ضحايـا_شـرف (بين الواقع والخيال)✨
الــــحـــــــلقــــــــه الـحاديـه عشــر ✨
الگـاتبــه هٖنــــــوَ ۦَٰ ٱڵبــــــرغثــــــي ۦَٰ ✨
……………………………………………………………
لايك+ تعليق ❤️
فاليل خش ايهم ع دار جمان ولقاها بوضعيتها اللي مسيبها فيها
قرب منها وقعد يحرك فيها وهيا ماتبيش لين ركز في دم طالع من فما زمط ريقه وبخوف حط يده ع بطنها مافيش نفس
ورفع يديه وهيا ترعش وحطها ع رقبتها مافيش نبض
وبصوت عالي جمااااااان ...وناض يعيط وجه عرق دغري صبا خش لدار لقا جمان راقده ونور في سريرها
تنهد براحه بعد عرفه حلم...وخش لسرير جنب جمان وقعد يبحت فيها ويفكر في قصة دم وخوها احمد وشن يقصد بحركة لايك ..مهما حاول يصنع قدامها بخصوص احمد..الا انه هوا عارف مستحيل حد من عيلتها يتريح الا لما يأخذ ثأر منهم
وراقد ايهم وهو يفكر ويخمم كيف حتكمل حياته
وكانت هذي اول مرا من لما تزوجوا ايهم يرقد مع جمان في نفس الدار ونفس سرير
~~~~~~~~~~~~~~~~~~~
ركبت مروه تالفه من شغل حوش عربها ومن ناس اللي يمشوا ويجوا
زياد:يعطيك صحتك تعبتي ما؟
مروه وهيا تسكر في دولاب بعد طلعت دبشها:اها تعبت بكل..ومن بطني الكبيره نحس في روحي داهشه بكل وتعبانه
زياد:معناها خشي دوشي علي مادرتلك حاجه
تشربيها
مروه باهي ..وخشت للحمام بعد تأكدت انه ولدها راقد
ونصيب زياد يسمع حاجه طاحت بصوت عالي
خش للحمام لقا مروه طايحه وتبكي
زياد بخوف نزل لجيهة مروه..ويلمس في وجها بطريقة سهتيريه..كنك شن صارلك تحسي في شيئ
مروه تبكي وتألم مش قادره يازياد مش قادره ااااه
زياد بخوف:صبي صبي معايا نشيلك لمستشفى وطلعها ..لبسها دبشها ولف الوشاح عليها
مروه تبكي:العيل يازياد كيف نخلوه بروحه
زياد..يفتح في باب شقه ورد لمروه رفعها في غمره..تو نقول ل أمي تركبله..المهم انتِ ...ونزل بيها حطها في سياره وركب حتى هوا ونطلق بسرعه
مروه:ااااه وبحت في كراعيها لقت مياه نازله منها ....حي عليا يازياد مياة العيل نزلت
زياد:شنو تي كيف وانتِ في ثامن..وقوه سرعه سياره لين وصلوا وخششوها للعمليات دغري ...
زياد: يارب سلم يارب سلم...وتذكر ولده رن علي خوه شاب
خوه :ايوووا
زياد:وين قاعد انت؟
خوه:كيف وصلت للحوش عليش كنك؟
زياد:خلي أمي تركب تجيب منذر قاعد في شقه بروحه
خوه:عليش انت وين؟
زياد:يارا دير اللي قتلك عليه قاعده فالمستشفى
خوه بخوف:ياساتر كنك شن في؟
زياد مسح وجه بعصبيه:مروه بتجيب...المهم دير اللي قتلك عليه. ووصكر في وجه خوه بعد شاف دكتوره طالعه
زياد:طمنيني يادكتور شن صار
دكتوره:ع اساس كنت بنجيبها طبيعي ...بس في خطوره عليها وعلى جنين..فانبيك توقع ع ورقة العملية توا
زياد تنهد: تمام وين نوقعها؟
دكتوره: تعاال معايا ...نزلوا لرسبشن وقع زياد..وخشت دكتوره لعمليه
وقعد زياد يراجي..مرا يقمعز ومرا يصبي ...وكان خايف ع مروه واجد
~~~~~~~~~~~~~~~~~~~
كانت شقه هاديه ومافيش الا صوت تلفزيون في صاله يتفرج يوسف عليه ...
