تحدى حياه

الفصل الثالث

تركته مستغرق بتفكيره وحيرته  وبعد ان رمقته بنظره اخيره تخرج  بعدها من غرفته،فتجد  الجميع بانتظارها
اسما،واولادها،الدكتور ابراهيم، الكل ينظر لها  بعيون صامته ونظرات مليئه بالاسئله حتى يقطع الدكتور ابراهيم  ذلك الصمت قائلا: حياه اعتقد ياسين وافق انك تكملى رحله العلاج، ولا ايه؟
تومىء له براسها قائله: واضح انكم سمعتو الحوار كله، وعندكم اسئله، انا جاهزه لاى سؤال اتفضلُ
تقترب اسماء منها وبقلق الام تهمس : حياه فهمينى ليه كل ال قولتيه لياسين دا.

ابتسمت حياه برقه قائله :دكتوره أسماء مش كل الاطفال لازم ندادى فيهم،لا فيه اطفال لازم تعامليهم بحزم،وبما  البشمهندس ياسين حاليا طفل كبير، فأنا عملت كدا واديته فوق دماغه

تقطب اسماء حاجبيها ليس هى فقط بل الحاضرين ايضا فقال عصام متسائلا:
هو ياسين طفل!! دا رجل اعمال كبير، وله وزنه ومكانته مهما كان

تلتفت  حياه اليه قائله:
كلامك صح ،بس حاليا هو ضعيف، ضعيف جدا جدا،حاسس منكم بالشفقه ،الكل بيهاوده فى كل حاجه،كانه طفل،ودا محسسه بالعجز فكان لازم احسسه انه لا مش دايما هيلاقى المعامله دى

يصمت الجميع،كان الطير على رؤسهم،انها محقه لن تجدى طريقتهم السابقه اى نفعا معه ،بعض الامور تحتاج للحسم أحيانا.
تنهدت مها قائله بحيره بالغه: وال سمعناه عن
التحدى ياحياه ليه وافقتى عليه؟ ممكن السنه تعدى وياسين يفضل زى ماهو؟

تزكرت حياه بتلك اللحظه قبس النور فابتسمت لها قائله:
هقولك وافقت ليه  ياانسه مها،دكتوره اسماء قالتلى حاجه وهى بتوصفلى حالته،انه مفيش عنده اى مشكله عضويه، اذن العامل النفسى هو السبب، فقررت العب ع الوتر ده؛
صمتت دقيقه لالتقاط انفاسها ثم استطردت:
ياجماعه  حاولو تفهمونى، ال جوه دا ياسين النجار،وانا متاكده انه مش  هيقبل وضعه دا كتير هيحاول ويحاول بس عايز  دافع

ظل ابراهيم  مستغرق بالتفكير فى حديثها فقال:
والدافع دا التحدى تقصدى
حركت راسها قائله:
بالظبط، لعبه التحدى عجبته،وزمانه بيفكر ازاى ينسفنى من قدامه، يعنى هيشغل دماغه بحاجه هتليه عن وجعه الاساسى

اقتربت منها اسماء تقول بتحزير : حياه خدى  بالك ياسين  شغله علمه بعض القسوه ، هيجرحك وممكن يهينك

بجديه قالت حياه:متقلقيش انا فاهمه كل ده، اطمنى ولو سمحتى اديله ادويته،ومن اول بكرا انا ههتم بكل حاجه

نظر ابراهيم بساعه يده قائلاً:حياه عدى عليا بكرا فى العياده افهمك كل حاجه،العنوان فى الكارت ده، واديكى فكره عن الادويه، عشان تعرفى تتعاملى معاها
واعطاها الكارت لتدسه فى حقيبتها توماء راسها فى ايجاب قائله: اطمن دكتور ابراهيم؛ انا عندى فكره مسبقه عن الادويه ايام شغلى مع خالى هو صيدلى.