Ang Bagito Sa Hagdan!

Bagito tuu :3

It was a clear sunny day,at nandito ako sa may terrace namin nag sa-sun bathing. Actually,apartment ang inuupahan namin dito sa Pasig,nasa pinakataas ang amin at halos dito na ako nagdalaga.

Nag iisip ako kung ano ba ang magandang ganti kay Isle for making fun of me. Walangyang yon! Dahil sa kanya,bunot na din ang tawag sa akin ng iba naming kaklaseng lalaki. Bwisit lang talaga.

Sa totoo lang,natatakot din naman akong ikalat ang video niya,tae! Imbis na ako ang mang black mail sa kanya,ako ang nagmumukhang lugi!

At ang isa pang nakakainis,nasaksihan naming lahat kung gaano talaga siya katalino,kaya parang para sa akin hindi ko siya kayang sirain,pero kaya ko siguro siyang takutin at asarin.

May ganon talaga siguro no? May mga taong gwapo pero hindi malibog,may mga pangit pero malibog. Si Isle,gwapo na matalino pa,pero may tinatago pa lang libog.

Ang dami na nga may crush sa kanya ate charo,paano ba naman,para talaga siyang koreanong drama actor,package deal na kumbaga. At ahem,idagdag pa natin na may maipagmamalaki siyang kinabukasan na paniguradong paglalawayan ng mga babae,beki at kapwa lalaki.

Teka?! Bakit ko ba pinupuri ang bagitong 'yon? Kaaway ko siya,kaya I have to think of a plan na maiisahan ko siya at hindi siya makakabawi.

Medyo nakaka konsensya lang pag pinaparinig niya na dahil sa akin kaya siya na-late sa enrollment at napunta sa section namin.

Kasalanan ko bang makita siyang nagmamariang palad sa hagdan? At hagdan pa talaga? Bumabagito lang? Ayan tuloy,siya na ang Bagito sa hagdan.

"Fluiie,tapos ka na ba magsampay?" ang tawag ni Mama sa akin.

"Yes mother dear!" sagot ko naman. Kainis,nalaman niyo tuloy na hindi talaga ako nag sa-sun bathing! Basag trip si ina eh!

"Pagkatapos mo dyan,pumunta ka ng Kapasigan,bilhan mo ako ng mga bagong cutics sa Hortaleza." sabi ni Mama ng pumasok na ako sa bahay.

Kapasigan? Oh my gust! Dun nakatira si fafa Chance! Kailangan ko siyang hunting-in!

"Sure! Wait lang. Magbihis lang ako!" agad na akong pumasok sa kwarto at nagbihis.

Dapat presentable ako kung maghaharap kami ni Chance,balita ko naka uwi na siya galing sa ibang bansa. Hindi ko makalimutan yung araw na pinagtripan ko sila,ang gwapo gwapo niya talaga! Ang swerte ni ateng Kiji sa kanya!

And by the power of Silver Imperium Crystal,nakarating na ako sa Kapasigan. Diretso agad sa Hortaleza at binili ang mga pinapabili ni Mama na mga cutics. At pagkatapos ay nagpunta na ako sa Fashion Circle,malapit lang daw dito ang bahay ni fafa Chance.

May napansin lang ako,kung makatingin ang mga tao para silang nagugulat. Hello? Sa ganda kong 'to magugulat sila? Ang ganda ng eyeglasses ko at ng buhok kong walang sinabi ang buhok ni Bambam ng GOT7,tas titingin sila ng ganyan?

Hindi ba nila alam? Beauty is in the inside.

"So bakit ka pa lumalabas? Dapat nasa loob ka lang palagi ng bahay niyo."

HUH? San galing iyon?

Teka,parang familiar ang boses ah? Parang boses ni--

"Dito,sa likod mo." at tiningnan ko nga ang aking likuran.

"Isle?! Anong ginagawa mo dito?!" sabi kong ganyan at sinipat sya mula ulo hanggang sa ulo banda dun.

Infairness,bukol na bukol. Bakit kasi fitted short ang suot niya? Naka sapatos,naka cap,at ang damit yung usong polo shirt ngayon na pang kpop.

Bakit ba ang gwapo niya? Bwisit lang.

"Wow! What a question?! Sayo ba ang Kapasigan? I should be the one asking you that?! Anong ginagawa ng isang halamang dagat dito?!" ani Isle na tinaasan pa ako ng kilay kaya napanganga ako.

