ضحايـا_شـرف (بين الواقع والخيال)✨
الــــحـــــــلقــــــــه الـخامـسـه عشــر ✨
الگـاتبــه هٖنــــــوَ ۦَٰ ٱڵبــــــرغثــــــي ۦَٰ ✨
……………………………………………………………
لايك+ تعليق ❤️
خشت رغد للحوش بعد جابت نواقص لخطوبتها
وصبت قدام باب الدار وحطت يدها ع فمها ودموعها نزلوا بغزاره من قوة الصدمه اللي سمعتها من امها وجدتها ?!
خشت بعصبيه وتحكي ...كيف جاك ضمير ديري فيا هكي كيف
مبروكه صبت وقعدت ترعش وتلكلك..كنك بسم الله ع شن تحكي
رغد ببكاء..شن يعني تنكري..تبيني نكذب وذاني ونصدقك انتِ دمرتيني ..شن استفدتي بس
مبروكه قمعزت ع فراش..والله غصبن عني..درتها غصبن عني
رغد بصوت عالي..مافيش حاجه اسمها غصبن عني..وبحتت في جدتها اللي كانت ساكته..ومادرتش اي ردت فعل..تلقيك متفقه..مع امك..ودمرتني في جرت جهل اللي عيشات فيه
مبروكه تبكي..والله ماكنت بنديرها لك،،، حتى انا رحت ضحية طلاق وقلة تفاهم منها ..ماكنتش نبيك توصلي لمواصيلي ...بس وسكتت وقعدت تبكي
رغد نزلت لمستواها وقعدت تهز فيها من كتوفها ...بس شنو ها قولي شنو،،،والله ماني مسامحتك
مبروكه مسكت يدين رغد وتبكي...لٱ لٱ ماتقوليش هكي الله يربحك اسمعيني نا مينتك ..والله ماكنت بنديرها ولا موافقه عليها .. بس امي امي عطتني قلة سموح
رغد..بحتت في جدتها بنضرة كره..طول عمري ماقبلت تصرفتك ولا حبيتهن..نحس فيك مصدر جهل وتخلف..بس ماتوقعتش جهلك يوصل بيك دمريني ...انتِ عارفه شن عواقب شيئ هذا ..
وضحكت بهزوه..ونا نقول كني نتخيل..ونحلم ..طلع منك ..بس الحمدلله ربي يحبني وكشفك ع حقيقتك قبل عرسي
وصبت تجري وخشت لدراها وسكرتها بالمفتاح
نزلت ع ارض وحطت راسها بين راجليها ومن قوة بكاها لين تهز
عمرها ماتقوعت انه يكون سبب هذا
عمرها ماتقوعت جهل امها وجدتها يوصل للمواصيل هذينا
مافيش يوم جا في بالها انها تكون مصفحه ..اها مصفحه..تصفيح خرب بيوت..شكك في شرف بنت وعفتها يوم زفتها ..سبب طلاق.. اثر ع اجناب المراءه..سبب مشاكل نفسية لبنات واجد
تصفيح جن عاشق يحمي رحم بنت
وهذي عاده قديمه كانو يستخدموا فيها ليبين ..خوفآ ع بناتهم
يجيبوا البنت قبل البلوغ بحيث انه عمرها مايفتوش 10 سنوات
وفي نساء مختصات بشيئ هذا ..وله اكثر من طريقه معينه ..اشهرهن ..تجريح فخذ البنت سبع مرات..مع كلام وتمتيم التعاويذ الخاصه بتصفيح
ويخلوا البنت تاكل زبيب مخلط بدم فخذتها
وهكي الجن يسيطر ع رحم البنت
وفي اكثر من طريقه..مخصصه لشيئ هذا بس طريقه هذي اشهرهن ..
~~~~~~~~~~~~~~
ثاني يوم ..وصلوا ملاك ويوسف لمطار معيتيقه
ملاك...يانعليا واخيرآ جيت لطرابلس 😍
يوسف..تو ندهورك في كل مكان فيها
ملاك..اصلا مش حنخليك تريح..كل شوي بنطلع
يوسف..يبي يرد ع ملاك..زمط ريقه وفنص عيونه لما شاف سمر جايته تجري..وتحكي بصوت عالي يووسسسفف....?!
