خَفايـا القدر

بـارت ٧

"خفايا القدر "

للكاتـبه: -بَـانو 🪐🤎

دخل سيـف يلهث وقميصة كُله دم
ووجهه بيه جروح وايدة مَضمده احس روحي راحت من شفتة بهل منـظر

حجيـت بخوف وارتباك وقلق وكُلهن اتجمعن عندي

زَمزم:-سـ س سيييف شبيك حَـبيبي سيوووفي. 

سيـف وهوَ يحاول يبين مابية شي علمود ميخوف أهله:-هَـااا لا مااابيه شي شبيج مُجرد حادث صغيـر لتخافين

زَمزم:-تقربت عليـه بـ خوف واضح وايديناتي تـُرجف من الخوف

گلتلة

-لك ياحادث صغييير متشوف ايدك مضمده ووجهك كُله جروح

سيـف:-خله ايده بشعري وحجه مابية شي حَـبيبي انتِ لتخافين

على صوتنا طلعت أمي من الغرفـه و شافت سيف وضربت على صدرها وعاطت

امي:-ييييمممممه ابنيييي شبيك يييييمه سوده بوجهيييي

راح سيف تقرب يمها وحضنها وگال

سيـف:-امي حَـبيبتي انتِ مابيه شي والله بس حادث صغير وهاي انه كدامج كُلشي مابيه

امي:-لك يمه كلبي راح عليك يمه وليدي اسم الله عليك

سيف:-باسها براسها وكال رايح اسبح انه

راح يسبح واجه بابا كعد بالصاله وكلشويه يريد يصعد لـ سيف يستفسر منه ويشوفه

بس امي تكولة

-انتضر هسه يسبح ويجي

ورة ساعه اجه سيف لابس تراك اسود ولاف باندج جديد على ايده

شافه بابا وكام تقـرب منه ويتفقد بوجهه وايده

ابوية:-شبيـك بابا؟ خوما متأذي اخذك للدُكتور؟اكو شي يوجعك؟ ايدك تأذيك؟

سيف:-يباوع لبابا ويبستم اله وكالة

-مابيه شي والله وماكو شي يأذيني

ابوية:-اطمن شويه وباسه

حيييـل أحب علاقة بابـا بينه عبالك اصدقائه ابد ميعاملنه ك ابـناء

كعدنا نتعشه وكملنا راحت جُمان غسلت الامواعين وسوتلهم چاي بس ماجانت على بعضها احسها ضايجه

وراها راح سيف يرتاح بغرفته واني مددت ع القنفة وتغطيت وبابا وماما بغرفتهم

احمد همات نايم بغرفته
جُمان جانت فوك شويه ونزلت اجتِ مددت بفراشها

مديت نفسي ع القنفه واخذت الموبايل والهتفونات

فتحـت الموبايل دخلت على الفيس وهوَ نشط الأن بس ماكو ولا رسالـه منه حجيت بـ داخلي ههههَ خلصت لهفة البدايات بعد ميراسل