خَفايـا القدر

بـارت ٤

"خفايا القدر "

للكاتـبه: -بَـانو 🪐🤎

اجتني وكالت ( تحبني ؟ ) وخفت منها ،
مثل آخر جكاره التاخذ التفكير ما أدخنها ؟ أدخنها ؟

   

--------------------

الدكتور: -لا يحلوه ميصير تتغاضين عن وجع الراس

زَمزم: -بس عادي وجع طبيعي مو اله دُكتور جان يروح بالعلاج بس بابا أصر اله نجي ويشوف شبيه

الدُكتور:-اي غير بنيته ويخاف عليج ياعيني

-انطانه ورقه كال سوي تحليل دم

رحنا سوينا التحليل وانتظرنا نص ساعه على ما يطلع ونوب دخلت فد مرة احس راح اوكع

رحَنا لدُكتور وانطيناه التحاليل بقه يباوع بيهن بعدين باوعلي وباوع على بابا ورجع باوع بيهن

حَسيت بابا اتوتر لو خاف حجه بخوف واضح 
بابا : ها دُكتور شبيها؟

الدُكتور:-ابستم وكال مابيها شي مُجرد ألم طبيعي

بابا: -متأكد دُكتور؟

الدُكتور:-اي طبعاً متأكد بس عينها بيها مي لازم تجيني يوم الجُمعه للعيادة اسحب المي منها

بابا: -دُكتور يعني عمليه؟

الدُكتور :-اي عمليه بس لا تخافون ابداً جداً سهله وبسيطة وحتى وهيه كاعدة اسويها الهه

زَمزم :-خفت شويه بس حاولت ماابين شي وكُتله،
يعني متأذي؟

الدُكتور :-ابـتسم بوجهي وكال باعي بنتي ماكو شي ميأذي وكُل عمليه وبيها خُطورة
وصدكيني راح ترتاحين كُلش من تسوينها
وبعد حتى راسج ميأذيج وتخلص هالطلابه مال وجع الراس ههههَ

زَمزم: -بس اكو غواش عليها دائماً من اريد اقرة او اباوع بالموبايل تغوش عيني والرؤيه تنعدم بيها واله افركها واغمض وارجع افتح يلا تصير احسن

الدُكتور:- كُل هالشي راح يروح مُجرد ما تسوين العمليه وان شاء الله ماكو خوف زمزوم انتِ قويه

زَمزم: -ابتسمت بوجههَ وگُلتله شُكراً

الدُكتور :-اهلاً باباتي

بابا: -هاهيه دُكتور ان شاء الله الجُمعه احنه يمك

الدُكتور:-اي، الجُمعه الصُبح انتُو هنانه بالعيادة كون على الساعه ٧ وتجي ما ماكلة حتى مي متشرب

زَمزم :- دُكتور ميصير تتأجل العمليه لأن الاسبوع الي يجي راح تبلش امتحاناتي شلون؟ لعد

الدُكتور: -كُل مانسوويها اسرع كُل ما احسن الج

لأن اذا تأخرنا تتأذين انتِ فَ مو من صالحج ابدً

بابا: -عادي بابا الامتحانات اني احاجي المُدير وأسويلج اجازه مرضيه وتمتحنينهم على الدور الثاني