ارتجفت إسراء رعبا ولعنت سوء حظها فهي تعلم صاحب هذا الصوت جيدا
استدرات ونظرت إليه بخوف لتجده يرمقها بغضب شديد ويتقدم نحوها كوحش كاسر علي وشك الانقضاض علي فريسته والفتك بها
تمنت لو أن الارض تنشق وتبلعها فتختفي من امامه في الحال
وقف امامها ونظراته تكاد أن تقتلها
قالت بصوت مضطرب :-
خـ خالد
خالد بغضب :-
ايوة خالد يا هانم
ثم صاح بها غاضبا
واقفه بتعملي اي عندك ويطلع مين الزفت ده اللي حضرتك بتتكلمي معاه
إسراء بخوف :-
خالد احنا في الجامعة بلاش فضايح
اهدي وانا هفهمك كل حاجة
تدخل مهاب في الحوار قائلاً :-
ما تتكلم كويس يا استاذ انت اي زفت دي
وبعدين انت مين سمحلك تزعق لاسراء كده
خالد :-
الله دي احلوت اوي وانت تعرف إسراء منين ان شاء الله
مهاب :-
وانت مالك اعرفها منين انت مين اساسا
خالد بحدة :-
لا مالي ونص يا روح امك
مهاب :-
متجبش سيرة امي علي لسانك لازعلك
إسراء :-
ارجوك يا خالد يلا نمشي بلاش مشاكل
خالد :-
اسكتي انتي خلينا نشوف حمادة هيزعلني ازاي
تدخلت إيمان في الحوار خوفا من ردة فعل خالد
إيمان :-
خالد صدقني ده سوء تفاهم
نظر خالد لمهاب بغضب ثم أخذ إسراء ورحل
مهاب بغضب :-
مين الحيوان ده
إيمان:-
اسكت اسكت الله يخربيتك هتودينا في داهية
انت متعرفش هو يبقي مين
مهاب :-
يبقي مين بسلامته
إيمان بتوضيح :-
ده حضرة الظابط خالد الهواري يبقي ..
قاطعها مهاب قائلاً :-
ظابط علي نفسه بس هو يكلمها ليه كده
إيمان باستغراب :-
وانت مالك اتحمقت عليها اوي كده ليه
مهاب :-
عادي يا إيمان زميلة ومهما كانت بنت ازاي نسيب واحد يكلمها بالطريقة دي مين اداه الحق اصلا
إيمان :-
لا طبعا حقه يعمل اكتر من كده كمان ربنا يستر وميتعصبش عليها اكتر من كده
مهاب :-
ليه اومال هي ملهاش اهل
إيمان :-
يا بني ادم افهم خالد ده يبقي جوز إسراء وهو بيغير عليها جدا وربنا يستر ومتحصلش بينهم مشكلة دلوقتي
مهاب بصدمة :-
جوزها
إيمان :-
اه جوزها مالك اتصدمت كده ليه
مهاب :-
كده هيحصلها مشاكل بسببي
إيمان :-
ده اكيد لان خالد عصبي جدا وبيغير عليها من الهوا تقريبا بس ربنا يستر ويسمعها الاول عشان متحصلش مشكلة
مهاب :-
ان شاء الله
وفي السيارة
كانت إسراء خائفة منه فهو غاضب للغاية
اما خالد ذلك العاشق الولهان كانت نيران الغيرة تحرقه
تمني لو امسك ذلك الأبله وحطم رأسه
لانه تجرأ وتحدث مع حبيبته
وكلما يتذكر عندما لفظ اسمها
يجن جنونه فهو فقط من يحق له ان يناديها باسمها ويدللها ويفعل ما يحلو له
كانت تعلم انها مخطئة ولكنها لا تستطيع ان تصمت وهو غاضب منها هكذا
فقالت بنبرة مترددة :-
خالد
لم يجيبها فقالت برجاء :-
خالد ارجوك رد عليا متفضلش ساكت كده
خالد :-
الافضل اننا منتكلمش لحد ما نوصل البيت
إسراء :-
لا لازم تسمعني صدقني يا خالد انت فاهم غلط
خالد بغضب :-
بلا فاهم غلط بلا فاهم صح انا مش قولت قبل كده غير ابويا وابوكي متتكلميش مع راجل تاني
حصل ولا محصلش
إسراء :-
حصل
خالد :-
ومن اول يوم روحتي فيه الجامعة وانتي سنة اولي قولتلك مش عايز اشوفك واقفه مع دكتور ولا معيد ولا تتعاملي مع شباب دفعتك وشغل المسخرة ده حصل ولالا
إسراء :-
حصل
خالد بحدة :-
ولما هو حصل واقفه مع البيه ده بتعملي اي ولا هو كلامي مبيتسمعش
بتكسري كلامي يا إسراء ماشي
إسراء :-
يا خالد ..
قاطعها خالد قائلاً :-
ولا كلمة زيادة
فضلت إسراء الصمت فهي تعلم حبيبها جيدا فهو شديد الغيرة عليها لدرجة انه يغار من أبيها عندما يعانقها او يدللها فكيف لا يغار وهو يراها تتحدث مع غيره
نعم حبيبها فالبرغم من قسوته عليها في بعض الأحيان لكنها ليس لديها أدني شك انه يعشقها وان تلك المشاكل التي تحدث بينهم دائما سببها الغيرة
YOU ARE READING
حبيتك وقتلتني
Romanceخُلقا لبعضهما نشأت وتربت أمام عينيه أحبها وأصبح مسئولا عنها يغار عليها بالرغم انه ما زال طفلا وهي كذلك احبته وكانت تراه بطلها منذ الصغر وقد نما حبهما وازداد بمرور السنين حتي أصبحا شخصا واحدا لا أحد يستطيع التفريق بينهما وها هي السنين تمر بسرعة و...