تافف بملل..وخش للمطبخ طلع بكرج وحط فيه مياه ساخنه وسكر وحطهن ع غاز ..وفتح دولاب وطلع كيس شاي أخضر ..وحطا فالبكرج لين فاج وعرفه طاب..صبا فالكبايه ..وطلع لصاله من جديد يفترج ..وخطر في باله شيئ حط كبايه ع طاوله وطفا تلفزيون من ريموت ..وخش لدار ملاك لقاها راقده ومش متغطيه
ضحك ع منضرها وكيف راقده وشعر مغطي وجها
نزل علي بكرعيه ع جيهة ملاك ويحاول في شعرها من وجها ويحكي بصوت هادي ..ملاكي
ملاك ماكنتش تسمع فيه ولا فطنتلا من الاساس
عاود يوسف كلمة من جديد بعد قرب من وذنها ويهمسلها لين حست بيه بس كانت كيف المبنجه
ههممم
يوسف:تحبيني ولا
ملاك برمت ع جنبها وجها قابل يوسف..نبي نرقد اسكت
يوسف ضحك:باهي قوليلي انتِ تكرهيني؟؟
ملاك فتحت عيونها بشوي وبان عليها شكل يوسف بس مغبش بصوت ناعس وخذت يد يوسف اللي كانت ع خدها وحطتها تحت رأسها ..هو في حد يكرهه روحه!
يوسف ابتسم بحب وطبس ع خدها وبأسها..نحبك
ماردتش ملاك عليه وكملت باقي نومها
قعد يوسف يبحت فيها ويرقب في نفسها الهادي وماعرفش كيف يحول يده من تحتها ..
ولقاها سبله عشان يقعد جنبها ..حط راسه ع سرير..وباقي جسمه ع وطا ورقد ❤️
~~~~~~~~~~~~~~~~~~
طلعت دكتوره وحولت مسك من ع وجها وجاها زياد يجري ..طمنيني يادكتوره شن صار مع مروه؟
دكتوره:الخوف كان ع الأم اكثر شيئ لانها محصله ضربه ع ضهرها..بس حمدلله.حالتها مستقره..بس بصراحه جنين
زياد زمط ريقه بخوف:كنه جنين
دكتوره:لانا جا فثامن.كان داهش وحطينا فالعنايه..حنكتبوله اباري عشان روياه ..وان شاء الله يقعد بخير
زياد تنهد:باهي...وتوا نقدر نشوف مروه
دكتوره:اها تقدر بس نطلوعها من عمليات ويغيرللها ممرضات وتشوفها
زياد:شكرآ يادكتوره بارك الله فيك
دكتوره:فيك بارك الله هذا واجبي..
ومشت
وقعد يستنا زياد في مروه لين طلعتله ممرضه وقلتله خش
دق زياد ع باب الغرفة مروه وخش لقا مروه وجها أحمر..وذابله
قرب منها وحب ع رأسها..مبروك
مروه ابتسمت:يبارك فيك
زياد قمعز ع كرسي مقابل مروه:تحسي بحاجه
مروه:اها ظهري من البنج نصفي والم في حزامي من لوطا
زياد:هذا من عمليه نكلملك الدكتوره
مروه:لا لا ماتكلم حد هذا الم عمليه عادي
زياد:انتِ شن صارلك
مروه:مش خشيت للحمام خلاص بعد كملت دوش وبنطلع من الحوض..حسيت بالم غريب بكل.. وشكله كانت في مياه طالعه زلقت..خلطت في بعضها..والباقي انت تعرفه بس توا قولي شن وضع البيبي
مسك زياد شعرها بحنية ويلعب بخصلاته .. ومابش يشغلها ويقوللها فالعناية الاطفال
كويس المستعجل وطلعوا لحضانه
مروه:متأكد مافي شيئ
زياد:اها عليش بندس عليك ..
