خَفايـا القدر

بـارت١٥

"خفايا القدر "

للكاتـبه: -بَـانو 🪐🤎

٢٠١٦ البـصرة/حي الجزائـر

گـاعـدة واباوع عليـهاا وعلى مَلامحها الحلوه عيونهـا كبـار وزرگ حيييل بـ لون البـحر وخدودها كبار بس

مشقشقات من الكُـبر وخشمها حلو وعدها دكات بـ حنچها
وبيضـه عبالك گطن
وايديها هم بيهن دكات بس لونهن ازرك

جانت تمشط بشعـرها الاحمـر الضاهر توها مخليتله حـنة

ومثل كُل مرة تكعـُد تسولفلي قُصـه حياتها وشلون تزوجت

جنت مدده ومرتجيـه على ايديه وهية تمشط بشعرها

كملت وتضفـر بي
گلتها بـ حَماس

-يلا بـيبي گملي سالفـتج

-يـَ مدهورة اليشوفج يكول أول مرة تسمعيـنها

-ضحكت،بيبي والله حلوه سوالفج ولاتـنمل مثلج

-يابـعد عيـون بـيبي دهاج حَبه ،جرتني وباستني

اجتِ جُمـان تصيـح

-لج زَمـزم صخام كومي خل ننظف باجر تجيـنه ناااس تسلم على ابويه قبل لايروح

جاوبـتها بـ ملل

-اهووووو شنيـه هيه خل اسمع سوالف بيـبي الحلوه مشتاقتلها

-انجـبي وكومي بيبي راح تبقى يمنه ماتروح بـعد

گمزت بـ فرحة وحجيت

-عززززززه صـدُك بيبي متروووحيـن بعـد

جرتني حضنتني وكالت

-اي ماروح باقيـه على گلبج .

-احبببببـج بيبي، اكمل تنظيف واجيج اكعُد يمج اصلاً اليوم نسـهر سوه ماكو نوووم .

گامت تضحك وكالت .

-ان شاء الله .

بسـتها ورحت ويـه جُمان اول شي بلشنا ننظف بالطابق الفـوك هية تكنس واني امسـح وابـخر وراها

كملنا ونزلنا على الدرج هم كنس ومسح وبعدين

الغُرف الجوه والصاله والمطبـخ لحد٤ العصـُر احنى ننظف ماتغدينا وياهم من كملنا سبحنا يلا تغديـنا

وراها گبل نمـت نعسانه وتعبانه كعدت ب١٠ نزلت اكُلت وحدي جُمان كاعدة قبلي ومتعشيه وياهم

فتحت غُرفه بيـبي لگيتها ضلمه وبارده وبيبي نايمه
قللت من بـرودة السبلت مو زين عليها مرة چَبيـرة وسديت الباب وصعدت فوك فتحت موبايلي

اني واحمـد متعاركيـن يريد يجي للبـصرة يشوفني واني مااقبلت ف زعل

وگلت خل يولي شسويله واصلاً اني مااوعدته بـ حُب لو شي ف خلي