اللهم صلِّ على محمد وآل محمد
........................اسئلة وأجوبة........................
س/شنو العمر المناسب لحفظ الطفل حديث او سوره ؟
ج/شوفي عزيزتي الطفل يتربى داخل رحم والدتهُ فمن هذا العمر التي هي 9اشهر البدأ بتكرار الاحاديث والسور وأستشعري بأن طفلك يسمع وبعد ال9الأشهر لاتجعليه ينام على أغنية او اي شيء بل رددي لهُ سورة معينه وبالتكرار على طول ال5سنوات سيكون الطفل حافظ الى بعض السور التي ترددينها ان شاء الله.
وايضا هذه الفتره وهو في داخل رحمك ابتعدي عن الموبايل،لان اختي اخذت الفتره حملها اكثريتها ع الموبايل وانصدمنه من طفلها عمره شهرين واشغله يوتيوب يسكت اضم الموبايل يبجي 😟😟ادري صعبه واحد يصدكها بس ماعهدتوني اكذب
س /شنو اول شيء ابدي أعلمه؟
ج/ الجواب بوصايا الامام علي (ع) الى أبنه الحسن (ع) «.. أبتدأتك بتعليم كتاب الله عزّ وجلّ وتأويله ، وشرائع الاِسلام وأحكامه ، وحلاله وحرامه ، لا أجاوز ذلك بك إلى غيره»③
لازم ان من البداية نبدي نحفظهم كتاب الله العزيز بس مانجبرهم على الحفظ فوق طاقتهم لا، همه بعدهم أطفال نراعي طاقاتهم بالحفظ بس مو معناته تكولين والله أبني مايحفظ وتهملينه😐.
🍂 وتعليمه على شرائع الله وعن الحلال والحرام وخاصاً باللعب يتعلم مثلا تعليمنه حرام الغش والخ
🍂بالأضافة نبدي نتكلمله عن الله سبحانه وتعالى ونحجيله رحمه الله وعن الجنه ونسولفله شنو الصفات الي نسويهن حتى الله دخلنه للجنه مو نلطش للطفل، حررام الله يذبك بالنار، من تموت الله يعذبك... تخلون الطفل يخاف من نار الله، لا ابدولهم كلولكم الي يحب امه وابوه واخته الله يحبه ويدخله للجنه والي يصلي، الامام صاحب الزمان الي هو أبونا يضل يحبه ويكول أبني (فلان) صله لله سبحانه وتعالى..... ومن هذا الكلام الأيجابي
س/أنا بنتي عمرها 12سنه بس ماتسولفلي عن حياتها ولاعن اشياء تخصها شنو السبب؟
ج/بسبب التربية الخطأ منذ الطفولة، من جانت بسن الطفولة وهي على فطرتها ماتعرف الخطأ من الصح فمن تجي وتكلج ماما انا فعلت فلان شيء راح تبدين تصرخين بوجهه وتغضبين وتنهالين عليها بالضرب وهذا السبب خلاها من تذكر طفولتها ماتسولفلج اي شيء خوفاً من الضرب والغضب
س/ماذكرتيه بالجواب السابق صحيح فكيف أعيد العلاقة من جديد مع أبنتي؟
ج/ راح تواجيهن صعوبة كلش وقد تستمر اسابيع أو اشهر ولكن أفضل من لاشيء
اتبعي النصائح:
(1)كلما تشوفينها أبتسمي ابتسامه حلوة بوجهه فالابتسامه الها دور كلش كبير بتعزيز الثقه بين الأم وطفلتها
