خَفايـا القدر

بـارت ٥

"خفايا القدر "

للكاتـبه: -بَـانو 🪐🤎

ورجعت بقو كاعدين لـ ١٢ وراها راحو نامو بقت يمي جُمان كالت بس اجيبلي فراش واجيج جابت فراش واجتِ فرشته بصف القنفه الي اني نايمه عليها

گلتلها

-عفيه جـيبيلي شاحنتي وهتفوناتي

-صار

صعدت جابتهن واجتِ

شگلتلي الشاحنه ومدتلي السيـار وراحت لفراشها تمددت
اني فتحت فيس وشفت احمـد مراسلني

ابـتسمت ولگيتة داز

احمـد:- هلا مساء الخيـر

شلونـه الحَلو شرب علاج اكُل؟

زَمزم:- مسـاء الخيـر

الحمدلله شوية أحسن، أي اكُلت وشربت علاج

"بقيت افتر بمنشورات الفيس واشوف بالقُصص ورة دقايق اجتِ رسائل من احمـد دخَلت عليـهن "

احمـد :-الحمدلله يابه يعني زينه هسه

زَمزم:-اي الحمدلله

احمـد :-ههههههههههَ انه اخذت ميانه بسرعه وگمت اسأل اخاف ضوجتج

زَمزم :-لا والله بالعكس

احمـد :-اي زين، شكو ماكو شعجب كاعدة مو مريضه انتِ لازم تنامين على وقت حتى ترتاحين

زَمزم :-والله نمـت العصر هوايه ومنعسانه هسه، انتَ شعندك كاعد ههههَ

احمـد :-عنـدي شغل چَاي اسوي بيـه

زَمزم :-ههههه اييي

احمـد: -اي شني ما شني اسألي صخمي لتبقين ساكتة

زَمزم :-هههههههَ وين تداوم اممم يعني بأي مُحافظه

احمـد:- ماا اداوم مُحافظات

زَمزم:-شلون يعني؟ غير انتَ نقيب يعني تداوم وهيج وتروح وينطونك اجازة وترجع وهايه السوالف غير بالجيش وهيج، هههههههههه شهل خبصه حتى مراح تفهمني بس ماعرف شلون اوصلها اله هيـج

أحمـد :- لا يابه فاهمـج، لا مو بالچيش انه اداوم بـ وزارة الداخلية فَ يـعني انه دوامي من الخمسة الصبح لحد الخمسة العصـر ومرات اطلع واجبات بليل

زَمزم :-امممم زين يعني عند أهلك هسـة انتَ

أحمـد :-اي بالله چَاي احاچَيج من جوة البطانيه ومخلي الحاسبة كدامي وچَاي اشتغل بيها

زَمزم:- شنو انتو هم عدكم شغل بالحاسبة ؟

احمـد :-هههههههَ مو دوم، وهسة چَاي اسوي ببـحث التخرُج لأختي خابصتني صارلها اسبوع احمد واحمـد

زَمزم:-اي طبعاً تخبصك غير اخـتك

احمـد :-اي يابه شعدنا غيرها هية هالوحدة