اللهم صلِّ على محمد وآل محمد وعجل فرجهم والعن عدوهم
____________________________
راح يتقسم البارت الى 4 اقسام:
1_المقدمه
2_التفرقه بين الولد والبنت
3_كيف ألتعامل مع طفلي
4_اللعب
…..........المقدمة...............
احاديث أهل البيت عليهم السلام فصلوا تربية الأولاد الى 3مراحل_ حسب سنين عمره_:
1- السنون السبع الأولى (1 - 7).
2- السنون السبع الثانية (7 - 14).
3- السنون السبع الثالثة (14 - 21).
وقد نسج الاِمام الصادق عليه السلام على هذا المنوال فقال : «دع ابنك يلعب سبع سنين ، ويؤدب سبع سنين ، والزمه نفسك سبع سنين ، فإن أفلح ، وإلاّ فإنَّه لا خير فيه» ①
........................
عزيزاتي الأمهات والاخوات المقبلات على الزواج.
تعرفون شنو اهم شيء للطفل؟
هو تربيته وتعليمه ، لذا نجد الاِمام علياً عليه السلام يؤكد على الآباء بقوله : «مروا أولادكم بطلب العلم»②
وأن التعليم منذ الصغر هو كالنقش على الحجر، فلازم أن نستغل فترة الطفولة من حياته افضل استغلال.
لازم انكم تعلموهم الصلاة منذ الطفولة مو علما يبلغون السن التكليفي، اشترولهم فد مصلاية وتربة وسبحه وخلوهم يصلون بصفكم ومن يصير أذان صيحوا واوا الله سبحانه وتعالى ينادينه نلتقي بيه، يله بسرعه نتوضى ونلتقي وياه يلهه
والصيام تخلوهم تصومون فالطفل بالبداية يتعب فحتى لو فطر لل10او 11ميخالف كلوله انته انجزت شيء عظيم 😘
والموبايل الموبايل الموبايل لاتنطينه لابنج ابد ابد ابد حتى لو 5دقائق لاتنطينه لان يخلي بسجن ويصير عندا شعور الوحدى فلاتنطينه الموبايل رحمات للأهلج اكبر خطأ من تنطين الموبايل للطفلج اكو بهذا البارت بعض الالعاب الي تمارسيها ويه طفلج اقريها وسويها وياه، وانتي هماتين ابدي قللي استخدام الموبايل لان ماينفع المراسلات الزايدة.
واذا كالج ماما اريد موبايل لان اولاد فلان عدهم موبايل،كليلهم ماما اولاد فلان روح كلهم فد سؤال معين مايعرفون يجاوبونه لان عقلهم صغير من الموبايل بس أنت اي سؤال يكولونا ألك تعرف تجاوب لأنك ماتستخدم الموبايل. وبعدين الموبايل يأثر على عيونك ومايخليك تكعد يمي وانا ماستحمل اشوفك مو يمي 😞
.......…التفرقة بين الولد والبنت...........
هاي الظاهرة منتشرة بهواي هواي من البيوت وهمه يعاملون الولد كملاك نازل من السماء والبنت يعملوها مثل الشخص المنبوذ لازم مايعيش، الأبو الي عدنا اكثر من بنية اهووو وين مايمشي يأفف ويكفر والعياذ بلله
سبب دمار البنت هو التفرقة
سبب الحقد للبنت هو التفرقة
سبب الكراهية هو التفرقة
سبب العدوان هو التفرقة
سبب الأنانية هو التفرقة