مروه:باهي عمتي ركبت لمنذر فوق؟
زياد:اها رنيت ع عبدالله وقالي تو نزلوه لوطا
مروه تنهدت:باهي..انت مارنيتش ع امي
زياد:لٱ مارنيتش عليش تبيني نرن عليهم؟
مروه هزت راسها بمعنى لٱ:ماتكلم حد غير ينفجعوا ع فاضي..بكرا تو نكلمها
زياد:تمام ...شنو مش مفكره في اسم
مروه:المرا لاوله..انا سميت سمي انت المرا هذي
زياد:لٱ انتِ اللي حملتي وتعبتي.. اقل شيئ تسمي انتِ
مروه:كلا انت عليك تفكير..عادي حتى هما عيالك
زياد عقد حواجبه وبجديه:من قبل قلتها لك وتوا نقولها..انتِ اللي لك الاحقيه تسمي
مروه ابتسمت.:يانعليا انا من الواعر
زياد:مروه أهدي خيرلك ايووا
مروه حطت يدها ع فمها ...خلاص هديت بس منضرك سمح وانت تحكي ع فكره
زياد عض ع شفايفه من لوطا..اركحي يافرخه
مروه:تؤتؤ ياربي في حد يقول لمراته هكي
زياد:في اهو قدامك ولا مش عاحبك
مروه:لٱ عجبني ونحبه ونحب حركته وكلامه وكل شيئ فيه
زياد:لٱ انتِ اليوم مش ناويه تجيبها لبر
مروه ضحكت:نحبك
زياد:نموت فيك
~~~~~~~~~~~~~~~~~~~~
ناضت رغد كيف العاده من أحلامها الغريبه ..كانت دار مضلمه وهيا مقمعزه دموع في عيونها وتفكر
من اول مابدت تكبر وبلغت ..واحلام هذينا مافرقنهش ليله....كانت حتى من صلاتها تضايق...وتحس بنفور لما تسمع قرآن ..وشيئ هذا كان يضيق فيها ومخليها مش متريحه ..
ومش عارفه كيف تحله..صبت استغفرت وتعوذت من شيطان ..توضت وهيا تكابر ولبست الملايه وكبرت وبدت تصلي لعلى وعسى تريح
سلمت ورفعت يدها تدعي لربها يريحها من الهم هذا
اللي مش قادره ولا قعد عندها قدره انها تحمله
سلحت ملايه وقمعزت ع سريرها وهيا تقلب ونوم طاير من عيونها..خذت فونها وفتحت ع فيس
وركزت ع فونها من فوق لقت علامة ماسنجر خشت عليه ولقتا طلب مراسله ونصدمت لما لقتا من فارس
كان دزلها ثلاث رسائل
*سلام كيف الحال*
*رغد انا فارس *
*لو شفتي رسالتي ياريت تردي عليا نبيك في موضوع ضروري*
حست رغد من طريقة كلام فارس انه في موضوع
وكانت بتخش عليه بس تذكرت ساعه والوقت المتأخر تنهدت.تو نخش عليه بكرا..ويعطيه ربي كان طالع الموضوع تافه حيأكل تهزيبه ع وجه
وقعدت ع نت لين رقدت ...والفون في يدها
~~~~~~~~~~~~~~~~~~~~~~~
ناضت جمان بعد حست اشاعة شمس في عيونها ولقت روحها في حضن ايهم!
خذت وقت ع ماستوعبت الفكره ومكانها ومنضرها ...حاولت تصبي بس ايدين ايهم كانن محصراتها ...وماعرفتش تفك روحها..
وقعدت تأمل في ملامح وجه الهاديه ..هذي اول مرا تركز في وجه ..في لحيته الخفيفه في رسمت حواجبه ..
