اللهم صلِّ على محمد وآل محمد
حوار بسيط بيني وبين واحد النساء المتزوجات السلبيات والتي اسمها أيمان
مريم : كلش جميل الأنسان يعيش حياته وكل المشاكل يلكالها حّل وعندا توجيه صحيح للأبناء، وجميل كلش أنك تكون شخص محبوب حتى الي من حولك يحبك، وكلش جميل من تشتغل المرأة بدائرة معينه وهي مرتدية عبائة زينب ( ع) بكل قيمها،
والاروع من ذلك البنات وهما بعمر 8او 9سنوات وتلكيهم عدهم معلومات عن وجود الخالق والكون واهل البيت وحافظين اجزاء من القرءان والسبب بهذا التوجيه الصحيح هو وجود أمهات قويات عازمات يكدرن يوصلن اولادهم وبناتهم للطريق الصحيح، اعرف الكثير من الأشخاص مايضيعون ولاثانية ويا ابناءهم بس علمود يكونون واعين وذات عقيدة صلبة راسخه ماتهزهم الريح ....
إيمان: اكلج مريم كافي تفلسف عقلي دايخ وادري بالكلام الي حجيتي عودك ترديني اوجهه اطفالي توجيه صحيح هو انا مالي خلك زوجي بعدين تردين الي خلك للأطفالي، عمي سكتي لابيه حيل احجي ولاشيء خليهم مجابلين الموبايلات وعودك من يكبرون اكللهم يصلون...
مريم: اسئلج بلله سؤال ليش تزوجتي؟
ايمان: لأن كاعدة بالبيت ولاشغل ولامشغلة وين اروح؟
مريم: شنو وين ترحين كعدي بيت اهلج، انتي مو كد مسؤلية زوج واطفال ولازم اي بنت قبل لاتزوج يكون عدها توجيه صحيح كيف يتعاملون مع الزوج والأطفال... واكبر غلط واكبر جريمة بحق طفلج تنطينه الموبايل ولو 5دقائق باليوم.....
إيمان: اكلج مريم رحمات للجدج ماتسكتين لان مالي خلكج.
مريم: لاأنتي مو مالج خلكي انتي ماتحبين تسمعين الكلام الحق، البنية أو الولد من يكون بسن المراهقه راح تكون تربيتهم صعبه فلازم من همه واطفال تحتوينهم وتكونين أنتي كلشي بحياتهم، لازم كل يوم تكهعدين وياهم وتسلين وتضحكين خليهم يثقون بيج حتى كل شيء يصير بحياتهم من مشاكل من اخطأ يسونها يجون يحجونها الج.
إيمان: ياربي منين اجيتيلي أنتي بلوة، هو انتي شايفه من يكعدون يصرخون ويصيحون شيسكتهم، دواهم بس الراچدي 😂
مريم: لعد أحب اكلج عزيزتي أيمان بهذا فعلج الشنيع راح تضيعين أطفالج وتوديهم للتهلكه! الطفل اذا ضربتي وغضبتي بوجهه راح يحمل بكلبه انواع الحقد وراح يكرهه نفسه، وبالاضافه الى هذا كله ماراح يخاف لامنج ولامن الأكبر منج وراح يزيد يسوي الاخطاء علمود تصيحين بوجهه وهو بالمقابل يعجبه امه تكتله لان جسمه تقبل للكتل..
إيمان: خيه الله يخليج شسويلهم عندي بنت و ولد واثنينهم اغبياء حشاج، يعني الحمار تضربينه ضربه وضربتين يمشي عدل اما جهالي لو تفلشين الصونده مايمشون.
مريم: وليش اولادج حيوانات وماادري!!!
ترى احنا بشر واولادج بشر عدهم عقل يفتهمون بيه كلشي يصير حواليهم، وبعدين انتي تزصفين اولادج بالحمار؟ليش!!! هسه انتي وهذا عمرج وهذا كبرج وشخص كلالج انتي حماره تقبلينها؟؟طبعا لا ومنو يقبل يشبهونه بهذا الحيوان..
ايمان: ماعندي كلام احجي.
مريم: ايمان عزيزتي اتمنى تعوفين تكبرج ويا نفسج وتسمعين، الله سبحان وتعالى انطانه عقل،خله عدنا احساس ومشاعر وعاطفه، الطفل اليوم اذا ماحصل عاطفه من امه احتمال 90%ينحرف عن الطريق الصحيح ويتوجهه للشيء مايقبله الله بس يشبع عاطفته، وهذا الشبب كله لان احنا نتزوج ومانعرف شلون تعاملنه مع الزوج شلون تعاملنه مع الطفل شنو نسوي للأجل اسرة صحيحه مهدويه قويه، احنا كلنه نحتاج حنان من والدينه نحتاج حب منهم نحتاج انهم يوعونه حتى نفتهم الحياة
إيمان : شهل الضربة القوية الي أجت على راسي.
مريم: ايمان احجيها ألج جديات الشيطان يكدر علينا بس بشغلة وحدى وهي بالغضب فأنتي حاولي من اليوم تركين الغضب وعاملي اولادج باابتسامه واذا سوى شيء خطأ كليلهم: مولانه صاحب الزمان'عج' مايقبل بشيء مثل هذا وهسه هو يضوج فخل نحاول ان نترك هذا الشيء الخطأ حتى مولتنه مايزعل من عدنا.
🍂ابنج اوبنتج لاتصيرين وياهم الأم القاسيه والظالمه صاحبة الطاقة السلبية، كوني صديقة الهم حتى يوثقون بيج وكلشي يحجولج وتكدرين تسيطرين عليهم من يكونون بسن المراهقه، و من يجون يسولفولج شيء مسوينه غلط مثلا كلج ماما انا قبل فترة سويت شيء مو زين!
مو تكليلها: شسووويت لييش هيج 🤬🤬🤬ووو لالالا غلط غلط من تغضبين بوجه راح يفقد الثقة بيج وبعد مايحجيلج شيء❌..
كعدي وياه وتفاهمي وكليله: هسه انته معترف بغلطك ولازم نكعد نستغفر لله فافرشلك مصلاية واطلب من الله يسامحك والله سبحانه وتعالى بسرعه يسامحك لان يحبنه كل احنا. واوعد الله انك ماتعيدها...(وسولفيله عن اضرار الشيء الي عمله حتى مايعيدها واخذي على كد عقله )
ايمان: اخخ وديت أطفالي بالتهلكه😞....
في امان الله❤
