تفاجأ خالد من طلبه فلم يخطر علي باله انه سيتحدث بهذا الأمر فقال بدهشة :-
تتجوز مين
ياسر :-
الآنسة حور اختك
قلد حديثه قائلاً :-
الآنسة حور أختي
ياسر بتوجس :-
انت مش موافق ولا اي
خالد :-
وانا مالي هو انا اللي اتجوز
ياسر بفرحة :-
اي ده بجد حبيبي يا خَلوود
انا كنت عارف اني عريس لقطة ومترفضش
فاتحها بقي في الموضوع
خالد :-
ماشي
ياسر :-
لا بسرعة انا مستعجل
خالد :-
مستعجل على المر ياخويا
ياسر :-
وانت مالك ياعم انت فاتحها بس وملكش دعوة
خالد :-
ولاا بطل زن يخربيت الصداع هفاتحها لما اروح البيت
ياسر :-
حبيبي يا ابو نسب
خالد :-
عيل مصلحجي حقير
وبعد مرور بعض الوقت في منزل سليم
دوي رنين الجرس فخرجت حنان من المطبخ مسرعة لتري من الطارق
حنان :-
ايوة جاية اهو
قامت بفتح الباب لتبتسم بسعادة عندما رأت ابنها الوحيد
حنان بابتسامة :-
خالد حبيبي وحشتني
فتحت ذراعيها تدعوه لعناقها فلبي خالد دعوتها بحب و عانقها لينعم بحبها وحنانها فهو بحاجة ليشعر بحبها
خالد :-
وانتي كمان وحشتيني يا ست الكل
حنان :-
البيت ملوش لازمة من غيرك والله يا حبيبي ربنا ما يحرمني منك يارب
خالد :-
يا حبيبتي متحرمش منك ابدا
سامحيني لو كنت مقصر معاكي بس غصب عني والله الشغل انتي عارفة بقي
حنان بتفهم :-
عارفة يا حبيبي وعذراك المهم انك بخير
خالد بابتسامة :-
انتي بس ادعيلي
حنان :-
بدعيلك يا نور عيني هو انا عندي اغلي منك انت واختك
قال خالد بنبرة مشاغبة :-
وسليم بقي مالوش من الحب جانت ولا اي يا نونا
ابتسمت حنان بخجل وقالت :-
بس يا واد واعقل بقي
ضحك خالد بشدة فسألته :-
المهم طمني اخبارك انت وإسراء اي
اختفت ابتسامته وحل محلها العبوس وأجاب باقتضاب :-
تمام
حنان :-
مجبتهاش معاك ليه
خالد :-
مرة تانية يا ماما انا دلوقتي جاي عشان حور
حنان :-
انتوا مروحتوش شهر عسل ليه
ينفع كده يا حبيبي إسراء عروسة ومن حقها تتبسط وتسافر وتعيش حياتها مع جوزها اللي بتحبه
خالد بجمود :-
بعدين مش وقته
حنان باستغراب :-
مش وقته ازاي يعني هو في حاجة ولا اي
خالد :-
ابدا يا ست الكل
كل الحكاية اني الفترة دي عندي شغل مهم بعد ما اخلصه هبقي اخدها واسافر
حنان :-
ربنا يسعدكوا يا حبيبي
نهض خالد قائلاً :-
انا هروح اشوف حور عن إذنك يا حبيبتي
تركها واتجه لغرفة حور وهو يتمتم بسخرية تحمل في طياتها الألم :-
قال جوزها حبيبها قال
YOU ARE READING
حبيتك وقتلتني
Romanceخُلقا لبعضهما نشأت وتربت أمام عينيه أحبها وأصبح مسئولا عنها يغار عليها بالرغم انه ما زال طفلا وهي كذلك احبته وكانت تراه بطلها منذ الصغر وقد نما حبهما وازداد بمرور السنين حتي أصبحا شخصا واحدا لا أحد يستطيع التفريق بينهما وها هي السنين تمر بسرعة و...