وقربت منا وبصوت عالي واضح عليه الفرحه..الحمدلله على سلامتك واخيرآ نورت طرابلس
وجا من وراها حازم وهو فاتح يديه..نورت طرابلس يابرو
يوسف تجاهل سمر..وقرب من حازم وحظنا وقعد يطبطب ع كتفه ..منوره بهلها ياطيري
حازم بعد يوسف..شني ماتبيش تعرفنا بالمدام
يوسف...نعرفك غير فكنا من سلام بس ..وحال الغايه عيونك لوطا
حازم ضحك..شني تغار مني
يوسف..اسكت وراسك لوطا..وقرب من ملاك ...ملاك هذا حازم صاحبي وكيف خويا
ملاك بحتت يوسف..وردت بحتت في حازم اللي كان راسه لوطا 😂
اهلين بيك تشرفت بمعرفتك
حازم..كيف يبرد.،،،تقص عليه سمر ..شني ماتبيش تتعرفي عليا
ملاك.رفعت حاجبها..نتعرفوا ليش لٱ
سمر مدت يدها ..اني سمر
ملاك مدت يدها وبصوت حاد..ملاك انا ملاك
حازم حك راسه بمفتاح سياره..وهو يضحك..لانا عارف تفكير سمر شنو ...
هيا يايوسف..والله الحاجة عارفتك تحب البازين داراته ع خاطرك
يوسف ...اووو بازين ..تي طايره ماشي..ورفع شناطي وبحت في ملاك هيا
ملاك لبسة نضرتها بعنطزه .....هيا
يوسف عض ع فمه وضحك..
وقرب من حازم شن جابها البلاء هذي معاك
حازم...اني بنعرف انت كيف تحملتها هادي..تي ياراجل سكانه هلبا
يوسف..انت عارفها تلصق واجد
حازم..من ناحية انها لصقه فيها لصقه وهلبا
يوسف..قولي توا كيف عرفت انه انا جيت
حازم..من اول مارجعت لبنغازي..وهيا لابده فيا..وفي كل مكان نلقاها
وعلى سيرة يوسف امتى بيرجع..ياحازم يوسف ماقلكش امتى بيرجع
وبيني وبينك فديت..ولما قولتلي بنجي اهنيا كانت معايا وسمعت امتى بترجع
واستقبالتك 😅
يوسف ...عارف انك ..$ ،،يارا درتلي مشكله
حازم..اي حسيتها حتى اني درتلك مشڱلھِ. غيرت المدام واضحه
يوسف..نعن جدام..امشي وخليني نعرف كيف نصرف
وكانوا يمشوا في ممر يطلع لباركي سيارات..وملاك وسمر اللي عيونها في نقال وتقرقر بروحها وراهم
صبا يوسف عند باب سيارته اللي جابها حازم وحطها في الباركي وفتحها..وركب
وكيف كانت ملاك بتفتح الباب سبقتها يد سمر..وفتحت الباب وبتركب
ملاك بعصبيه..معليش انت شن ديري هذا مكاني
سمر خبطت راسها بيدها..اييي نسيت تصدقي ..كُنت ديما نركب مع يوسف..وخذيت عليها العاده اهييا
ملاك..كنتي. يعني توا تنسي ركبتك معاه نهائي...وبعدتها بقوه وركبت وسكرت باب سياره بقوه
ومشت سمر تخبط بكعابها العالي وقريب تنفجر
ركبت مع حازم.اللي كان من كثر ضحك يخض ...
يوسف..بالك تحسابيه رزق بوك..بفلوس راهي
ملاك بعصبيه..انا حره اندير اللي نديره
يوسف..والله
ملاك..بصوت عالي..يوسف ماتحولش تستفزني اللي فيا يكفيني ايوووا
يوسف ولع سياره وطلع وهو يضحك..ع تصرفات ملاك
~~~~~~~~~
أنت تقرأ
ضحايا شرف 🔥❤️
Beletrieرواية ما بين الواقع والخيال ❤️ للكاتبة المبدعة / هنـــو البــرغثــــي ❤️ القروب الاصلي للكاتبة :- https://www.facebook.com/groups/359109965062618/?ref=share