وغمضت عيونها دغري ..بعد عرفتا بيفتح عيونه
بعد جمان من عليه وسقم قعدته وحط راسه ع ساس ..وبحت في الكموديني..لقا دخان ولولعه خذهن وولع دخان وقعد يدخن
فتحت عيونها..ااحم صباح الخير
ايهم بضيق: صباح نور
جمان:معقوله تفطر ع دخان مش كويس
ايهم:عادي انا هكي متريح
جمان استغربت:كنك في شيئ مضايقك
ايهم:لٱ عادي مافي شيئ..وبحت فيها في فمك كلام احكي
جمان حطت شعرها ورأ وذنها وشبكت صوابعها في بعضهن..:هوا بصراحه انت شن اللي جابك هنا
ايهم:القعده ع كنبه..وجعت ضهري..وصبا من سرير..ومسك خشم جمان بصوابعه الاثنين وغمزلها..ومن حقي نجي ولا
جمان ارتبكت.:احم ااه لٱ حقك تجي
ايهم ضحك:خلاص. وتي روحك عشان نمشوا للعياده نعاينك
جمان:تمام وصبت حتى هيا ..خشت للمطبخ حطت براد شاهي ع نار
وخشت للحمام بعد طلع منا ايهم ودوشت ع سريع ولبست ولقت ايهم مطفي عليه ويصلي
خشت لدارها غسلت ل نور ولبستها ...وحطتها في القعاد ..وطلعت بيها ..لقت ايهم يفطر
جمان:نشيلوها معانا ولا نخلوها مع عميمه
ايهم:لٱ نشيولها معانا
جمان:باهي
وفطرت حتى هيا ونزلوا..وكانت طول طريق تفكر فالصدمه اللي حتحصلها من دكتور..وشن هوا مرضها
قطع تفكيرها ايهم اللي مسك يدها زين وابتسملها
~~~~~~~~~~~~~~~~~~~~~~~
صبت ع مرايه وهيا تسقم في مكياجها و تبرم وتشوف في روحها
ملاك عطت بوسه للمرايه...يانعليا نهبل
يوسف وهوا متكي ع باب وحط يديه ع بعضهن:مش تهبلي بس وقرب منها ..تجنني
ملاك.:عارفه روحي..وبعدين ماتحكيش معايا ساد رقدتك اللي في جنبي وبرمت للمرايه من جديد تلبس في خاتمها
قرب يوسف منها ولف يديه ع خصرها وحط راسه في قربتها ويحكي بهمس.:ملاكي
ملاك زمطت ريقها وحطت يدها ع يدن يوسف وبتبعدهن..:شد يوسف فيها زين وكمل كلامه
نحبك وعمري ماتخيلت حياتي بالك..عطيني فرصه حنعوضك ع كل شيئ..
ملاك نزلت دمعه من عينها: وكيف بتعوضني
يوسف:حبنا حيعوضك ..وحينسيك كل شيئ
ملاك:بس انت كسرتني ..وصعب نرد كيف قبل
يوسف لفها لوجه ومسك وجها بيديها:مافيش شيئ صعب بدنا قلوبنا مازالنا يحبن ..وقرب وباسها
ملاك والوجه احمر..بعدته وخذت عبايتها وشاحها وطلعت
ولحقها يوسف والبسمه ع وجه
وركبوا سياره ونطلقوا وهما في حالة صمت
لين وصلوا
طبعا بعد تكا يوسف وخذا معاه صندوق عصير..وباسطي..وسقيطة لحم
ملاك فتحت باب سياره ولتفتت ع يوسف:بتنزل؟
يوسف:اها ومنها نسلم ع هلك
ملاك:باهي..ونزلوا هما الاثنين..دقو الباب وفتحتلهم فريده ولبسه عبايتها و بتطلع
ملاك حضنت امها وسلمت عليها ..وسلم عليها يوسف بعد نزل حاجات من سياره
ملاك:وين ماشيه ؟
فريده:مروه اختك جابت ومشيلتها
ملاك حطت يدها ع فمها وملامح الفرحه ع وجها..امتى وكيف مش مازال شهرها
فريده:علمي علمك..انا توا كيف خبرني زياد..خشوا جوا
وخششتهم وخشت معاهم
ملاك:باهي خلاص ياماما عدي وانا تو نلحقك فالعشيه
فريده:لين ييجي حمادي لما دقيتوا ..نحسابه هوا
ملاك:اها
فريده:كيف حالك يايوسف
