خَفايـا القدر

مَـّشهد

للكاتبـه /بَـانو 🪐🤎 ،

مرحبا يا اصدقائي

روايتي الأولى وأن شاء الله مو الأخيره استمر بدعمكم يحلوين❤️ ،َ

،،،،،،،،،،،،،،،،،،،،،،،
مشهـد ١

-گاعده واجر النفـس گوة ينجر ومصحوب بشهگة   بحيث النفس احس يخنگني من يطلع

فجأه سمعت صوته أي صوته الي أخذ من حيلي حيـل سمعته ومبين صاير بركان من الاعصاب
اندفر الباب واني وراه وكعت على وجهي وخشمي طك بالكاع وبقى ينزف مجرد شافني واگعه اجه يمي ارتخت ملامحه من العصبيه للخوف والهدوء

يتفقد وجهي بـ خوف وكال

-شبيـج تأذيتي كسر بأيدي مادري بيج والعباس
وبعديـن شعنـدج ورة الباب خاتله .

باوعتله واني أحاول ابين مابيه شي گتلة

-مابيه شي حَـبيبي لاتخاف "ابتسمت اله

-شلون ماخاف وانتِ دا تنزفين كومي اخذج للدكتور

سحب ايدي
-گتلك مابيه شي لاتخاف هسه اكوم أغسل وينقطع النزف

گومني واخذني يم المغسله فتح المي واخذ بأيده ويغسل بـ خشمي الي دا ينـزف
ويحجي ويايه

-ارفعي راسج حَبيبي على مود ينقطع الدم

ابَـتسمت اله رفعت راسي واكو دم ع ركبتي

تَرك ايدي وكال

-لحظه حُبي اجيب كلينس على مود انضف الدم
الي ع ركبتج

ماحجيت شي راح جاب واجه اخذ بأيده كلينسات ثنين وأخذ قطرات مي من المغسله وخلاهن ع الكلينس ومسح ركبتي

كمل وكال
-امشي طبي جوه ارتاحي

-بَـس انضف المكان بي دم 

-اشششَ انه انضفه لتشيلين هَـم

ابتسمت اله ودخلت لجوه اتمددت ع القنفه مال الصاله هستوني غمضت عيوني دخلت أمه

-أي عيني حظ المسعدات نايمه وابني مسويته خدام الها ينضف ويرتب

دخل هوَ كللها

- متشوفينها مريضه ،وبعديـن شصار ع العركه؟

،،،،،،،،

مشـهد ٢

كاعدة واكُل بأضافري مَن التوتر اخاف يجون وابويه ميوافق شلون ياربي دخيلك حَلها من يمك تعبت اني

اهز برجلي واكُل باضافري حسيت الدم طلع منهم دگ التلفون گمت بسرعه دخلت للغرفه مالتي وسديت الباب فتحت الخط اجاني صوته

-هَـا يَروحي اجينه بالطريق قبل شويه طلعنا يعني العصـر أحنه يمكم

-حَـبيبي خااايفه من ابويه اخاف ميقبل حچيتها وبجيت

-اشش يَروحـي عليش البجي؟ واذا ماوافق ابقى الح منا لمن يمل ويـنطيج إلي

-صدُك والله

-اي والله كافي بجي يلا ماريد تبجين بهيـج يوم

-ان شاء الله حَبيبي

سلم عليه وسد الاتصال

مشهـد ٣

-دگافييي والله العظيم مليت وطلعت روحييي شسوي الها حتى ترضى عليه

-ياحبيبي اتحملي علمودي وعد كُلشي يتصلح

-هوَ شمصبرني عليها غيرك تعبت اني تعبتت افهم
شبيدي واذا ماصار عدنا اطفال هاا واذاا يعني اني ماضايجه لو شنو كافيي عفيه أمر الله هذا مابيدي شي ليش كُل اللوم ديصيـر عليه تعبت والله فوكاها تريد تزوجك

"طگاها بضحكه عيونه دمعت من كد الضحك وسحبني من ايدي لحضنه وكال

-مخبل عاقل اخذ عليج اني بألف ياعلي أخذتج وترديني اخذ عليج لا وحگ هوَ امير المؤمنين يكون اخذت عليج مانحسب على الزلم

بجيت اي بجيت وضميت راسي بحضنه باسني براسي وبقى يمسد على شعـري"

مُقتطفات ومَشهد من الروايه الجديده كُلش حلوه تجنن بمعنى الكلمه🙈 "

والتنزيل يكون بين يوم ويوم واريد تفاعلكم حتى استمر بيها ✨"