"خَفايا القدر"
الكاتبة :- بَـانو 🪐🤎 ،
البـصرة ،،،،حي الجزائر ،،،2015
-كـاعده ع السرير مالتي اباوع فلم بالايباد وكدامي طاسه اندومي چَبيرة كُلش ويمي بوشار وكرزات وبصفي الموبايل
* كعدت المطيه تاكل ويايه ماقبلت جانت هستوها جايه من الدوام ونعسانه بقيت اكُل وحدي
ولا چن باجر عندي امتحان كيمياء وادري بـ استاذ
مُعمر يجيب الاسئله صعبه حيييل بس مع ذالك
كاعده اكُل وعادي الامور طيبة
مُندمجه ويه الفلم واباوع واكُل
لحد ما طفه الأيباد من الشحن اووف هسه وقتك انتَ
مديت جسمي سحبت الشاحنه مالتي خليت الايباد وگعدت اكمل اكُلي كملت
نزلت رجلية على كيف من السرير لأن ادري بهايه المخبله تهرجني هرج اذا اطلع صوت دائماً تگولي
-اذا شَفتيني هستوني بديت انام لاتطلعين صوت خليني اغفى واحجي براحتج لأن مااحس بعد
___
هههههههَ المهم معليه بيها
-اخذت الصينيه ورحت للمطبخ عزلت المواعين وخليتهن ع السنك شني بيه حيل اروح اغسلهن خل اروح اتصفح بالأنستا وعود شوية واقره ماطايرة القرايه
رحت لغرفتنا اني واختي دخلت اخذت الموبايل مالتي وذبيت روحَي ع الچَربايه
فتحت الانستا باوعت شكو ماكو وشفت طلبات متابعه من شباب حذفتهن ماحب اضيف غريـب حسابي بس العائله والصديقات
بقيت مكنكه لحد الساعه 6 ونص المُغرب جان الجو صيف بنهاية الخامس گمت طفيت السبلت الغرفه بردت حيل
كعدت اختي من طفيته وعاطت بيه
-ولجَ زمزم صخام المن طفيتي مو تشوفيني مطموره
-اكول انجبي يلا واكعدي صارت الصلاة كافي نوم
-اهوووو غير تكعد صايرة امام جامع براسي
-كوميي لج
شمرت عليه المخده وكامت عدلت الغطه مالتها وراحت للحمام تتوضى حتى تصلي انتظرتها تطلع حتى اروح اتوضى طلعت ورحَت توضيت وصليت نزلنا لگيت امي ومرت اخويه "احمد" اسمها "لـُمى"
مسويات العشه هيه تقلي وماما تخبز رحت اخذت گبابايه من الماعون اجتني ضربه بـ خفة على راسي
لـُمى:-لج خل اكمل واكُلي لتصيرين جوعيه
زمزم:- اييي بس هاي شبيج نحيسه
لـُمى:هههههههه انجبي لج يلا ولي اكمل واكُلي
زمزم :-هههههَ اساعدج بشي لو كملتي
لـُمى :- لا حَبيبي كملت بس افرشي السفره علما خاله تكمل الخبز
رحت فرشت السفره وطلعت طُرشي والخضره والفواكه غسلتها وخليتهن على السفره
أنت تقرأ
خَفايـا القدر
Misteri / Thrillerانفاسه تلفح بوجهي همس بصوت ذايب -احبـج وحگ العباس ما تتخيلين شكد المهم حبي فاق كُلشي احبج اكثر من. كُل شي انا احبج بكد الشط والبط ههههههَ حجيت بدلع -احبـك عقيدي🙈 -اويلي يابه روحَه لعقيدج انتِ ،،،،،،،،،،،،،،،،،،،،،،،،،،،،،،، -لك ضيييغم تحجي صُدك ا...