يوسف:الحمدلله كيف حالك انتِ
فريده:بخير ..ان شاء الله غير ملاك مش متعبتك بس
يوسف:ملاك تعب اجبال ماتبيش تعبني
ملاك رفعت حاحبها:صار هكي
فريده:لٱ معاك حق ربي يعينك
يوسف: متعبه ياعمتي
ملاك:مافيكش جو را يعني حناطه مش راكبه عليك
فريده:هي يابنت انطمري كيف تحكي مع راجلك هكي
ملاك:شفتي ياماما كيف يحكي يعني هوا اللي بدا
وصبت تنفتر وخشت لدارهن
فريده:معليش ملاك تصرفتها وتفكيرها مازال طفولي
يوسف ضحك:لٱ عارفها غير نحرق في دمها وصبا ..باهي ياعمتي ماتبي شيئ
فريده:اقعد اشرب قهوه
يوسف:المرا جايه..مع سلامه
فريده:في امان الله ..وخشت جوا للبنات لقتهن يهدرزن
وقعدت معاهن شويا ..وجاها حمادي وطلعت
سلسبيل:مش مصدقه بصراحه معقوله يوسف هوا راجلك
ملاك:خرفي طرشه انتِ ولاشنو
سلسبيل:ماهو مش قادره نستوعب بصراحه
ملاك:لٱ استوعبي..وهيا نوضي
سلسبيل.:اوووف وين
ملاك:يابايره اختك مرات تطلع عندنا خلينا نبرموا ع حوش
سلسبيل:أطمني مش حتطلع عندنا ..ماما هيا حتمشيلها وتقعد معاها وتوا خليني نصبي نطفر
~~~~~~~~~~~~~~~~~
ركب ايهم سياره..
جمان:شن صار معاك؟
ايهم:خذيت موعد..قلولي فالعشيه
جمان:معناها خلينا نروحوا للحوش وبعدها نردو
ايهم:علق المرششه ع D وطلع..لٱ وين نروحوا..خلينا ندهورو
جمان:براحتك
ايهم:شن رايك نمشوا للكورنيش
جمان:الله ياريت
ايهم:خلاص تو نمشوا ومنها نتكوا ع باله
جمان:تمام
وصلوا للكورنيش ولانا صبح ماكانش فيه ناس واجد
جمان:نقعدو الوقت هذا كله لعند لغداء واجد
ايهم:بحت في ساعة ...لقاها 11 ونص
عادي ماورانا شيئ
وقعد يبحت فالبحر وطلع دخان وقعد يدخن
جمان:انا اسفه
ايهم بحت فيها باستغراب:عليش تأسفي ؟
جمان:خليتك تحمل غلطه مش غلطتك ..وتحملت مسؤوليه..ومعرضه حياتك للخطر
ايهم:جماان
جمان بحت في ايهم بخوف لانا نبرة صوته اول مرا ينأديها بيها ..نن نعم
ايهم:عارفه لو نسمع كلامك هذا مرا اخرى شن ندريلك وسكت بعد بحت فيها
جمان:اوووي كنك
ايهم: عيونك
جمان:نعم كنهن عيوني
ايهم تنحنج..لٱ شيئ..غير معاش تعودي كلام هذا ..انتِ مراتي ونور بنتي وانتهاء الموضوع
جمان:عمري كله ماحنعرف كيف نرد جميلك
ايهم:جمان اسكتي ..شكلك تبي طريحه
جمان ضحكت خلاص سكتت
~~~~~~~~~~~~~~~~~~~~~
عند رغد طلعت من الجامعه وهيا مستوها وتفكر في كلام فارس ركبت سيارتها وروحت للحوش حتى باقي محضاراتها سيبتهن
~~~~~~~~~~~~~~~~~~~~~
فالعشية
نزلت ملاك ويوسف وسلسبيل اللي بتجدي بيش طلعت
خشت ملاك وفي يدها باقة ورد ..وتحكي مع سلسبيل ويوسف وراهن
كانت جمان طالعه من عند دكتور وتبكي وايهم يهدي فيها
ويمشوا فالممر لين ...
ملاك نزلن دموعها ويديها يرعشن قربت من جمان وتلكلك
يتبع 💗
أنت تقرأ
ضحايا شرف 🔥❤️
General Fictionرواية ما بين الواقع والخيال ❤️ للكاتبة المبدعة / هنـــو البــرغثــــي ❤️ القروب الاصلي للكاتبة :- https://www.facebook.com/groups/359109965062618/?ref=share
