تنهد خالد بقوة وكأنه يحاول إخراج شحنة الضيق التي بصدره ثم قال :-
مفيش ياماما سلامتك يا حبيبتى
حنان :-
يا واد هو انا يعني مش عارفاك لما بتبقي مدايق او زعلان
احكيلي بس في اي
خالد :-
الطبيعي ياماما ضغط شغل بس مش اكتر
حنان :-
لا مش ضغط شغل انت عمرك ما اشتكيت من الشغل بس مادام زعلان كده يبقي متخانق مع إسراء
تنهد خالد بضيق ملحوظ :-
إسراء دي كمان حكاية لوحدها
حنان :-
ليه بس اي اللي حصل
خالد بحيرة :-
مش عارف بقيت احس انها مش عايزاني
حنان :-
اي الكلام اللي انت بتقوله ده
اي اللي حصل خلاك تفكر كده
خالد :-
مش عارف بحس انها بتتهرب مني كل ما اقولها نخرج او حتي لما بكلمها بتفضل تقولي مشغولة وتقصر في الكلام انا مش فاهم في اي
حنان :-
يا حبيبي مادام هي قالت مشغولة يبقي هي مشغولة فعلا إسراء هي اللي بتاخد بالها من البيت وعمك وأسيل ده غير دراستها
وبعدين كلنا عارفين إسراء بتحبك ازاي
خالد :-
طب تفسري بايه يا ماما انها رافضة نتجوز غير ما بعد ما تخلص السنة دي هو انا هقولها متكمليش دراستك ولا لسه بكون نفسي مثلا اي محتاجة تتأكد من مشاعرها يعني
حنان :-
يا عبيط بتتدلع عليك ولا انت خلاص مش قادر تصبر
خالد :-
مش كده يا ماما بس مش فاهم السبب يعني
حنان :-
يا حبيبي متخليش الشيطان يملي دماغك بحاجات ملهاش وجود ويخلق مشاكل بينك وبين مراتك
إسراء بتحبك ومش انا اللي هقولك الكلام ده
ارتاح انت دلوقتي ومتفكرش ولما تصحي يبقي يحلها الحلال
خالد :-
ان شاء الله
حنان :-
هسيبك انا عشان تغير هدومك وتنام
خالد :-
معلش يا ماما نادي الزفتة حور بس
زفتة في عينك
قالت حور هذه الجملة وهي تدلف للغرفة ممسكة بكوب عصير
خالد :-
انتي واقفة بتتصنتي علينا ولا اي يابت
حور :-
لا يا خفيف بس ماما قالتلي هاتي عصير لاخوكي
حنان :-
اهي حور جات اسيبكم انا بقي
تركتهم حنان ورحلت
حور :-
اي ده انتي هتسيبني معاه لوحدي
خالد :-
اقفلي الباب وتعاليلي
حور :-
اي ده في اي ليه الرعب ده
تقدمت وجلست علي الفراش ولكنها ابتعدت عنه قليلا
خالد :-
روحتي ليه لوحدك النهاردة
حور :-
كنت تعبانة ومكنتش هقدر استناك
خالد :-
في حاجة اسمها تليفون اتصلي بيا وانا هجيلك
حور :-
يا خالد انت معاك شغل هعطلك عنه
خالد :-
يا ستي يتحرق الشغل مكنش ينفع تروحي وانتي تعبانه ومع راجل غريب لوحدك افرض حصلك حاجة دلوقتي
حور :-
خلاص بقي مهو محصلش حاجة وانا كويسة اهو
اخر مرة متزعلش
خالد :-
ماشي يا حور هعديها المرة
يلا قومي اطلعي بره بقي عايز انام
حور بهمس :-
نامت عليك حيطة يا بعيد
خالد :-
بتقولي حاجة
حور :-
لا ابدا بقول نوم العوافي يا حبيبي
تركته حور وغادرت الغرفة أغلقت الباب وقالت بمزاح :-
نوم الظالم عبادة
ذهبت حنان لشقة يوسف لتري إسراء وتتحدث معها
استقبلتها أسيل بترحاب خرجت إسراء من غرفتها لتتفاجأ بوجود زوجة عمها في المنزل فابتسمت وقالت :-
ازيك يا تنت نورتي الشقة اتفضلي
حنان :-
تنت تاني احنا قولنا اي
إسراء بابتسامة :-
حاضر يا ماما اتفضلي
حضرتك جيتي امتي
حنان :-
سيبك من جيت امتي وركزي معايا في الكلام اللي انا جاية عشانه
إسراء بقلق :-
خير يا ماما حضرتك قلقتيني
حنان :-
متقلقيش خير انا جاية اتكلم معاكي بخصوص خالد زي مهو ابني انتي كمان بنتي
إسراء بانتباه :-
اتفضلي انا سامعاكي
YOU ARE READING
حبيتك وقتلتني
Romanceخُلقا لبعضهما نشأت وتربت أمام عينيه أحبها وأصبح مسئولا عنها يغار عليها بالرغم انه ما زال طفلا وهي كذلك احبته وكانت تراه بطلها منذ الصغر وقد نما حبهما وازداد بمرور السنين حتي أصبحا شخصا واحدا لا أحد يستطيع التفريق بينهما وها هي السنين تمر بسرعة و...
