خَفايـا القدر

بـارت ٦

"خفايا القدر "

للكاتـبه: -بَـانو 🪐🤎

وراها اجه جود وسيف اخذه استفسارات واسألة شلونك وشلونك وهوَ يكول زين مجاوب

بعدين تغدينه وبقيت كاعدة ع تلفزيون اباوع ومر اليوم عادي بليل من نمت وراها جُمان كعدتني خلتلي قطرات ورجعت نامت واني كذالك

ثاني يوم بليل فتحت الموبايل لگيت كوومة رسائل على الماسنچَر من احمـدد
دخلت عليهن كاتب

اول شي مراسلات  ورة ماحجينه بليل ورحت نمت
ثاني يوم الصبح بـ ١٠ ونص داز

احمـد:-هلاو يابه شلونج

وبـ٣ الضهر داز
-شني شو ماكو خوما بيج شي؟

وبـليل بـ٢داز

-ما چَاي يجيني نوم وانتِ ماكو حتى احجي وياج وين البارحه شحلاتنه نحجي سوة ونسولف ونضحك اليوم مادري بـ اخبارج ومادري شلونج

وثاني يوم بـ ٧ الصُبح داز
-انه بالدوام صار ساعتين من رحت وعيني على الموبايل بلكي تجي رسـاله منج ،

وبـليل داز
-نقص كُلش چبيـر بيومي من دونـج ،احَس ماكو واهس لـ شي جديات چَاي احجي ما چَاي اشاقـة

وثاني يوم داز
-صباح العافية على عيونج الحَلوات المـاشايفهن بس مُتأكد حلوات

-شلونج اليوم، حتى لو مافاتحة نت هم اراسلج عادي علمود من تفتحين تشوفيهن وما تكولين ناسيني

والعصر داز
-السـاعه بالخمسة ونص وهسة يلا طلعت من مكان الدوام تعبان ميت تعب

اخر رسالة هيه هايه فَ جاوبتة ،

زَمزم :-هلاو شلونك

جانت الساعة بالتسـعه بليل

ف بالتسعة ونص جاوبني دز

احمـد:-يابه هلاا شسالفة وين هالغيبة عبالي بيج شي والعبـاس

"ابـتسمت وگُلت بداخلي شدعوا هلگد مهتم لوجودي '

زَمزم:-والله مالي واهس افتح نت وما لازمة الموبايل ابد علمود عيني تأذيني

احمـد:-سلامتج بس ضل بالي وياج

زَمزم:-اي شلونـك

احمـد:- مو زيـن لحد قبل ٤٥ دقيقة هسه صرت عال العال

زَمزم:-٤٥ دقيـقة شنو؟

احمـد:-مـسچَ منـج گلب مودي للأحسـن ودز قلب أحمر

'ابتسمت وخليت ايدي ع حلگي بـ عفويه ووخرتهه ورجعت كتبتله '

زَمزم:-صَـدُك والله؟

احمـد:-اي بـالعباس اصلاً جنت ضايج ومافاتح فيس بس على گد ادزلج مسج واسدة

زَمزم:-هههههههههههههَ حلووو ماتوقعت هيج غيابي يأثر