا ويحكي بعصبيه وصوت عالي..عندك رقمها
الغفير..يرعش ويبكي..اااه عندي حتصل بيها دلوقتي
ايهم..خليها تجي بسرعه...وركب في سيارته رن ع عمه خالد
وحكلا الموضوع كله ...خالد صبى بصدمه ...شن تحكي انت يا ايهم.
ايهم تنهد..مش عارف يارا دنيا خشت في بعضها..المهم خبر الباقي.انت وخليهم يجوا
خالد..تو نكلمهم انت وين
ايهم..قاعد قدام مدرستها نستنا فالمديره
خالد ...خلاص تو نجيك..انا
ايهم.لٱ ماتجيش.كان صار شيئ تو نكلمك انت خليك مع امي مرات تصيرلها حاجه
خالد..تمام ...وسكر الخط ..ونزل ايهم للغفير
ششن صار
الغفير بخوف..جايه دلوقتي
ايهم قعدد ايهم يستنا والخوف مالي قلبه ...
لين جت المديره
المديره..نخشو جوا نفتهموا..
ايهم بعصبيه..خشي
...وخشو ..ايهم.وين عدت..وفيكني من كذب
المديره..لوسمحت احترم نفسك..انا كبر امك
جا شاب وقال فرح معايا وروحت بيها
ايهم فتح عيونه بصدمه..ككيف كيف عمها ..
اوصفيلي شكله تي كيف طلقتيها معاه
المديره.. ع اساس انه خوها طلقتها ..وهو ابيض..وقصير مش طويل واجد وفيه ضربه في حاحبه
ايهم قمعز بصدمه..كاين شاك في خوت جمان..بس مش هذا شكلهم وصفهم
ويحكي في سره ..بس هما منين بيعرفوا مكان مدرستها
معقوله..تكون هربت! لٱ مستحيل مش أخلاقها ولاعمري شفت عليها تصرف خطأ ...
كل داره خذا مفاتيح سيارته..وطلع وهو سكت!
أنت تقرأ
ضحايا شرف 🔥❤️
Ficción Generalرواية ما بين الواقع والخيال ❤️ للكاتبة المبدعة / هنـــو البــرغثــــي ❤️ القروب الاصلي للكاتبة :- https://www.facebook.com/groups/359109965062618/?ref=share
