اللهم صلِّ على محمد وآل محمد وعجل فرجهم والعن عدوهم
🌿فالعباءة الواثقة مثل العمامة الصادقة كلاهما يمهدان لدولة المحبوب (عجّل الله فرجه)".
🌿انا ثمينه مثل الجوهرة، ثمينه مثل الماء فلازم اكون محجبه
🍃مريم أنا مقبله على الجامعه وكلها تكول العبائة الزينبية تعيق؟؟اريد نصيحه!
⬅️عزيزتي العباية أبد ماتعيق ولاتقيد بالمشي، بس للأسف احنا عقولنا الي تعيق ونخلي الستر والعفه محط للأعاقه وهو عكس ذلك..
انتي تدرين ان السيدة زينب عليها السلام وبنات الرسالة ضلن متمسكات بالعبائة على الرغم كل الي حصل الهن من سبي وقتل وحرق الخيام وغيرها من المصائب فهذ مثال يااختي على ان العباية ماتعيق
وتكدرين تبحثين عن قصص الفتيات مع العبائه
🍃الطلاب بالجامعه كلها تضحك علي لأني البس العباية ؟
⬅️عزيزتي رضا الله عز وجل اهم من رضا الطلاب واستهزاءهم، وكوني على علم من يستهزء بيج يتمنى قوتج وجرأتج برتدائج العبائة لأن العبائة مثل الجهاد، والعباية بيها هيبه وقداسة مما يخليها توفيق إلهياً، وأنتي من راح ترتدينها لازم تكونين نموذج زينبي فاطمي، لأنج ترتدين ارث فاطم
🍃شنو فائده الحجاب وليش الرجال ماتلبس الحجاب؟
⬅️اكو فد سبب بارتداء النساء الحجاب لأن رغبات الرجال تختلف عن رغبات النساء، شهوات الرجال تختلف عن شهوات النساء، يقول السيد هادي المدرسي (شهوة الرجال مثل شهوة الثور وشهوة المرأه مثل شهوة الأنسان، المرأه لازم تكتسب في قلبها وتستجيب للرجل،الرجال مايحتاج استجابة قلبية، اغتصاب عندا يعني اصلاً ميحبها ايخلص شغل ويقتلها لان ذات شهوة كشهوة الثور أجلكم الله، المرأه هي التي تثير شهوة الرجل،الرجل ميثير المرأه )
قصتي🥺…
💙انا واحدة من البنات الي ماجنت ألبس عباية لأن ماعرف قيمته واحسها تضايقني من أطلع وتعيق كلشي أسوي! فلهذا جنت أستبدل بدل العبائة بالملابس العريضه. فعلما كبرت شوي وضليت اقراه كتب هنا ارتديت العبائة الي اسمها ام الكبوس، المهم وجنت اكول هاي العباية تريحني اكثر بالمشي
للحد مااجه ذاك اليوم الي اندعينه للمؤسسه شيخ عبد الرضا معاش فكلت دام انا رايحه للكربلاء فخل البس عباية الرأس مالت أختي لأن فشله🤦🏻♀️فلمن رحنا وصعدنا بالسيارة حتى ننطلق من البصرة للكربلاء، صارت عندي صدمه البنات الي جايات كلها لابسة العبائة الزينبية وتحسيهم لابسيها بكل قيمها الزينبية وجوهم نورانية بالاضافه للحجاب الي لابسنه، وانا لابسه شال وموصله البوز الشال للقمه هلكرد🥺😩 هنا استحيت من نفسي استحيت من أمي فاطم (ع) كلت بنفسي انا شنو سويت؟ شنو يختلفن عني هذن البنات؟ شنو الناقصني؟ ضليت متندمه على الايام الي راحت وانا بلا عبائة ضليت متندمه وانا بفكري الجاهلي، وجان اول شيء كلته للنفسي اعاهد صاحب العصر والزمان عج ان ماتخلي عن عبائة أمه فاطمه الزهراء (عليها السلام) ....
واحمد الله واشكره ان هداني على العباية وارتدائها والتحلي بصفاتها..
يقول الإمام روح الله الخميني الموسوي (قدّس سرّه) :والله لو علمت النساء كيف ينظر الرجال لهن .. لغطين أنفسهنّ بدرعٍ من حديد.
