ازيكم قرائى اﻻعزاء
انا اول مره اكتب النوت فى بدايه البارت و ده للناس اللى بتكسل تقراه فى اخره و ده معناه انى عوزاكم تقروه لانه مهم
لقيت تعليقات كتير ان الفصل صغير مش زى ما وعدتكم انه هيكون كبير و كنت داخله ارد و اقولكم ازاى بارت معدى ال5 الاف كلمه يبقا صغير
بس لما دخلت عليه لقيته 4 اﻻف كلمه و للعلم البارت ال4 الاف كلمه ده بارت كبير عند معظم الكتاب بس انا عودتكم ان البارت يكون كبير و دسم
المهم اضطريت اراجع البارت لقيت فى جزء متنشرش معرفش ليه ؟ و المشكله انه كان فى النص يعنى احداثه فى نص البارت مش فى اخره
طبعا كده مضطره انزله بس هغير فيه شويه حاجات عشان التسلسل بتاع اﻻحداث يمشى صح لان الجزء ده كان خاص بتصرفات هايدى بعد اما عرفت بالخطوبه و لقيت الاحداث دخلت على طول على جوازهم و فعلا مش عارفه المشكله دى حصلت كده ازاى فعدلت شويه بحيث يبقا فى تناسق
و مع انى كان المفروض البارت ده خلاص هنرجع للحاضر و لسيف و دارين من غير احداث من الماضى بس بقيت مضطره انزل له تكمله و برده البارت الاساسى اللى هو ٣٦ هينزل فى ميعاده
بس كده خلصت كلامى و متنسوش ان اﻻهتمام مبيطلبش
قراءه ممتعه
~~~~~~~~~~~~~~~~~~~~~~~~~~~~~~
تحفزت بجلستها امامها و زغرتها بعيون جاحظه مردده بحده
_ انتى بقالك سنه و نص عماله بس تسحبى منى فى فلوس و مشوفتش اى نتيجه
اجابتها العرافه
_ انا بعمل اللى عليا و اظن انتى شوفتى بنفسك ايه اللى حصل لها فى الحمل و الولاده !!
ضحكت بحنق و قوست فمها بضيق هاتفه بغل
_ و انا استفدت ايه انها تعبت شويه فى الولاده ؟ النهايه واحده انها اتجوزت سيف و حملت منه و دلوقتى كمان خلفت و عايشين مبسوطين مع بعض
لتنتفض صارخه بحده
_ دى عمتى مكلمانى عشان احضر السبوع !! شوفتى قهره اكبر من كده ؟
امالت رأسها تواسها هاتفه
_ معلش .... انتى اتأخرتى فى اﻻول على ما عرفتى تجيبى قطرها و دى النتيجه بس برده العمل هيشتغل فى النهايه و هيتطلقو
انتحبت بتذمر و حزن
_ امتى بس ؟ امتى ؟ لما تخلف منه عشر عيال ؟؟
هدئتها هاتفه باستعراض
_ اصبرى بس و هتلاقى احلى شغل بس انتى راضى اﻻسياد
زمت شفتيها غاضبه و هى تمسك حقيبتها النسائيه تخرج منها حفنه من الاموال تعطيا لها و رددت بتذمر
_ ما اخدناش حاجه من اﻻسياد بتوعك دول يا ختى غير سحب فلوس و بس
دفعت النقود بقوه داخل راحتها و رددت بضيق
_ خدى ... بس دى اخر مره هديكى فيها فلوس و لو متطلقوش خلال شهر بالكتير تنسينى خالص ، فاهمه ؟