Ano daw?!

"Ano? Anong sabi mo?!" sabi ko at hinampas siya pero agad namang naka atras.

"Ayoko ng ulitin. Im not a recorder."

"Bwisit ka! Ano nga kasing sinabi mo?!" gigil kong sabi. Ngumisi ang gago,feeling niya panalo na siya.

"Bakit ba kasi?"

"Ulitin mo ang sinabi mo! May english eh! Hindi ko naintindihan yung english!" sigaw ko. Napatingin yung ibang dumadaan at biglang humalakhak si Isle.

"Epekto ba yan ng pagiging bunot ang buhok?" naluluha pa niyang sabi habang nakahawak sa tiyan niya.

"O sige,huwag na lang yon! Yung pinaka una mo na lang na sinabi. Bakit sinabi mo iyon? Sinagot mo yung nasa isip ko. Mind reader ka ba?" pinamewangan ko siya,tumigil na siya sa pagtawa at tinitigan ako.

"Hindi ako mind reader. Malakas lang talaga ang pagkakasabi mo,huwag kang pa-inosente."

"Hindi ako painosente! Baka nakakalimutan mo,nasa akin ang alas,once na ikalat ko ang video mo,patay ka na!" sagot ko naman,tingnan natin kung hindi pa siya ma rattle.

"Subukan mo lang. Patay ka sa akin. Pwede ba? Burahin mo na yan,wala ka namang mapapala,every guy do that,its normal. Hindi ako makatulog sa gabi pag naiisip kong ikaw ang nanonood sa video,nakaka diri. Hindi dapat ikaw ang unang makakita ng pagkalalaki ko. I feel like Im molested." mahaba niyang sabi na dahilan kung bakit nalunok ko ang bagang ko.

Molested? Ganon na ba agad kalala iyon?

"Grabe ka." ang nasabi ko na lang dahil wala na talaga akong masabi.

"Mas grabe ka. Kung hindi mo iyan buburahin,wala ka na ding pinagkaiba sa ibang bakla na hayok sa lalaki." seryoso namang sagot ni Isle.

Kinuha ko ang phone ko sa bulsa ko at agad nagpunta sa gallery.

"Oh eto na nga eh,buburahin ko na." pinakita ko sa kanya na binura ko ang video.

"Good. Pero hindi pa kita napapatawad. Pagbabayaran mo pa ang kasalanan mo." sabi niya ng mabura ko ang video.

"Wala akong kasalanan!" singhal ko kay Isle. "Nabura ko na naman ang video ah?."

"Dahil sayo,na late ako sa enrollment dahil hinabol at hinanap pa kita that day. Ang kinalabasan napunta ako sa second bracket na naging dahilan kung bakit binawasan ang allowance ko at nagka curfew ako."

"Pati yon ako pa talaga? Are you kidding me?."

"Seryoso ako. Kaya dapat kang magbayad."

"Wala akong pera! Bahala ka! Dyan ka na nga!" inis kong sabi at nilampasan siya. Naglakad na ako papunta sa kanto para makasakay ng trycicle.

Magbabayad daw? Bahala siya! Pe-perahan pa niya ako?! Tama nga sila,pera lang ang habol ng mga lalaki sa mga bakla. Pero duh? Wala siyang makukuha sa akin kahit twenty-five centavos. Hindi ko pinangarap na gumastos para sa lalaki,ang kapal ng mukha ng Isle na yan.

Pagkauwi ko eh walang tao sa bahay. Nag manicure na siguro si Mama,hindi man lang hinintay tong mga pinabili niyang cutics.

At dahil linggo naman ay naisipan kong mag gala,naligo na ako at nagbihis. Makapunta na nga lang sa Megamall at makapag palamig,titingin na din ako ng mga damit at sapatos.

Titingin lang ako,hindi bibili. Hindi ko afford ang mga bilihin sa Mall,hanggang Pasig Market lang ako.

Pagdating ko sa Megamall ay dumiretso ako sa Timezone,nakakalibang kasi manood sa mga taong naglalaro doon,hindi mo mamamalayan ang oras.

Pagkatapos sa Timezone ay nag ikot-ikot pa ako. Kahit saan lang basta magustuhan ng mga magaganda kong mga mata at basta maaliw lang ako.

Nakaramdam na ako ng gutom dahil tumatambling na ang aking mga bituka. Tiningnan ko ang oras,mag alas sais na pala ng gabi,kailangan ko ng makauwi agad.

Lumabas na ako ng Megamall,tumawid na ako sa overpass,pagkababa ko ay tiningnan ko ang wallet ko.

May fifty pesos pa ako!

Kukuhanin ko na ang fifty pesos ng may humablot sa wallet ko,ang bilis nito tumakbo at hindi agad ako nakakilos. First time to ning! My gust! What shoud I do?

"SNATCHEEEERRR! WAAAAHH! HEEELLLPPP! TULOONGGG! NA-SNATCHAN AKOOOO!!" sigaw kong ganyan ng maka recover na ako. Ang dami agad lumapit,at ng tinanong ako kung nasaan na ang snatcher at sinagot kong mabilis itong nakatakbo ay nagsi alisan ang mga ito. Ang babait lang!

"Magkano ba ang pera mo?" tanong ng isang binata na parang concern. Mukhang siya ang makakatulong sa akin.

"Fifty pesos!" sagot ko na maluha luha pa.

"Fifty pesos? Gagong iyon ah!" sabi nung binata.

"Gago talaga! Hindi na naawa!" ang pag sang ayon ko naman. Paano na ako makakauwi nito?

"Gagong iyon! Mang i-snatch lang,yung fifty pesos pa?! Kung ako dun sa snatcher,binalik ko na sayo iyon. Kulang pa yon pang kain eh. Dyan ka na nga!" sabi nung binata at naglakad na palayo,naiwan akong nakanganga at luhaan.

Walangyang iyon? Akala ko tutulungan ako? Wala na talagang good samaritan ngayon.

No choice ako,maglalakad ako pauwi. Okay na yun kesa hindi ako makauwi. Blessing in disguise siguro ito,makakapag exercise ako,lalo akong se-sexy nito.

At yun na nga mga friends,sinimulan ko na ang adventure ko. Nagsimula na akong makibaka,sinimulan ko ng magpa sexy. Panigurado pagdating sa bahay ay may mangga na ako sa paa! My guts! This is not happening! This is not happening!

Nasa may bandang Kapitolyo na ako ng magreklamo na ang mga paa ko. Kaya naghanap ako ng pwede kong pagpahingahan muna. Pero wala,kaya sa gutter na lang ako naupo.

Lord! Bakit niyo ako pinapahirapan ng ganito? Anong naging kasalanan ko? Kasalanan po bang maging maganda? Hindi ko naman ginusto na mag umapaw ang kagandahan ko,pero hindi ko din ito gustong mawala!

"Tsk! Tsk! Dito ka pa talaga tumatambay? Walang hilig sa bading ang mga tao dito."

Agad akong napa angat ng ulo ng marinig ko ang boses na iyon.

Hindi nga ako nagkamali! Si Isle at nakasakay sa motor!

"Isle! My saviour! Please help me!" galak kong sabi at agad tumayo't lumapit sa kanya.

"Huh? Sabi ko na nga ba at ikaw yan eh. Kahit naka yuko ka nakilala agad kita dahil sa hulma ng buhok mo. Agaw pansin eh."

Okay,palalampasin ko muna ang pang iinis niya. Kailangan ko ng makauwi dahil gutom na gutom na ako.

"Na snatch ang wallet ko! Kaya naglalakad na lang ako pauwi. Hatid mo naman ako sa amin please? Ang sakit na ng mga paa ko! Baka hindi na 'to tubuan ng mga kaliskis."

Tinaasan niya ako ng kilay at parang nag isip ng malalim.

"Nakaka awa ka naman pala." aniya at tumingin sa paligid.

"Sobrang nakaka awa." ang pagpapa awa ko pa. Kakalimutan ko munang may civil war kami ni Isle.

"Sige,ihahatid na kita. Pero sa isang kundisyon. Sisimulan mo na bukas ang pagbabayad sa kasalanan mo at kung hindi ka papayag,hindi kita ihahatid,iiwanan na kita dito."

Sa narinig ko ay sadyang nagalak ako,sa wakas! Makakauwi na ako at mapapahinga na ang magaganda kong mga paa.

"Sige! Sige! Kahit anong bayad pa yan! Hatid mo na ako." ang agad kong pag payag at napa palakpak pa ako.

Ngumisi si Isle at napalunok ako.

- MUSTA? Comment and Vote kung nagustuhan niyo.